ro7i tefdak :

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي حبيبتي جوزي بيساعدني بمبلغ بسيط ولكن انا اللي قهرني انه ما عم يعمل يحاول يدور على شغل لحتى يريحني

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي...

ro7i tefdak :

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي حبيبتي جوزي بيساعدني بمبلغ بسيط ولكن انا اللي قهرني انه ما عم يعمل يحاول يدور على شغل لحتى يريحني

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي...

ندى . :

ناقصك شي لازم تفكري بالمستقبل انتي سمحتي له يصير اتكالي لازم يكون طلبتي منه وعودتيه الان لازم تناقشيه ولازم تجمعي وتشتري ارض بدوله عربيه وتأمني مستقبلك ولازم تتحملي الي راح يصير ولازم توقفي مشاعرك وتفكري بعقل

ناقصك شي لازم تفكري بالمستقبل انتي سمحتي له يصير اتكالي لازم يكون طلبتي منه وعودتيه الان...

ro7i tefdak :

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي حبيبتي جوزي بيساعدني بمبلغ بسيط ولكن انا اللي قهرني انه ما عم يعمل يحاول يدور على شغل لحتى يريحني

كان لي تسلمي على ردك ودعوتك ايه هون مافي اكتر من المصاري والفسق اعوذ بالله سويس تسلمي...

ro7i tefdak :

يسعد صباحكن صبايا بعتذر عن تاخيري بالرد حبيباتي امبارح حاولت ارد ولكن كان رافض وحاولت احط بتوقيعي رسالة إلكن بس ما بعرف ليه ما كانت طالعة وانشغلت امبارح طول النهار لاني طلبت من جوزي نضهر ونغير جو والحمد لله ضهرنا وقضينا نهار حلو مع اطفالنا ( رغم الجفاف العاطفي اللي بينا) واتغدينا بره وتسوقت شوية اغراض لاولادي ولإلي طبعا من بودي شوب..لاني خلاص بكره حبلش مدرسة وما حكون فاضية الا سبت واحد ويادوب حقضيهم بتنضيف البيت وشوية راحة حابة ارد بالاول على اختي فاتن وانا عن قصد خليت ردي لك بالآخر انت وبنت المدينة مشان اوفيكن حقكن على كلامكن اللي كان بلسم على روحي فاتن بصراحة عجبني ردك كتير وكله درر ما شاء الله وخاصة انه مسند على شرعنا الاسلامي وادا كنتي خايفة انك تتعاقبي انتي عندك كل الأسباب اللي تخليكي تنفصلي عنه واولها القوامة اللي متنازل عنها لك هدا سبب قوي لأنه من واجباته عليه لكن حاولي تبدئي التغيير علشان يتغير معاكي ياترى كلمتيه بخصوص الكاميرا والمحبس؟ والا عديتيها وكأنك راضية؟ لاتبيني له انك راح تاخدي كل فلوسه وانه انتقام لأ بس بيني انه واجب عليه دام صار له راتب. وقولي يارب لين قلب زوجي علينا وسهل امرنا ما شاء الله عليكي حبيت كلامك كله ومتفقة معك بكل كلمة وهالكلمة هاي اللي كنت حابة اسمعها من وحدة فيكن لانها حتقويني كتير اللي هي بخصوص القوامة جزاكي الله خير وربي ينولك اللي ببالك ويسخرلك جوزك آمين يارب فيه نقطة حابة اوضحها لكن وكمان هي رد على كلامك هيدا قوي نفسك قدامه وطالبيه بالأمر وليس السؤال لاتقولي ممكن تعطيني المبلغ الفلاني؟ والا بتدفع الإيجار؟ لأ قولي ادفع الإيجار ادفع فاتورة هدا وهدا هات المبلغ الفلاني يلا بننزل عالسوق نشتري محبس وشوفي ردة فعله استمري بالطلب وخليكي واضحة معاه فلوسي لي انا وانت راتبك تصرف علينا كلنا من ...الى وان رفض هدديه بالإنفصال اولا حبيتي اطمنك انه راتبي بينزل بحسابي الخاص وانا اللي بدفع اجار البيت وكل الفواتير لانه ببساطة كل شيء باسمي واولها عقد الشقة لانه كان لازم يكون عندي بيت لحتى معاملته واوراقه تمشي ويحصل على موافقة بالاقامة بالسويد وكل الفواتير باسمي من كهرباء وانترنت وضريبة التلفزيون والاجهزة وبالنسبة للمصروف انا بردو ماسكة المصروف وانا اللي بصرف وبجيب اغراض البيت.. جوزي بيعطيني اغلب راتبه وبيخلي معه مصروفه الشهري وللامانة هو بياخد مبلغ بسيط ليصرف منه طول الشهر يعني راتبه 3700 بيعطيني 3000 وبياخد الباقي قولتلكن كم راتبه بالزبط وكم بيعطيني للمصروف مشان ما تفكرو اني ظالمته وهو ما محتاج مصاري كتير لانه الحمد لله ما بيدخن ونحنا عاملين كرت باص شهري ونحنا الاتنين نستعمله يعني هو ما عند مصروف الا اذا بدو يطلع يشم الهوا مع اصحابه وبيدفع بس مبلغ معين من راتبه للجيم اللي بيروحه وجديد بلش يروح الجيم مش من زمان جوزي اوقات بيساعدني انه يروح يشتري الاغراض ولكن من مصروف البيت يعني كل المصاري بايدي وهيدا اللي مخليني شايلة كل الهم والمسؤولية !! لازم ازبط ميزانيتي كل شهر واصرف على اساسها سالتيني على موضوع الكاميرا والمحبس والله يا اختي الكاميرا قصتها قصة اشترى كاميرا من النت مستعملة لانه جاله راتب الدراسة عن شهرين وقلت معلش يشتري اللي نفسه فيه وكمان لانه عطاني المبلغ اللي متعود يعطيني ياه فقلت خلاص خليه يتنفس شوي مادامه عطاني منهم المصروف المهم قام راح باعها لوحدة من بريطانيا وطلعت هالوحدة نصابة يعني استلمت الكاميرا وما بعتت حقها لجوزي !! وانا اكيدة من هالقصة لاني شفت وصل البريد انه بعت الكاميرا على عنوان بلندن يعني هو صادق بهالقصة يعني هو ما ذنبه وما كان عارف انه حيتنصب عليه بس قبل ما يعرف انها نصابة كان صار خلاص قانعني انه يشتري وحدة ب 4500 بردو مستعملة من النت وقالي بس البنت تبعتلي المصاري رح يرجعلي اللي اخده مني وهو مبلغ 1700 وحطهم على مبلغ من راتبه وقام اشترى الجديدة .. وطبعا وقتها ما ضل ما راتبه شي الا الف كرون قام راح جابلي شوية اغراض للبيت من حليب واكل وخلى معه نصهم كمصروف له ! بس اللي قاهرني ومجنني يا بنات انه واحد راتبه 3700 يقوم يروح يشتري كاميرا ب 4500 !! ايه والله ما صارت !! استغر الله يارب يعني كانه واحد راتبه عشر الاف ريال ويقوم يشتري كاميرا ب 11 او 12 الف !! وطبعا جوزي عمل هيك وسخى انه ييشتريها لانه ضامن اني عندي راتبي ومزبطة كل اموري ومصروفي !! وموضوع المحبس بصراحة هو كان هديك السنة يقولي بدي اشتريلك محبس ويقعد يشوف عالتلفون ويدور بس من وقتها ما رجع فتح الموضوع! وانا بصراحة بطلت تفرق معي لانه فيه قصص اهم من المحبس اللي مضايقيتني منه والمحبس صار بالنسبة لي رمز مش اكتر ببعد فيه عيون الناس عني ومش بمعناه الحقيقي اني بنتمي لفلان وانه فيه مشاعر خاصة بتربطني بهالشخص وبتعنيلي !! والله يا بنات من فترة 6 شهور تعبت وكان لازم اروح عند دكتورة نسائية وطبعا بمنطقة تانية لازم قطار وتذكرة لانه منطقتنا كتيير صغيرة وما فيها دكتورة نسائية والله كلفني المشوار 500 كرون بس كشفية ودواء وطبعا هيك مبلغ بيخربلي ميزانيتي ! ورجعت رحت عندها كذا مرة لانه كانت رجعتلي المشكلة رحتلها 3 مرات بفترة 5 شهور !! والحمد لله على كل حال مشان هيك يا بنات مشكلتي معنوية اكتر ما انها مادية يعني بتمنى جوزي يشتغل ويشيل عني كل هالحمل..انا صرت اللي بحسب وبشيل وبحط وبزبط الميزانية مشان نعيش !! حاسة حالي ما عندي وقت لحتى افكر براحتي وانوثتي !! بشتهي شي يوم ما اضهر فيه !!! بقوم بواجباتي اليومية من توصيل الاولاد عالحضانة وارجع انزل اجيبهن بعد تلات ساعات وانيمهم واقوم يادوب اصلي الضهر وابلش بالطبيخ وبعدين بغديهم واقوم ارتب المطبخ واخد دوش واقعد شوي بس بهالشوي طبعا طلبات الاولاد وبعدين بقوم اعشيهم وانيمهم.. الحمد لله مقسمة شغلي واوقات كتير بطبخ والاولاد بالحضانة بس هلكانة وربي يا بنات هاي روتيني اليومي اللي مللني ومخليني كإني ماكينة شغل بدون ما افكر اني انثى ! وخاصة اني جبت اولادي ورا بعض وغير تعب الحمل والنفاس وتعب الرضاعة واصلا بس من اربع شهور فطمت ابني الصغير لاني هلكت من الرضاعة وقلة النوم الحمد لله وضعي تغير من 6 شهور لانه ابني كبر وفطمته بس المسؤوليات التانية والواجبات هي هي !! بنت المدينة كلامك درر حبيبتي وكمان نقاط التغيير اللي ذكرتيهن مهمين ما شاء الله عليكي وفعلا شايفة انهم ممكن يخلو وضعيي يتغير بس بردو ايد لوحدها ما بتزقف !! ايه حبيبتي انا بردو اللي باخد الاولاد عالدكتور وعالمستشفى واي مواعيد لاني تعودت هيك من اول ما تزوجت لاني شلت مسؤوليته من لغة ومواعيد فبالتالي بردو حشيل الاولاد ومشاكلهم ومواعيدهم ! نفسي اروح على جزيرة اقعد فيها سنة ما شوف اي مخلوق ولا حتى اولادي ! وانا كتيير بقوله هالكلمة نفسي ابعد ونفسي اقعد لحالي من كتر الضغط والمسؤوليات ولك نياله جوزي علي !!! عايش على ضهري !! ياما قلتله وما بستحي منه قلتله لا تعيش على ضهري ولا اعيش على ضهرك نحنا متزوجين ولازم نعيش سوا مش كل واحد يعيش على ضهر التاني ! بس شو بدي قول !! الله يفرجها علي جزاكي الله خير حبيبة البي

يسعد صباحكن صبايا بعتذر عن تاخيري بالرد حبيباتي امبارح حاولت ارد ولكن كان رافض وحاولت احط...