الله يساعدك اختي
انا اعرف انه الوضع صعب
لكن ماشاء الله من كلامك باين انه كلكم كبرتو وتزوجتو والاولاد صارو رجال

والشي الثاني انتي الحين تزوجتي وعرفتي ايش معنى الزواج بالنسبه للمرأه من جميع النواحي
يعني مفروض انك تتعاطفي اكثر
واذا نها ربتكم وماقصرت عليكم وكلكم عايشين معززين مكرمين
فها من نعم الله عليكم

هونيها وتهون يا اختي

معليش اختي

هذا جزات امك

ما يكفي انها حرمت نفسها من الزواج عشانكم

ولما كبرتو وبدت تفكر بنفسها زعلتي

وما زلتي تفكري في نفسك من يولدك ومين يجلس جنبك

لاتكوني انا نية بالتفكير

من حقها واجبها عليكم توقفون بجنبها

وتردوا شي مما اعطتكم

روحي للطبيبه معاها وخليها تسمع شتقول عن حملج بس خليها تفرح وتستانس وفرحوا لها ييه الوقت اللي ترتاح وتستانس فيه وانتي نفاسج اي وحده تنفج مو شرط الوالده

الله يوفقها ويعوضها عن صبرها عليكم....
الامر جدا طبيعي ومن حقها لاتصيرون انانيين......
افرحي لفرحها مثل مافرحت لفرحك وباركي لها وساعديها وبتلقين هالشئ بعدين

واحتمال يكون زوجها ابو لكم وينفعكم بس عاملوه مثل ابوكم
والله يكتب الي فيه الخير

حبيبتي زي ماقالو البنات روحي معها وتقضي لها واشري لها هديه بعد صحيح الموقف صعب صعب صعب بس هي اختارات والحمد لله انها اختارات الحلال مو زي واحده تقول امي تكلم واحد ايش اسوي انتي احمدي ربك امك طلبت حق من حقوقها وبالحلال وسعي صدرك انتي حامل ومايصلح التعب والتفكير وانشاء الله بتتزوج وتبسط وبتقضي نفاسك معك هي ماراح تنساكم بعد زواجها بس انتم لاتقلبونها حزن عليها

والله يقومك بالسلامه ويرزقك الذريه الصالحه الباره ويخلي لك زوجك ويوفقك امك ويجمعكم على الحب