الله يعينك ,الصراحة بعض الناس مايستحون,اول ما قلتي الموضوع توقعت انك اذا جبتي الجلابية بتسألك عن قيمتها وبتحاسبك ,لكن بعد موضوع الطرحة وضحت الصورة,
انصحك انك ما تكذبين وتقولين مالقيت او خلصت ,ولكن اعتذري منها باسلوب انك ماقدرتي تروحين تشترينها عندك ظرف(وانتي فعلا ماتقدرين لان المبلغ مو بسيط)وقولي لها ما ادري متى الله يفرجها واقدر اروح,واخاف تخلص الجلابيات وانا مارحت علشان كذا ابقولكم اسم المحل.

انا اقول هذي امها ردية نفس
والي مايستحي لا تستحي منه
:26:

شوفي انا اقولك على حل ان شاء الله يعجبك

روحي كلمي على صديقتك وقولي لها ان الوالده سألتني عن اسم المحل واسمه كذا ......... ولا تجيبين طاري انك قلتي لها بتشترينها لها وخلي الأم تفهم انك كنتي تمزحين هذاك اليوم او ........ انك من ذوق قلتي هالكلمه مو من قصد

وان شاء الله يناسب :24:

بنات مشكورين على الرد وماقصرتو

بس المشكلة اني الى الحين ما اقتنعت في رد وحدة منكم لاني ما اقدر اقولهم عن اسم المحل لان الفشيلة بويهي ولا اقدر اطنشهم لان علاقتي في صديقتي مرة قوية وهي من النوع اللي تمون وانا حاسة انها بتسالني عن الجلابية في الايام الجاية ولا اقدراشتريها لها لاني بصراحة عندي التزامات اولى اني اسويها000

والله العظيم اني محتارة ومفتشلة واحس بتانيب الضمير صدق المثل اللي قال< يامن شراءله من حلالة علة>

صدقوني عندي امل فيكم انكم راح تساعدوني واتمنى انة مايخيب ظني000

تستاهلين ... انت اللي جبتيه لنفسك ..
كل ما قالوا يازين اللي عليك والا وين جبتي ذاك منه ...طمرتي تجيبين لهم مثله
اما بالنسبة للجلابية ..
اشتري لها جلابية رخيصة وقولي لها ان الجلابية الاولى خلصت من عندهم وجبت لك غيرها
( ولا تتعودينها )

يعني اذا ابدوا اعجابهم بشي قولي تسلمون كلكم ذوق
واذا قالوا منين شريتي هذا قولي ما اذكر ...او جاني هدية ...ومن الافضل انك ما تقولين من المحل الفلاني لأني ما استبعد انهم يقولون
الله يعافيك اذا رحتي له جيبي لنا مثله.... وبعدين تتدبسين وتنحرجين تطلبين الثمن