dianah840 :

المؤمن القوي احب الى الله من المؤمن الضعيف سؤال واحد شو جابرك تعيشي هاي العيشة وهدا الوضع وتتحملي هيك زوج وهيك اهل وتتحملي قطيعه اهلك؟؟ شو جابرك تتشوه سمعتك بسبب رجل اناني وام زوج ما بتعرف شو معناة الدين وناس ما بتخاف الله؟ شو جابرك تنحرمي من شوفة امك واهلك واخوانك ؟ شو جابرك تكوني انسانه تعيسة ومدمره نفسيا وعاطفيا بهاي الطريقة؟؟ شو جابرك اضلك تذوقي طعم الخيانه وكل مره اسوا من الي قبلها بسبب شهوة حيوانية لزوج اشبه بالحيوانات لا احساس ولا دين ولا عبادة ولا اخلاق ؟؟ غريب امرك يا اختي بدك تحكي عشان ابني مايضيع؟؟ بتفكري ابنك بس يكبر شو راح يكون؟؟ راح يكون زي ابوه راح يحتقر المراة ويهينها ويذلها لانه ابوه هيك وشو ابوه بعمل الولد راح يكرر كل تصرفات ابوه وراح يشوف امه كيف مهانه وراح يقتنع هيك لازم تكون المراة بدك وقفه قوية مع نفسك قوية قوية قوية تبلشي من الصفر عارفة شو يعني الصفر من الصفررررررررررررر 1-اول شي بتاهلي نفسك نفسيا بتزيدي ثقتك بنفسك عن طريق تخفيف الوزن برياضة بمشي بريجيم صحي او حتى لو لزم الامر تشاركي بنادي رياضي 2- زيدي ثقتك بنفسك عن طريق بناء شخصية جديدة قوية متعلمة سجلي بالجامعة اذا مو معكي شهادة جامعية واذا معكي قدمي تكملي دراسات عليا او خدي دورات تثقيفية او حتى روحي ندوات دينية اتزيد من ثقافتك بدينك وبنفس الوقت تشوفي ناس جداد وتتعرفي على ناس جديدة 3- قوي ثقتك بربك وهاي لازم احطها اول نقطة كل يوم اقرئي سورة البقرة بحكيلك عن تجربة سورة البقرة رااااااااااائعة وبتفك الهموم بتفكها بتفكها بطريقة ما بتتخيلي وقيمي الليل وقفي بين ايدين ربك وناجيه صدقيني راح يسمعلك بس اهم شي يكون الكلام طالع من قلبك 4- زوجك هدا حكي تاني لازم تكوني قوية جدا جدا معاه لانه انسان بس مافيه ذرة انسانية ..اذا سبك احكيله احترمني واذا رجع سبك احكيله حسبي الله ونعم الوكيل فيك اياييييييكي تسكتيله فرجيه انك قوية ...اجى يضربك احكيله راح اشكيه للشرطة (( لا تستغربي كلامي بس زوجك بده حد يكسر راسه )) روحي للمستشفى يكتبو تقرير والشرطة تجيبه ويكتب تعهد بعدم ضربك والا بنسجن والله ليحسبلك حساب ميت الف مره 5- اهلك غصبن عن عين اهله روحي شوفيهم بده يطلق بالطقاق هو واهله بتعرفي ليش لانه الي زي هيك زوج خسارة الوحده تبيع اهلها عشانه ..روحي بوسي رجلين امك واستسمحي منها احكيلها يا امي جنتي تحت رجليكي ارضي عني يا امي صدقيني الله راح يوفقك لانك كسبتي رضا امك ..زوجك مو اهل انك تخسري دنيتك ودينك وايمانك بسببه او حتى تخسري امك الي ممكن تكون سبب في دخولك الجنة 6- اهله افتحي صفحة جديده معهم ..اذا امه طولت لسانها عليكي لا ترجعي تستقبليها .. واسالي شيخ اذا بكون عليكي ذنب احكيله انها شوت سمعتي واذتني ..خلاص اقطعي اهله وخليه هو يعمل حساب الك ولاهلك وبلاش طيبة زايدة والله ما بتروح غير على الطيب الاهبل .. بلا عزايم بلا هم (( اذا اطعمت اللئيم تمردا)) ..زي الكلب الي بعض ايد الانسان الي طعماه 7- اشتغلي وخلي الك استقلال مادي .. خلي فلوسك بايدك ما يلزم حد ولا حد يهددك بالمصروف والفلوس وهاي كمان طريقة لزيد ثقتك بنفسك 8- اذا زوجك رجع زنا نصيحه بلغي عليه الهيئة خليه يعرف ان الله حق وان الزنا من الكبائر هدا رايي ..طول عمري مؤمنه المره القوية بنعمللها ميت حساب والمرة الذليله الكل بدوس عليها الله يوفقك ويرفع شانك ويخفف همك ويعوضك ببنتك

المؤمن القوي احب الى الله من المؤمن الضعيف سؤال واحد شو جابرك تعيشي هاي العيشة وهدا الوضع...