مشكلتي توجع القلب وتدمع العين

:icon33:اخواتي الغاليات وش شعوركم لو وجدتم من يهتم بزواجكن غيركن انا لما يدخل يلقى من ترحب فيه ولمايكون متضايق تقوله اشكيلي لازم اشاركك همك تناديه بكلمات رومانسيه ولمايغيب عنها فتره تزعل وتقول نسيتنا تدرون من هي سبب تعاستي خالته زوجة ابوه لا ومن جنسيه عربيه:44:تخيلوا لما يكون مسافر تكلمه باستمرار وترسله رسائل غراميه في شهر العسل مالنا الا ايام بسيطه تكلمه تبكي وتقوله ارجع اشتقنا لك طبعا هي تفسر هذا بعاطفة الامومه لانه كان عايش عندها ومهتمه فيه والله يابنات زوجي تضايق من تصرفاتها وهاوشها بس ماتفهم حتى لما يكون عندنا ضيوف ويجى تترك الحريم وتروح عنده وانا اكون بموقف بايخ والله تصرفاتها كانها زوجه ثانيه ماناقصها الا ليله احس مشاركتنى فيه مع العلم انها طيبه وحبيبه وعاطفيه جدا و تحبني من حبها لزوجي ودايم تجيب لي هدايا وتسال عني في تعبي و تهتم فيني بس والله عجزت احبها مالها في قلبي سوى الاحترام لانها خالة زوجي واموت غيره اذا شفت زوجي يكلمها او جالس معها وكل مااسافر مع زوجي تطلع بمشكله وتخرب السفره وتكلمنا تبكي كانها فاقده حبيبها واذا سافر زوجي لوحده ماتصير كل هالمشاكل واذا جلست مع زوجي لازم تكلم بالحريم وتعلمه بكل امور الحريم:icon33:دايم احس اني اذا غبت عن زوجي ماراح يفقدني ولا يحس بغيابي في ظل وجود هذه المراه في حياته لاني عارفه انها راح تهتم فيه بشكل غير طبيعي وماراح يحس انه ناقصه شي وللي يذبحني احس انها تعامل زوجي كانه زوج لها بحكم انها عاطفيه جدا وارمله يعني عندها فراغ عاطفي تشبعه بزوجي لانه عندها عيال وماتعامل معهم زي ماتتعامل مع زوجي اسالكم بالله ياخواتي هل هذه تصرفات ومشاعر عاطفة الامومه وانا ظالمتهاولا كلامي في محله وغيرتي صحيحه والله عجزت اتحملها احس اني ماني مثل اي زوجه زوجها ملكها انا عارفه انها تنتظر فرصة غيابي عشان تهتم فيه وترجع الايام الخوالي شفتوا مشكلتي توجع القلب وتدمع العين انتظر مشورتكن يالغاليات:(:(