مشكلتي ..شملت كل شئ الحمدلله على قضائه وقدره

السﻻم عليكم ورحمة الله..
ترددت كثير اكتب مشكلتي ﻻان اتوقع مالها حل بس حبيت افضفض و الله يفرجها..ضاقت بي دنياي وفوضت امري كله للرحمن الرحيم..انا عمري32سنه وعندي اربع اطفال وزوجي عمره فوق اﻻربعين سنه...تزوجته وعمري18سنه تحملت فقره وﻻيصلي ويسكر ومن ثاني يوم بزواجي راح يقابل بنات وسوالف..كنت احبه وصغيره هو ولد عمي سكنوني ببيت شعبي ومع الوقت فصل من وظيفته وصارت مشاكل بينه وبين اهلي واهله ومستمر هو في ضياعه..صار طﻻق وكملت دراستي الجامعيه بعد اربع سنين رجعوني له تم سنتين تمام وبعدها رجع ﻻانتكاسته واكثر انسجن بسبب ديونه وتحملت البعد والمسؤليه وحدي وطلع وقال بعوضك وياليته ماقالها ...13سنه مع زوج مايحافظ على صﻻته وﻻصيامه واغاني وكﻻم بذئ سب ولعن وضرب وخيانه...يخوني مع بنات متزوجات وغير متزوجات.. ...وضربني مره عشان نصحت وحده من خوياته ﻻانه يكذب عليها وصغيره ويبتزها فلوس ويوم خربت عﻻقتهم ضربني بالعقال قدام عيالي وندم جسمي بسببه وطردني وقتها مابكيت من الصدمه اتمنى اني بكيت ممكن انسى وماااكرهه واقسى عليه لهالوقت...تزوج علي حبيبه له تعرف عليها من النت استمرت عﻻقتهم وهو مامعه مهرها فدفعت له هي مهرها وكل التكاليف ى انها موظفه وهي مطلقه ومعها عيال من اﻻول وانواع القهر والظلم اللي شفته ..جلسو مع بعض سنه وطلقها وقبل يطلقها كان بيتمصلح منها ويطلع سياره بااسمها اخذ مشهد براتبها وضبط اﻻوراق..وطلبني اوقع تزوير على اساس اني هي..ورفضت وحاول فيني مره يرضيني ومره يضغط علي بعيالي ياخذهم ويوديهم ﻻاهله وﻻيقضي بالبيت وهاجرني...طبعا زوجته مدري حبيبته ماقد شفتها وﻻاعرفها ومع كذا اخاف الله واعرف انه خسيس ويلعب عليها...رفضت ورفضت ورفضت فضربني...واهاني وكرهني بحياتي ...دخلت اهلي واخوالي مليون مره ومع كذا رافضين اتطلق مستحيل عشان العيال ويقولون اصبري ﻻانه بيعاند ويضيعون اﻻوﻻد واحنا مابنتحملهم...انا اكبر اخواني وامي وابوي مريضين وكبار ومعاقين ..اللحين مستاجره بيت اهلي بالقريه واهلي ببيت في مدينه ثانيه يحاولون يصبروني المهم مااتطلق ..مؤخرا صار يسافر برا وبكل وقاحه يوريني صوره وهو يسكر والشراب بس يحلف انه مايقرب بنات...انا اكرهه وادعي عليه وقلبي قاسي عليه وﻻبسامحه ...امي تقول ليني نفسك وسامحيه شوفيه يهديك ويعطيك وغيرك يتمنى هالهدايا والسفريات. انا مااشوفها ابد وﻻاحب اي شئ منه ﻻان قلبي مليان كره له..هو رجع يكلم طليقته وحب وخرابيط قلت له رجعها مايصير تستمرون وحب بالحرام وبالحﻻل مااستمريتو يقول انا ارحمها هي تموت علي وتعشقني وحسيت اني ظالمها فااتواصل معها عشان تسامحني...مو بس هي لوحدها يلعب على بنات كثير.....انااشوف اني استحق منه الحب واﻻحترام والوفاء انسانه جميله ونظيفه وسنعه ببيتي وطبخي ومثقفه وملتزمه ولي نشاطات دعويه والكل يشهد بأني مميزه بااشياء كثيره..ضاقت بي كل الدروب لدرجه بس ابتسم وساكته ماعاد ابي اكلم احد واحب الوحده ...اهتم بنفسي وبيتي وتربية عيالي بس حياه بدون الوان ..وكنت موظفه معلمه عقد وتغربت وساعدته وعطيته راتبي ومع كذا جازاني يسافر ويخوني ..ومؤخرا صار يتهمني بشرفي ويقول اني مااشرفه واني يوم كرهته وطنشته وساكته ان معي احد احبه وكذا...حسبي الله... وانا والله انسانه عفيفه وشريفه ومتحجبه واخاف الله كلمت اهلي وعلمتهم ومافيه فايده...اصبري وتعبنا من مشاكلك...
معه حساب بتويتر وفيس بوك وبكل وقاحه ما يحترمني واحيان بدون يدري اقرا الخاص.
حابه انصح البنات من هنا...وخاصه اني اقرا سوالف رجل للبنات متزوجات وغير متزوجات..يسوي بالعام انه مثقف ودين ورومنسي ولباقه وبالخاص شوفو الكذب والخداع وحده تشكي من زوجها انه يتركها وزوجي متعاطف معها وانه يحبها ويحل مشاكلها ووحده مطلقه ويكذب عليها انه مو متزوج وحبها وبيخطبها وكثير يحل مشاكلهم ويبي منهم سوالف جنس وحركات وارقام وتواصل ومسوي خفيف دم وهم مصدقات مساكين..كل مره ابي اسامح زوجي واعيش سعيده معه عشان اهلي مايبوني اتطلق ابدا فااحاول اساير الحياه واقول ظلمته وليش قاسيه وصمت فيني ﻻزم اعيش ممكن ظلمته ممكن بيتوب خلوني اجرب كذ ا طريقه...وكل مره اكتشف اني غبيه وطيبه بزياده وعلى نياتي وهو مايستحق مني اي شئ...اكرهه وﻻاشوف اﻻ سلبياته وكل الضرب والخيانات.قدام عيني ماخلتني اسامحه...
اعتذر اني طولت عليكم بس اتمنى حلول ودعوات منكم..
استغفر الله العظيم واتوب اليه وسبحان الله العظيم سبحان الله وبحمده....