مشكلتي ....تكفون ابي نصيحتكم فيها

تذكري ان مافيه شيي يستاهل لان هالدنيا ولي في هالدانيا للفناء يعني فاانيه

اجل وش الاهم والمهم ؟
رضى الله صدقيني اذ اتجهتي لرب العالمين وتوكلتي عليه في اصغر واكبر امورك راح ترتاحي وراحه عجيبه الكل بيحسدك على روقانك وهدوء اعصابك :)

واذ حسيتي بالغضب اخذي نفس عميق وتعوذي من ابليس واذ كنتي واقفه اجلسي والعكس واذ مره مره زعلانه توضئي لان الوضوء يطفي نار الغضب وهذا من حديث رسولنا الحبيب اللهم صلي عليه وسلم

بخصوص والدتك الله يخليها لك آمين
هي تسوي كذا لانها بنظرها انها تمون عليك وعادي يعني مقابلتهم طول اليوم ويمدي تقولين اي شي لها
انتي اختاري اوقات مناسبه ودردشي معها يمكن انتي تفتحين معها مواضيع وهي منشغله بشي او شي مضايقها وتفكر فيها الله اعلم

خلي بالك طوويل وختاري وقت حلو تكون جالسه امك فيه ومرتاحه والافضل وهي تتقهوى :D وابدي سولفي معها واسئليها بكل صراحه ليه اذ سولفتي معها ماتنتبه لك صدقيني بتنبهينها لشي ماهي ملاحضته ولا شي وان شاء الله تغير من اسلوبها الي ماتقصدها باذن الله :)

وبالتوفيق ياقمر :26:

..

.

تخيلت الموقف وضحكت بقوة غصبا عني :o:o .. اسف جد ..

لكن :

1 - هل يوجد احد من الوالدين او الاخوان او الاخوات مثلك ؟؟

اقصد هل هذه العصبيه الزائدة ( وراثة ) بالعائله ؟؟؟

2 - هل تتنرفزين على اهلك فقط ام لصديقاتك وبعض اقربائك لهم جزء من النرفزة احيانا ؟؟

أنابعد عندي واحده مثلك مزاجيه
وهذا الطبع ماهو زين حاولي تتمالكين أعصابك
بالنسبه لأمك صدقيني هي ماتقصد بس يمكن إنتي مقصره معهافي أمور البيت
أومنشغله بصديقاتك وما تذكرين أمك غير في الوقت الضا يع
أوالمواضيع إللي تتكلمين فيها تخصك وتخص صديقاتك
جربي وأسأليها عن طفولتها وعن أمور ثانيه تخصها
وإن شاءالله بتلاحظين الفرق؟
الله يوفقك لبرها.



الحمد لله توفيت والدتي وهي عني راضيه
ولكن؟عندما أتذكرها يبكي قلبي قبل عيني

:24: :44: :24: :44: :24:

][

الله يجزاك خير على النصايح ..

((هي تسوي كذا لانها بنظرها انها تمون عليك وعادي يعني مقابلتهم طول اليوم ويمدي تقولين اي شي لها))


والله انك صادقه .. هي ماتقصد شي لكن مهما كان الموقف يقهر..والوالده هذا طبعها مو انها متقصده..

((خلي بالك طوويل وختاري وقت حلو تكون جالسه امك فيه ومرتاحه والافضل وهي تتقهوى وابدي سولفي معها واسئليها بكل صراحه ليه اذ سولفتي معها ماتنتبه لك صدقيني بتنبهينها لشي ماهي ملاحضته ولا شي ))

والله قلت لها وحتى بنفس الموقف حتى وقمت من القهر ابكي اقولها يعني شلون تمشين وتخليني واقعد ابكي ولا اناقشها وافضل اني امشي واروح اي مكان حتى ماتطلع مني كلمه تزعلها ولاتضايقها..

وجزاك الله خير أختي على نصايحك فعلا كنت محتاجه بقووه وبحاول بقدر المستطاع اني اضغط على نفسي وأمشي الأمور ..


0*0*0*0*0*0*

وقفوا شوي...

ماالومك لان الموقف فعلا يضحك ويقهر بنفس الوقت..

ايه العصبيه طبيعيه بالإنسان لكن الي بعايلتنا لا طبعا مو مره ..الوالده عصبيه بحكم انها ام وعندها عيال اكيد بتكون كذا
الوالد عصبي بس مو بكل شي على الاقل أحسن من أمي بكثيييير يعني اكثير امور امي تعصب فيها ابوي العكس..


بالنسبه لصديقاتي بالعكس ماأنرفز على أحد والله ..الحمد الله ماعمري زعلت احد ولا ضايقت احد بكلمه ولا قد صار بينا مشاكل تستدعي العصبيه .. بالعكس الكل يمدح في أخلاقي ودايم كلمتهم انتي كلش فيك تمام الا هالمزاجيه ..

ويمكن اني صايره حساسه بزياده...مادري..
0*0*0*0*

mandarin

تسلمين على الرد

والله اني بحاول اضغط علة نفسي بالقوه .. عشان اتخلص من هالطبع البايخ..
لكن الطبع مره صعب ان الواحد يتخلص منه..بس ان شاء الله

وكلامك عن أسئلتي للوالده حلوو..وانا عمري ماقصرت بحقها والله أبوس راسها وانا رايحه وانا جايه ودايم اقولها يايمه راضيه علي ..يعني والله مو مقصره معها ..

والله يرحم والدتك ويفغر لها ويغمد روحها الجنه يارب...