مشكلتي زوجي والعلاقـه.......

بدخل بالموضوع ع طول متزوجين لنا سنه وعندنا ولد والمشكله بدأت لما حصل بيننا مشكله وهو كان طبعه معاي تبن كان يهدد بالضرب ويحاول يمشيني ع كيفه حتى لو انه غلطان وكان حتى كلام حلو مايقوله لي وبس ع جواله وبيننا لاضم ولا اي شي كان مايعرفني الا وقت العلاقه اذا يبي يناديني بس واذا خلص قعد ع جواله ورجع لوضعه اللي قبل ....وقت لما كنت حامل بالسادس وكان هو الغلطان فيها وطردني وحلفت م ارجع لنفس الشقه وغيرها لي وسكنا بالشقه وكان اول شهر امورنا تمام وحلوه ومرتاحين لكن كنت اسمع اهله يقولون له ليش طلعت م الشقه وبعدت عن قرايبك وبعدين فجاءه تغير صار مايلمسني الا ب الاسبوع مرتين او ثلاث ومرات توصل عشر ايام بالرغم قبل ماكان كذا ابداً ، وصارحته وعصب علي وقالي مالي نفس قلت ليش ومادري ايش بعدين عصب وقالي تبيني اركض وراك! ، يا بنات صدمني بكلمته مع اني مدلعته م كل النواحي واكشخ له واتزين ودايم اسمعه كلام حلو حتى اذا رجع م الدوام كنت اضمه ف كان مايرفع يديه ويضمني كان يترك يديه نازله!! شي غررريب ي بنات ويقهر يقهرررررر ، حتى من زواجنا ولا مره اهدالي فديو حب او شي ولا مررره انا جربت مره ارسله ف كان يفتحها ويخليها مايرد كان ودي اعيش زي باقي البنات مع واحد يحسسني اني مرغوبه م كل شي مو بس عند واحد اهمه اني اطبخ له واجهز ملابسه!! وبس يتغدى ويرجع لغرفته يقعد ع الجوال ويسكر الباب او اذا انا كنت عند المغسله افرش استاني بالليل ف اذا خلصت اسكر المريا ف هو اذا سمع المويا وقفت كنت اسمع ضربت الجوال ع الطاول كان ينزل جواله ع طول ويتغطى بالبطانيه ويسوي نفسه انه نعس وبينام،، وبالنهار بس يطلع كل ساعه 3 العصر يطلع بالرغم لما كنا بشقتنا القديمه اللي عند قرايبه ماكان يطلع ابد(وقتها كنا تونا متزوجين لنا 4شهور) .. ومرات اذا رجع من الدوام بالليل مايتعشى يقول مالي نفس وينام ويصحى الساعه 5 الفجر ويقعد ع جواله لين تجي الساعه 8 الصباح وبعدين يقول بروح اجيب فطور تبين اجيبلك معاي ف كان يروح واحسب له الدقايق كان يروح 30 دقيقه ويرجع وهو جايب فطور .. وماغي لاطلعات ولاجايات ولا اي شي واذا طلعنا يطلعني للبر ويقعد طول الوقت منفس واسولف معاه مايكلمني ولايرد علي م ادري ليش هو كذا .. حتى مولات وبالممشى مايروح اذا قلتله يتحجج بأي شي .. يابنات والله مقهوره منه .. وحتى بداية الزواج لقيت له حساب انستا وكان ينزل فيه مقاطع شعر حب وفراق وبعدين عرفت البنت اللي كان يبيها وهي كانت تبيه بعد لكن تزوجت وهي للحين اشوفها تنزل عنه وتكتب عنه .. وهو اذا كنا بالسياره يسرح كثير اذا كان حاط ع شيلات .. مقهوووره ي بنات احس اني مجرد بديل ... ايش اسوي والله اني كارهه نفسي وايش معنى تصرفاته هذي معاي