السلام عليكم ورحمة الله وبركاته
بحكي لكن معاناتي على طول , اخواتي انا من دخلت الجامعه وامي تعاملني كطفله واخذت تطارد فيني انا وخواتي وتسحب جوالاتنا وتقرى كل الرسايل الجوال ومحادثات الواتس اب بيني وبين صديقاتي وبنات خالاتي وصارت تنقد على اسلوب بشده لاني قويه وماسمح لاحد يتعرض لي واسلوبي قوي ولا اسمح لاحد ياكل حقي ألين مادمرت شخصيتي هي وابوي , ابوي من جهه لما اجي اسولف عليه يمسك على كل حرف اتكلمه ويزله علي ويقعد يناقشني فيه لمين كرهت السواليف معه وصرت دائما ع الصامت معه ويحشرني بالصغيره الكبيره ولو اظلب منه ريال واحد يهاوشني عليه وقد ضربني كثيرر ضرب مبرح والسبب لا شيء والا انه خسر بتجارته ومسكينه يلقاني قدامه ويحط الحره فيني . ألين ماوصلت فيني وقلت الحمدلله عندي مكآفأتي وتكفين انا منب بعازته عزيت نفسي وصرت رسميه معه جدا فقط اسلم عليه واسأله عن احواله والبي طلبه وبس ولا اكلمه عن حاجه ابغاها ولا ابيها . يعني باختصار مالي ملجأ اللحين الا امي
نرجع لموضوع امي , كثيرة النقد علي وتقولي ان اسلوبي نفس اسلوب ابوي ,ألين ماشفت طرفها وطرف ابوي كله محطم بحياتي صرت ضعيفه بسببهم ودايما تقولي انتي محد بيحبك انتي اسلوبك منفر وانتي محدن لك ولاحدن داري عنك . واللحين نتيجة لاسلوبه معي صرت ماسولفله عن الجامعه والصديقات وايش صار وماصار بحياتي لاني شفته كل ماقوله سالفه تنقد وتقول انا انقد لصالحك ابيك تتعدلين واي تعديل هذا اللي اسمه تحطيم وكسر شخصيه . الين مابان بعيوني الضعف وشخصيتي مكسوره والدمعه تلمع بعيني .واجلس مع اهلي واضحك من خوف وكسر رأيي هم يبدونه عني , امنياتي هم اللي متصرفين به ويكذبونه ولاقلت لامي شي بخاطري امنيه ودي احققه او رأيي بشي تقولي عيب وتختار هي اللي تبيه وانا اسكت وسمعا وطاعه . قبل فترة رحت وعشت عند خالي لظروف دراستي خارج مدينتي , وانكتبت لي اشوف حياة مختلفة عن حياة بيت اهلي , خالي حنون وطيب مع عياله والله يخليه ويحفظه لهم امهم اقصى حدها تهاوش عيالها وهوشها لهم تأييد لافعالهم مايقولون لعيالهم شي وحياتهم بسيطه مليئه بالانسجام بعيدين عن التكلف والمثاليه الزايده يتابعون التلفزيون جميع بدون لاحد ينقد ويهاوش ويحوم كبدك بالنصايح والارشاد وتكره مجلسه معه .يتحمسون لحلقات قناة بدايه جميع ويسولفون عن توقعاتهم وش بيصير ومين اللي يطلع بباسطه ولا احد يرد الثاني ولا يقمعون اولادهم عن ارائهم .انسجمت معهم وصرت ادخل بسواليفهم وخالي جبر بخاطري بدون لا يحس كان لي عون ودايما واقف معي ويلبي حاجاتي ,اسولف براحة بال معه ويعطين ارائه ونصحه لي لين ماقوى شخصيتي وعلى مقامي . بعدها صرت اسولف ووجهي اكثر بهجه من بيت اهلي والفرق واضح بين وجهه المهموم والمنكسر والمتكدر وبين السعيد والمبتهج والمرتاح . الحمدلله كانت تجربة العيش عنده جميله جدا صحيح ماقولكم اني اشتاق لاهلي بس بنفس الوقت كنت مرتاحه ومستانسه ولا ابي ارجع لبيتنا . رجع البيت وكنت اتصرف بشكل مرح واسولف كثير ومبتهجه ولاشايله هم الكلمه متعوده على بيت خالي ,ونسيت نمط العيش ببيتنا .
من اول ماجيت بديت اتكدر وحده وحده واهلي لاحظوا تغيري واعجبهم سواليفي معهم ومرحي , لكن !! هالشي ماطول معي وابتديت انكسر من اهلي من جديد اولها ابوي لين ماحطمني اشد من قبل وصرت اتحاشاه قدر المستطاع عشان اهرب من المشاكل وكان غيران من خالي كان كل ماسولف معه عني وسبني رد عليه خالي ويقول غريبه البنيه ماشفت عليه شي واخلاقه واسلوبه مرره تجنن وتسولف معنا وتضحك . وعقبه صار ينقد علي ابوي السواليف لخالك مهوب لي مادري منهو فينا الابو وبنفسي اقول انت اللي بيدك حطمت بنيتك وحطيت حدود بينك وبينه .نجي لسالفة امي اللي اشتدت تصرفاتها معي اكثر من قبل . لما كنت بالتعليم العام وانا اللي اقوم نفسي واجهز اغراضي اسوي كل شي بنفسي واللحين صارت تدخل علي الغرفه وتصحيني وتجلس تراقب لبسي ومكياجي وتنقد نقد علي بشكل محطم تقولي رايحه عرس ولاتعليم وش هاللبس ورين وش لابسه وتنقد علي بكل شي لمين كرهت انه تدخل بكل شي بحياتي هذا غير شخصيتي وينك عني قبل ماكنتي تهتمين ولانص هالاهتمام هذا واللحين يوم كبرت جيتي تهتمين باهتمام غريب!!! .جوالاتي ولابي تفتشهن قدامي وتهاوش وتزعل على كلام بنات خالاتي وصديقاتي مع انه والله مافيه شي تكسرني وهي تفتش قدامي ميخالف تفتشين بس موب قدامي يمه . هزت من ثقتي بنفسي وصرت كل الوقت مغبيه اغراضي ولااستخدمهن قدامه لاجل اتجنب المشاكل فقط .
عصبت مره من المرات قلت هالامور ذي لازم توقف عند حده ولازم اثبت شخصيتي قدام اهلي واعلمهم ان اللي يسونه معي خطأأأ كبير ادى الى درجة كرهي لهم وخسرانهم وحده من بناتهم .الصبح لاصحيت الحامعه اصحي بدري وادخل الحمام واطلع بسرعه واقفل غرفتي عشان البس قبل لاتجي وتهاوشني وتنقدني على الصغيره والكبيره وتسبب مشاكل على الصبح ولاجت قلتله يمه انا قايمه واللحين جالستن اتلبس وصرت ماوريه لبسي على اطول وانا لابسه عباتي ومتغطيه والحمدلله , واقولها ياميمتي لاتصحيني الصبح انا اصحي نفسي انا كبرت خلاص . صرت ماسولف معه كثير حدث امر بحياتي كنت على خطأ وكفشتني وتبت والحمدلله ولازاالت تذكره ومره ذكرتني فيه قلتله انتي السبب انتي اللي حطمتي شخصيتي لا انتي ولا ابوي وخليتون منكسره ووصلت لهالحال . جوالي سحبته مني قدام اخوتي وشبعت بتفيشه ومعه اختي الثانيه توريها وتفتش والحمدلله مالقت علي زله وحده واخرته حطت حيله بصوره لرجل لابس قميص صوف لاطلع وجهه ولاطلعت حتى رجليه والصوره مره ستيره ولافيها شي . وعابتني وهاوشتني وزعلت علي , هنا انا خلاص مليتتتتتتتتتت .قمت دخلت غرفتي وسكرت الباب وقعدت ثلاث ايام مانزلت واتهرب منه ومن ابوي لين بدت تنتبه لاخطائه هي وابوي بس مستحيل ينتهون . ووقفت تعاملني بهالقسوه وصارت تداريني وتدللني الحمدلله ولما رجعت لها وعاملتها باللتي هي احسن رجع طبعه معي وغير كذا انا بنت همي دراستي لانه هي اللي بتعزني بعد الله وانا عمري اللحين 20 سنه يعني صغنونه , من يوم انا صغيره وانا ماحب الزواج ولاطاريه لاني شبه عماتي كلهن يوم هن صغار مايحبن طاري الزواج وشي عادي وطبيعي ويتلاشى مع الايام واللحين اشغلتني بطاريه لين كرهت اسمعه منها لان كلامه ينرفز عنه وتحسسني اني عانس واني موقفه نصيب خواتي الصغار اللي اعمارهن ماتعدت 16 وال15 سنه وتقارني ببنات عايلتي اللي اكبر مني بست خمس سنوات وتوهن متزوجات واللي معنسات من العايله واعمارهن 27 و 28 وماجاهن نصيبهن وهن يفعلن الاسباب عشان يتزوجن , تقولي سوي مثلهن انتي فيك عين ومس واقولها يمه انا صغيره ومن يوم ماكنت طفله ماحب الزواج وش اقراله مااقرى موب شي جديد ,والله يابنات اكتبلكن انا بقلبي حرقه فشلتني توصل اخباري للقريب والبعيد وتقولهم البنت ممسوسه وشاذه ماتحب الزواج ولا الرجال , باللله هذا كلام ينقال وفشلتني مره ابوي شب فحم للبخور توه شاريه وقال عقبال بزواجك (يقصدني انا لاني اكبر اخواني) ابتسمت انا وضحكت ضحكه خفيفه بحكم اني ماسولف مع ابوي لجل ابعد من المشاكل قالت امي يوه لاتتكلم قدامه ماتحب هالطاري قال ابوي ايه موب اللحين لامنه تخرجت ,قالت لا والله لامنه انحلت النفس تطيع تعرس ولا موب قصده دراسته ضايقن كلامه وسكت والله يابنات حتى اللي فيه عين مايقال قدامه كذا حرررررام ولايهرجبه قدام الناس كرهت خالتي اخت امي لانه تسب بناته قدام الناس وطيحت من قيمتهم صاروا الناس يناظرونه بعين احتقار لا هي ولا بناته وش فاده اللحين كثرت القرق عنهن طيحت من قميته هي وهن . وانا مابي يصير معنا نفس هالشي مابي نصير علك بحلوق الناس كل من هب ودب عرف بأسرار بيتنا وسبنا وسب امي ,كلمها مره ابوي قالها لاتوهمين البنت ان فيها شي وتقعد تحطه سبب وماتزوج هي عصبت وقالت ماحطه هذا الواقع اللي اشوفه ويوم جت تشكيلي وقالتلي وشقال قلتله يمه ابوي صادق لاتقولين عني كذا او توهمينن اني فيني عين او لا ,لاتتكلمين قدام الناس بي وصارت بيننا نقاش حاد . المهم تفرقنا وبعد ساعه جيت لمها استسمح منها واطيب خاطره وافهمه موقفي وابي تفهم واشرحله الموضوع بالتفصيل موب راضيه تسمع مني حرف واحد وحاولت لاحقتها لكل مكان لكن ماترضى ولاتبي تسمع مني قهرتني تدلع خواتي قدامي وتتعمد تسوي هالحركات وتتزعل علي وانا وربي ماخطيت . لين ماضاقت حيلتي وقلت اجي اقولكن ..... انا مليت من بيتنا ودي انحاش بس مدري لوين اروح ووش اسوي والله لو لي ملفأ غير بيت اهلي كان ماترددت لحظه وحده .. تكفن بنات ساعدني انصحني وش اسوي ؟؟؟
anmo @anmo
عضوة
يلزم عليك تسجيل الدخول أولًا لكتابة تعليق.
anmo
•
نسيت اقولكن اني موسوسه بكثيررررر لوتشكها ابره او تبطها شوكه قالت احد ساحرني عشان كذا ماقتنع بكلامه بقووووه توسوس وخوافه بشكل فضيع تخاف من الموت وعلينا بقووووه وتؤمن بالمنامات لين وصلت اعوذبالله حد الشرك والطيره انا خايفه عليه من شر نفسه ماتدري ان بافعاله ذي بتشرك بالله والله حتى مناماته اضغاث احلام وتفكير اكثرهن تجي من بكرى تصيح وتشيل هم الدنيا على راسه وتقول بنتي بتموت ولا الصغير من عيالي لاكبر بيفسق
anmo
•
لا يمكنك مشاهدة هذا التعليق لانتهاكه شروط الاستخدام.
الله يسعدك ويوفقك على هالنصيحه . ايه والله ماني قادره اغير شي لكن شسوي نصبر والحمدلله على كل حال ,بأذن الله الله يرزقك ماتتمنين يارب وييسرلك الوظيفه المباركه ,وينور وجهك بطاعته ويصفي بشرتك من الحبوب *تضحك ع اخر دعوه هههه والله يحققه لك يارب* >>> استنى ردود باقي البنات
والله مدري ايش اقولك ماشاء الله بالرغم من عمرك الا ان تفكيرك ناضج وكلامك واسلوبك عجبوني
مقدر اقولك الا الله يفرج همك ويسر قلبك اصبري وانا اختك امك جنتك ونارك
وكل ام مناها تشوف بنتها عروس لو هي بالكوفل امك خايفه عليك من اللي تشوفه
تلاقينها مسكينه تشوف كثير شاذات وتاركين الزواج اعاذنا الله وخافت عليك تصرين مثلهم انتي اذا فتحت معاك طاري الزواج لاتعاندين فرحي قليبها وقولي ان شاء الله يمه بعد الجامعه يرزقني الله بالصالح وقوليلها ادعيلي يمه والله غير تطير من الفرح وتطمن وتعرف انك طبيعيه
اما اذا تبغينها ماتتكلم فيك عند الناس قوليلها يمه تصدقين وحده في الجامعه كانت بتخطب من بنات خالتي لكنها هونت يقولون امهم تتكلم فيهم عند الناس كيف نخطب من وحده تتكلم ف بناتها وحتشوفي ردت فعلها بعدها بتخاف تتكلم فيكم وينقطع نصيبكم لان امك شكلها اكثر شي يهمها انكم تتزوجون فانتي حاولي ترضينها وتسايرينها بقولتك ان شاء الله وادعيلي يمه وكذا صدقيني بترتاح وبتريحك والله يوفقك ويسعدك ويهدي بالك يارب
ادعيلي ان الله يرزقني الزوج الصالح المصلح اللي يسعد بالي ويكيد اعدائي ويعوضني عن طليقي بهالايام الكريمه
مقدر اقولك الا الله يفرج همك ويسر قلبك اصبري وانا اختك امك جنتك ونارك
وكل ام مناها تشوف بنتها عروس لو هي بالكوفل امك خايفه عليك من اللي تشوفه
تلاقينها مسكينه تشوف كثير شاذات وتاركين الزواج اعاذنا الله وخافت عليك تصرين مثلهم انتي اذا فتحت معاك طاري الزواج لاتعاندين فرحي قليبها وقولي ان شاء الله يمه بعد الجامعه يرزقني الله بالصالح وقوليلها ادعيلي يمه والله غير تطير من الفرح وتطمن وتعرف انك طبيعيه
اما اذا تبغينها ماتتكلم فيك عند الناس قوليلها يمه تصدقين وحده في الجامعه كانت بتخطب من بنات خالتي لكنها هونت يقولون امهم تتكلم فيهم عند الناس كيف نخطب من وحده تتكلم ف بناتها وحتشوفي ردت فعلها بعدها بتخاف تتكلم فيكم وينقطع نصيبكم لان امك شكلها اكثر شي يهمها انكم تتزوجون فانتي حاولي ترضينها وتسايرينها بقولتك ان شاء الله وادعيلي يمه وكذا صدقيني بترتاح وبتريحك والله يوفقك ويسعدك ويهدي بالك يارب
ادعيلي ان الله يرزقني الزوج الصالح المصلح اللي يسعد بالي ويكيد اعدائي ويعوضني عن طليقي بهالايام الكريمه
انا..انا
•
حبيبتي الله يعينك عليهم انصح تدعين ان الله يسخر لك قلوبهم يا حلوه
واكثري من الاستغفار والله بيفرجها عليك
دعواتي أن تحتويك دنيا الفرح في كل أمر*
وأن ترعاك عين الرحمن أبد الدهر*
وأن يبارك الله لك في مالك وأهلك*
ويرفع منزلتك بين خلقه إن شاء الله *
ويجعل الخير في يومك وسائر أيامك.
***
اتمنى لك التوفيق غاليتي
وتعاملي معهم انتي باحسن من ما هم يتعاملون معك
خليكي احسن منهم
يكفي اجرك عند الله
سامحيني على قصر الرد
واكثري من الاستغفار والله بيفرجها عليك
دعواتي أن تحتويك دنيا الفرح في كل أمر*
وأن ترعاك عين الرحمن أبد الدهر*
وأن يبارك الله لك في مالك وأهلك*
ويرفع منزلتك بين خلقه إن شاء الله *
ويجعل الخير في يومك وسائر أيامك.
***
اتمنى لك التوفيق غاليتي
وتعاملي معهم انتي باحسن من ما هم يتعاملون معك
خليكي احسن منهم
يكفي اجرك عند الله
سامحيني على قصر الرد
anmo
•
انا..انا :
حبيبتي الله يعينك عليهم انصح تدعين ان الله يسخر لك قلوبهم يا حلوه واكثري من الاستغفار والله بيفرجها عليك دعواتي أن تحتويك دنيا الفرح في كل أمر* وأن ترعاك عين الرحمن أبد الدهر* وأن يبارك الله لك في مالك وأهلك* ويرفع منزلتك بين خلقه إن شاء الله * ويجعل الخير في يومك وسائر أيامك. *** اتمنى لك التوفيق غاليتي وتعاملي معهم انتي باحسن من ما هم يتعاملون معك خليكي احسن منهم يكفي اجرك عند الله سامحيني على قصر الردحبيبتي الله يعينك عليهم انصح تدعين ان الله يسخر لك قلوبهم يا حلوه واكثري من الاستغفار والله...
الله يسعدك احرجتين , ومشكورة ع كلامك الطيب , تصدقين مانتبهت للهنقطه ماكانت ببالي ابدا ولا صدق الكلام المعسول واللين يطيب الخواطر وتتصافى النفوس . بأذن الله الله يرزقك بولد الحلال الصالح التقي النقي المخموم القلب اللهم امين . ماراح انساك ان شاء الله .
امين اميينننننن الله يسمع منك مشكوره عالدعوات عسا الله يقبلهن , الحمدلله على كل حال بحاول ادفع باللتي هي احسن واحكم نفسي شوي
امين اميينننننن الله يسمع منك مشكوره عالدعوات عسا الله يقبلهن , الحمدلله على كل حال بحاول ادفع باللتي هي احسن واحكم نفسي شوي
الصفحة الأخيرة