المشكله انها أمه يعني شو بنقول غير انج تصبرين وتكثرين من الدعاء وتحاولين تتأقلمين على الوضع وتشغلين نفسج عن التفكير بهذا الأمر وتوفرين الجو الهادئ لزوجك من غير ما تفتحين له أي موضوع عن أمه لأنها أمه مسأله حساسه بالنسبه له ما يرضى عليها أبد وما عنده الا المسايره لها وصدقيني هو ما قصر فتح لج بيت عشان يبعدج من المشاكل لذا اصبري ومصيره مع الأيام بتلاقينه هو عدل وضعه خاصه لو حصل الهدوء والسكون والبشاشه والحب والحنان في بيته اصبري أخيه وتوكلي على الله لا تجعلين الموضوع هذا يخرب سعادتج لأنه أمر حساس صعب انه الواحد يخوض فيه خوفا من الذنب لأن الأم حقها كبير أسأل الله أن يصلح أمرك ويجعل لك من كل ضيق مخرج ~.
المشكله انها أمه يعني شو بنقول غير انج تصبرين وتكثرين من الدعاء وتحاولين تتأقلمين على الوضع...
موقفج وااايد صعب بس حطي في بالج اختي ان الأم مستحيل تتعوض بالنسبه للريال لكن الزوجه ممكن تتغير في يوم وليله فشو حالتج اذا زوجك طفر من الوضع كله وطار من عشج.
اختي...... الحياه ما تنرسم مثل مايبغي الإنسان يعني الوضع المثالي الأيام تداول بينا يوم فوق ويوم تحت, شلي ام زوجك من بالج ارضي بالوضع الحالي لأن لو قارنتيه بالوضع السابق بتشوفين عمرج في جنه, وصدقيني زوجك لو برها بيبرونج عيالج.
انشغلي في بيتج وعيالج ووظيفتج واعتبري الأيام اللي هو محد اجازه لج تكششين شعرج تاخذين راحتج طول اليوم ببجامه واسعه يعني شوفي ايجابيات الموضوع, وأنا متأكده اذا حاولتي تمثلين على زوجك انج تقبلتي الوضع بتتقبلينه بعدين بينك وبين نفسج وزوجك بيقدرك أكثر وبيعوضك بأوقات نوعيه لأنك ما حسستيه بالتقصير واللوم.
وأخيرا اختي حطي نفسج مكانها انتي الغريبه اللي يت في يوم وليله وخذت هذا الريال جاهز مجهز, ولا الأم اللي تعبت وسهرت وكبرت واتطالع الله ثم اتطالعه.