اخواتي في الله
السلام عليكم ورحمة الله وبركاته
أتمنى تجوبون على سؤالي والي عندها حل لا تبخلي علي
ولدي الكبير عمره 8 سنوت تقرريبا بصف ثاني ابتدائي
عصبي جدا وعنيد ويبكي ويصرخ كل اليوم
اول مشكله لا يمكن يحل الواجبات ابد وماعنده مشكله يروح للمدرسه بدون ما يحلها
بس افتح الواجب يتحول الشخص هستيري يصرخ ويبكي ويروح يتغطى وينام ماعنده مشكله ينام طول اليوم الين بكر الصباح
بس اهم شي ما يحل الواجب سايسته اهديته لاعبته مافيه فايده
امس واعدته اجيبله صبوره يخربش عليها ونتعم عليها املاء ومسويتله مفاجئه بس شافها صار يصرخ ويشوتها برجليه
وقلب سفرت الاكل وضرب اخوه مع ان هالاشياء مالها دخل وراح ينام
ثاني شي كل شي با البيت له خصوصا ريموت التلفزيون لو مثلن هو جالس يلعب وسمع ان واحد من اخوانه شغل التلفزيون وحطه عبرنامج ما يحبه
يهجم ع اخوه وياخذ الريموت ويقلب القناه وهو اصلن ما يبي يتفررج
اذا عصب من ابوه يروح يحاول يضرب ابوه
كذاب درجه أولى حذف اخوه با العصير اليوم وانا اشوف قلتله تعال نظفه ليش كبيته وهو شايف اني شفته قال مو انا ويحلف ويصيح
اذا بغيت اطلع السوق او مطعم او مكان عام قبل الطلعه يصيح ما يبي يمشي كذا عناد وابوه يشيله ونركبه با السياره ونسحبه وانا شايله الجزمه الله يكرمكن وهو صياح تقول رايح للمشنقه
الحد ما صرنا مانطلع ابد واذا وصلنا المطعم وطلبنا وجبه لا يمكن ياكل ويبكي ويطيح تحت الطاوله ويقول كان معجبني المكان الفلاني وفلان جلس به والوجبه لازم ما يشاركنا بنفس الصحن
لازم له وجبه كامله وصحن الحاله
ثاني حاجه لا يمكن ياكل الاكل الي طبخته مثلا يكون كبسه يجي يقول وش طابخه أقول كبسه يطيح با الأرض ويصيح ابي بيض مقلي ويصيح وانا منهد حيلي
وكل وجبه كذا واذا كان بيض يقول ابي مكرونه ويصيح وخلاص كبر صياحه مو صياح بيبي رجال يفشلنا مع الجيران والله فعايله قسن قلبي عليه
وصايره عاده جديده عنده يقلد كلامي ويتمصخر علي
السؤال الحين
كان عندكم احد كذا وتعدل؟
فيه أسلوب للناس الي كذا؟
هل ابني راح يكون شخصيه طيبه وجميله لما يكبر ؟
ايش الخلل الي خلاه يتحول الكذا ؟
الله يهديه ويهدي أولاد الجميع
ام دحومي وروني @am_dhomy_orony
عضوة نشيطة
يلزم عليك تسجيل الدخول أولًا لكتابة تعليق.
قهوة مرّه
•
الله يعينك عليه هذا وهو 8 سنوات كيف لصار 14 سنه وش بيسوي . ماعندي عير تعرضين جالته ع مختص .
حبيبتي ولدك كان كذا ولا تغير
إرقيه برقية الحسد
وإذا ما رضى وهو نايم إرقيه
وكثري من المعوذات وسورة الإخلاص وآية الكرسي ولما يدخل عليك انفخي بهدوء عليه من غير ما يحس
من علامات الحسد أثناء الرقية يتعب أو يدوخ شوي أو يحس بالحر
إذا قط سمعتي احد مدحه او عجبه شئ فيه أو فيك وإنتي معاه مثلا تعاملك معاه او اي شئ يتعلق بولدك غخذي أثر هذا الشخص وإستخدميه لولدك ولكم كمان
حبيبتي مجربين الحسد والي تشافى بفضل الله سبحانه وتعالى ولله الحمد ثم الرقية وأخذ اثر الي نعرفهم صار إنسان طبيعي ولا كأنه هو >> رغم إنه كان محسود لسنين
سبحان الله وبحمده
إرقيه برقية الحسد
وإذا ما رضى وهو نايم إرقيه
وكثري من المعوذات وسورة الإخلاص وآية الكرسي ولما يدخل عليك انفخي بهدوء عليه من غير ما يحس
من علامات الحسد أثناء الرقية يتعب أو يدوخ شوي أو يحس بالحر
إذا قط سمعتي احد مدحه او عجبه شئ فيه أو فيك وإنتي معاه مثلا تعاملك معاه او اي شئ يتعلق بولدك غخذي أثر هذا الشخص وإستخدميه لولدك ولكم كمان
حبيبتي مجربين الحسد والي تشافى بفضل الله سبحانه وتعالى ولله الحمد ثم الرقية وأخذ اثر الي نعرفهم صار إنسان طبيعي ولا كأنه هو >> رغم إنه كان محسود لسنين
سبحان الله وبحمده
امور كثيره نقدر نتجاوز عنها ونوجد لها حلول الا ان الطفل يتعدى حدوده مع امه وابوه... رغم اني تربويه ومع فتح ابواب النقاش مع الاطفال وإيجاد الحلول اللي ترضي كلا الطرفين الا في اي موضوع يتعلق باحترام الام والاب هنا انا اشوف ان الموضوع يتجاوز اي نقاش واي حلول.... الولد لازم يتربى بالطريقه الليتشوفينها انتي وابوه... عساه يضرب راسه بالجدار ويتبحث في الارض ويبكي لكن ما يتجرأ انه يتعدى على امه وابوه... هذا اولا.. ثانيا ماله سلطه على امور البيت واتمنى تجردونه منها لأنه اذا كبر راح يتحكم في البيت وبأخوانه وبعدها حيتحكم فيك وفي ابوه..... باقي الامور البنات يساعدونك فيها لأن مشاكله متشعبه وتحتاج لخطه مفصّله لتجاوزها..
الصفحة الأخيرة