والله دخلت وأناآ مروقة بس موضوعك أدمى قلبي ونزل دموعي

ماأتخيل إنه في وحدة صآبرة مثلك مآشآءالله

بجد أحس مو عارفة ايش اقلك وأول شي عظم الله أجرك في بنتك والله يعوضك عنها في الجنة صدقيني إنتي مو صابرة إنتي الصبر نفسه وإن شاءالله إنه ابتلائك من حب الله فيك ويبغى يشوف مدى رضائك بقدره ..

مارح أعاتبك وأقلك ليش صبرتي على زوجك وأهله لأنه مايفيد الكلام الحين ويمكن كان في شي مخليك تتحمليه وتتحملي أهله بس كل شي وله حدود لاتقولي عشان ابني وعشان وعشان ترى لنفسك عليك حق وهل رح تقدري تربي ابنك وانتي بهالحال اللي وصلتي له ..؟؟

نفسيتك منهارة وتعبانة وحتى عبادتك وحق الله عليك أهملتيه بسبب اللي حصل لك وحق الله أوجب وألزم من حق ابنك ونفسك وكل شي بالدنيا..

أنا عمري 20 سنة وأكيد اللي ردّوا أكبر مني وأفهم ولهم خبرة أكثر بس والله إني متفائلة وأحس إنه بعد صبرك جايك خير..لكن لازم تاخذي بالأسباب بعد توكلك على الله اطلبي الطلاق من زوجك واسألي إنه الله يشفيه لأنه مريض نفسيا هو واهله ..

استخيري وأرجوك كفاية كفاية كفاية تجي على حساب نفسك وتتحملي لأنه البشر له طاقة وكل شي إنتي صابرة عشانه رح تضيعيه اذا استمريتي في إيذآء نفسك ..

ارجعي لربك أول شي وحاولي تتقربي منه إياك تتركي صلاتك واشكي له همومك كلها لأنه إذا الله كان معاك رح تحسي إنه الدنيا بكبرها

ماتسوى شي مهما كانت مصيبتك..وبعدها ارجعي لأهلك وابنك إن شاء الله بيكون معاك ادخلي نادي لاتيأسي حاولي مرة واثنين وثلاثة

تحدّي نفسك مو مشكلة اكذبي على نفسك وقولي أنا قوية وإيماني قوي ومارح أسمح لناس.....إنها تكسرني وتدمر حياتي مو إنتي ضحيتي

عشان أولادك ؟؟ أجل كملي تضحيتك بس هالمرة التضحية بترجع عليك بالنفع مو بالمضرة انحفي دوري شغل اشتغلي ودلعي نفسك عيشي

حياتك ارمي اللي حصل كله ورى ظهرك واعتبري إنك بتبدأي من جديد أدري انه الفعل أصعب من الكلام بس مو مشكلة عالأقل فكري

في كلامي وحاولي لاتياسي واستمدي قوتك وطآقتك من قربك لله ..

غيري من حياتك املي وقتك بما يرضي الله وصدقيني بترجعي أحسن من أول

أعرف ناس مرت عليهم مصايب وقوتهم واعطتهم حياة جديدة اعرفي إنه في ناس يعانوا أكثر منك ومايقدروا يسووا شي ..

تصالحي مع أهلك وارجعي لهم خلي ترجع لك روحك وضحكتك اللي حرموكي منها ..

هو بيكمل حياته والأكشن حقه ماشاءالله عليه وأهله آذوك وبيعيشوا طبيعي وإنتي اللي بتدفني نفسك وتدمري حياتك..

لاتيأسي عيــــــــــــــــــــــــدي حيآتك من جديد اتعبي لك فترة وبعدهآ رح ترجعي وحدة ثانية بإذن الواحد الأحد

كثري استغفار واسمعي قرآن كثير حافظي عالأذكار واقري أشياء تحسن من نفسيتك خليكي مسنترة بعالم حواء شوفي المكياج واللبس وقسم الطبخ وغيره حتى لو ماتقدري اضحكي على نفسك الين تقدري بجد واحنا هنا كلنا إخواتك في الله..كل شي بالدنيا وله حل احتسبي الأجر والله إن شاءالله مارح يضيع صبرك..

أدري كثرت عليك بالكلام بس أتمنى كلامي يوصل لقلبك

والله إني دعيت لك بصدق

اسأل الله إنه يفرج همك ويسعد قلبك ويريح بالك ويبعد عنك كل مكروه عاجلا غير آجل

ياحبيبي الله يجبر كسرك وينصرك ع من ضلمك اسأل الله ان يضهر براءتك ع رؤوس الخلاءق يارب ويعوضك بجنه عرضها السموات والارض الله ينصرك ع من ضلمك الله ينصرك نصر يبرد قلبك ويسعدك

المؤمن مبتلى يابختك ان شاءالله اجرك كبير الدنيا دار فانيه والاخرة الباقيه

وش حادك؟؟
ضرب وانضربتي
جر وانجريتي من شعرك
اهانه وانهنتي
طرد وانطردتي
قذف وانقذفتي في شرفك
؟؟وش بقي ؟؟

دامك ترتاحي عند اهلك خلاص روحي لهم واطلبي ورقتك
وولدك لك

شكر لكم

بس ادعولي بالهدايه وان ربي مايضيع لي تعب

وادعوا لولدي ربي يهديه ويحفظه لي ويصلح لي زوجي
ولكم بالمثل ان شاء الله

وجزاكم الله خير


وبرجع ارد عليكم ان شاء الله حسب قدرتي