علمي زووووجك يااختي وش تنتظرين مثلااا

الحل انك تقولين لزوجك على حركاته بس لاتقولين انه يسويها من زمان لانه راح يشك فيك علشانك ماقلتيله من الاول قوليله انا شاكه فيه ما ارتحت له وفعلا كان شكي بمحله وهو اليوم تمادى وصار يقول كلام غزل وحركات وسخه واقنعيه ينقل من البيت والله عاد اذا زوجك ماحرك ساكن اسمحيلي هذ ما ادري وش اقول عنه فيه ناس على نياتهم على بالهم كل الناس طيبين بس عند نقطة المحارم يكون جدا حريصين والله المشكله اذا كان الجار سيئ وقليل خوف الله يقولك الجار قبل الدار حسبي الله عليه الله يستر عليك ويحميك اذكر قصة وحده من جيرانا بنفس الحي جاره مآذيها ويطل عليها وهي بحوشها ويقول لها كلام وسخ وهو سكير ومايصلي قالت لنا وقلنا لها خبري زوجك ولاتسكتين عليه وكانت خايفه تكون مشكله لزوجها تشجعت وقالت له راح له وهو يغلي وضربه هدده وطرده من الحاره الله لايرده ماينفع مع هالاشكال الا القوه واكرر واقولك لاتسكتين ترى والله مايجيب المشاكل الي نسمعها الا الخوف لا تخافبن حتى لو زوجك ماساعدك قولي لاخوانك ياحبيبتي الاخو هو سندك والي يدافع عنك بعد الله الاخوان صحيح قبل تتزوج البنت يكونون حريصين عليها ومن حرصهم البنت تفهم غلط وتقول يشكون فيني لا ياعمري ماقصدهم شك هذا من زود حرصهم اسأل مجرب يوم احتجتهم مانفعني الا هم بعد الله يلبى قلبهم هالاخوان ويازين حرصهم وحتى لو خاصموك من حرصم عليك ودايم قولي ( استودعت الله نفسي وعرضي واهلي الذي لاتضيع ودائعه ) و( اللهم استرني فوق الارض وتحت الارض ويوم العرض ) وتوكلي على الله وادعي ب اللهم اكفني شر عبادك من الجن والانس بما شأت وكيف شأت انك على كل شيئ قدير

با اما تعلمين زوجك بالصدق ياما زوجته وبعدين انتي ليه خايفه طالما ماسويتي شي

الله يكون في عونك

المفروض تقولين لزوجك
بكره اذا صار شي والا دخل عليك البيت انتي اللي بتروحين فيها