مشكلتي شعري ناعم ما اقدر امشطه

السلام عليكم خواتي
مساء الخير

انا بصراحه عندي مشكله وهو شعري بس مشكلتي مع شعري اهي
كان شعري طويل وناعم ، واتعالجت كيماوي وطبعا انتوا عارفي شو ايسوي العلاج الكيماوي

وبعد كا خلصت علاج والحمد لله رد شعري يطلع مثل ما كان لكن المشكله انه هو ناعم و ما يثبت يعني يوم اسبح وايكون امبلل ايكون اشزينه وناعم وامرتب ببس ايجف اشوي ينفش

جربت اسشوره لكن كل ما سشورته نفش زياده لأني اصلا نوع شعري ما ينفع ويها السشوار لا هو قصير ولا يوم كان طويل كنت اسشوره

وبصراحه ما ابي احرقه بالسشوار ولا ابي اخربه الجل او السبري وهالخرابيط


وما ادري شو اسوي فيه عشان ايتم نازل

جربت اني استخدم عليه كريمات بس اتقولون صرت مثل الهنديه كله امدهن

ما ادري شو اسوي او اذا في شي ايثبته وايخليه ناعم وطايح مثل ما هو يعني ما ايبسه وايكون شكله طبيعي


بليييييييييز اللي اتعرف اي شي اتقولي

اتفشل يوم اقوم الصبح من النووم وريلي ايشوف شعري ا منفووش كأنه حد امخرعني


بليييييييييييز ساعدوني



أختكم
مس منصور