حبيبتي نصيحة
اذا ودك تسوي اي شي استخيري اول
وبعدها سبحان الله ربي يرضيك بكل الحالات
الله يسعدك وييسر امرك
لااله الا الله محمد رسول الله

اعجب من ردود بعض الاخوات في كل مشكلة زوجيه اللي تقول ( زوجك مو من حقه يمنعك ) يا اختي يا عزيزتي اذا الزوج ما له قوامه و كلمه ع زوجته طيب من له !!
واذا جا الاخ يردع اخته تقول له انا ع ذمة رجل مو من حقك تكلمني واذا جا الزوج يتكلم نصائحنا لبعض انه مو من حق الزوج يتكلم !!!
طيب احنا مسلمات والا لا ؟ المسلمه تستسلم لامر الله وامر الله انك تكونين تحت امرث زوجك وهو ولي امرك في كل شيء واذا خرجتي بدون علمه مثلا فانت اثمه وحتى بيتك ما يحق لك تدخلين فيه احد إلا بإذن زوجك وعلمه?
نعم هذا شرعنا وليس اسلام بالاسم فقط
كل مشاكلنا الزوج زوجي مايطلعني زوجي ما يدلعني زوجي ما يعطيني واذا لقينا وحده زوجها معطيها ومستتها لازم تطلع فيه زله كرهانه الزواج يا بنات زوجي كويس بس تعبانه نفسيتي ووووو.. ياخواتي اتقن الله بيدكن اجيال خلوا همكم وهدفكم اكبر من هالتوافه
اي انا مثلكن ومره اشتكيت زوجي ما يطلعني و دائما عنده ديون خلاص تعودت رجعت لبيتي واكتفيت بكلمه حلوه منه وخليه عايش حياته طالما يصلي و يخاف الله خلص مو خايفه من مستقبلي اذا تضايقت ابسط نفسي باللي اقدر عليه من طلعه بسيطه مع اهله وبإذنه والحمد لله رب العالمين
يا حبيباتي الدنيا فيها الاهم واذا زوجك قصر معك والله احنا مقصرين بحق الله سبحانه راح تعتبين ع بشر ؟!!! اكيد يا حبيبتي راح يقصر معك ماهو ملاك

ررفففععع

جزاك الله خير حبيبتي ربي يحفظك

تراني مثلك يا اختي احب طلعة البر
وريحة الدلة والشاهي واسمع قصيد البدو
بس الظاهر انت بدوية بحق ومدمنة
كشتات ...الله يخفف عنك المعاناة


وزوجك ذا ما يليق تعصبي منه
وتهجريه ، هو ما منعك يا لغلا
هو قالك فيه الف طريقة تخليني اوافق
والحين وانت فطانتك ...
خليك جدعة و ذكية
وانا متأكدة انو زوجك لازم تبرهنين
له انك ما راح تستمتعين بالكشتات
الا بصبحته ...
عساه يلين ويطاوع رغبتك


يلزم شوية صبر وكلام معسول و حلو ...


‏


وهذي لعيونك يا شيخة ...


عزاه يا وقت مضى عله يعود
يومه ربيع و وقت عطلة و كشتات
يوم اللقا ما فيه عيب ومنقود
فيه الهوا طاهر ونابع من الذات






‏نصبر على ميل الزمن و إنعواجه
ونسعى لكسب الطِيب في كل منهاج
.
مرات نقضي للمطاليق حاجه
ومرات حنا للمطاليق نحتاج




قوليله : وانا الحين احتجت منك حاجة


وكمان ذي ....


‏ناس تبي لـندن و ناس تبي باريس
ونـاس تبي البر و ريحة الشاهي
.
ناس على درب الخطا خاوت إبليس
وأنا ابي زوجي وابو عيالي




ابعثيها له ف الواتس ...
لما يكون مروق او غايب ومشتاق


والله يلين قلبه و يصلح حالكم