السلام عليكم يا عضوات المنتدى
اول مره ادخل واشارك في هذا القسم
راح ادخل في موضوعي مباشره
او بالاصح مشكلتي...................................
بنتي اسم الله عليه ماشاء الله تبارك الله ذكيه جدا وحساسه جدا وخوافه جدا والمشكله اني زرعت فيها الخوف زياده ومع اني غيرت اسلوبي معها ودايم اتناقش واتكلم معها مع ان عمرها 6 سنوات وتوها تمهيدي بس ماشاء الله عليها اذكى من اللي في عمرها بكثييييير
البدايه اخاف يجيها الوسواس القهري لانها فعلا ممكن يجيها اذا سمعت اي كلا م من احد ماتجي تقول لي لا ابدا تحطه في بالها وتسكت مثلا هي اول 24 ساعه مشغله افلام كرتون وباعلى صوت الايام هذي معطيه الصوت ميوت (مغلق) استغربت من كذا قلت لها علي الصوت شوي قالت لا واكتشفت بعدين ان عيال اخوي اللي توهم جايين من الشرقيه واخوي وزوجته ملتزمين مره مره مره قضت معهم يوم واحد وقالو لها البزران ان اللي يسمع اغاني ربي يصب في اذانه نار ومن ها الكلام وطبعا هي صغيره وخوافه تركت ها الشيء وهي مرعوبه وساكته ولنل ما ابغي ازرع في بالها ان الرب قاسي بالعكس في ها المرحله العمريه ودي ابدا احببها في الرب والعبادات من صلاه وصدق وبر الوالدين وحب الناس .................الاغاني مو اول الدين ما بغي ازرع الخوف من الله ومن عقابه فيها من الحين لان عمرها ما راح يستوعب ها الاشياء ومع انها ذكيه بس لكل شيء حدود الواحد يبدآ في الترغيب والتحبيب مو التنفير
وانا حاطتها في مدرسة تحفيظ وجتني يوم تبكي وخايفه تقول ربي بيحطني في النار عشان عندي صورة فله( العبه) وخايفه مره وطقتها النفاضه وما قدرت تنام تقول الا بروح النار البنات يقولو كذا
واذا شافت احد معاق من اللي يشحذون في الشوارع تقعد تصارخ وتزرق وتدوخ وانا والله اخاف يجيها السكر لدرجة انها ماتبي تطلع من البيت لمكان عام تخاف تشوفهم واذا طلعت تمسك يديني باقوى ما عندها وتتنافض وتقول ليش ربي سواهم كذاواشرح لها بس مافي فايده ما تاخذ مني وتخاف من ان الحرامي يسرقها او تروح تبعد عني خطوه واذا التفت ما لقتني قامت تصارخ وتركض
وتقول لي كل شوي ماما انا احب ربي اكثر من كل شي حتى منك.تقولها بدافع الخوف وانا ما ابغاها تخاف ابيها تفهم بعقل وكل شيء في وقته حلو وهي صغيره وغير مكلفه والمجتمع اللي انا عايشه فيه (اهل زوجي) كل بزرانهم عند الاغاني وستار اكاديمي .صح مو عاجبني كذا وبس مو عاجبي التذبذب والوضع اللي عايشه فيه بنتي وزوجي هو اللي نبهني لهذا الشيء خاصه ان اخوه كان عنده وسواس قهري وللعلم فان هذا المرض منتشر في السعوديه من كلا م الدكتور النفسي بسبب التربيه الغلط ..........ومادري ايش العمل وخاصه ان بنتي ما تسمع لا مني ولا من ابوها ولا من جدتها(امي).............
افكر اعرضها على دكتور نفسي للاطفال اللي تعرف وسمعت عن واحد ترد لي على الخاص الله يعافيكم في الرياض.؟؟؟؟؟
أموله22 @amolh22
محررة
يلزم عليك تسجيل الدخول أولًا لكتابة تعليق.
الصفحة الأخيرة
السلام عليكم
ممكن تعرضي مشكلتك في عياده النفسيه علي الموقع
الدكتورة داليا ان شاء الله تفيدك كتير