مشكلتي صحيه و غريبه مالقيت لها علاج و أنا حامل 😔

بسم الله الرحمن الرحيم
السلام عليكم ورحمة الله وبركاته


أخواتي أنا حامل بطفلي الخامس و حالياً بالشهر الخامس و من
لما كنت بالشهر
الثاني طلع لي خراج بأخر ظهري و بعدها بأسبوع طلع ثاني
جنبه و بعدها بأسبوع طلع فوق بنص الظهر و لحد الأن و هي
تطلع كل أسبوع واحد جديد و اللي قبله موجود و أنتشرت
بأخر ظهري و نصفه و يديني و رجولي و من رمضان بدأت
تطلع بوجهي و الحين طالع لي أثنين بوقت واحد بالخد
و بالبطن و ما أقدر أوصف لكم شدة الألم أول ما تطلع تكون
حبه صغيره ورديه و تصير تحرق و تحك بعدها تكبر و تكبر
حتى تصير بحجم البرتقاله أو أكبر ممكن يوصل حجمها
أكبر من قبضة اليد و ما يكون لها رأس فقط منطقه قاسيه
حمراء مؤلمه لدرجه لا توصف طبعاً مو دمل الأطباء كلهم
قالو خراج و من النوع الكبير يسمونه طبياً الجمره
و بس أروح الطبيب يعقمها
و يحقنها بماده سائله بأبره و يفتحها بمشرط جراحه و يشيل
كل الصديد و الدم منها و ينظفها مره و يحشيها بالمقص بشاش
مخصص و يتركها مفتوحه لين تتعافى إلا اللي تطلع بوجهي
يفتحها بشكل تجميلي و لا يحشيها حتى ما تكون أثر
اللي صار أنو في كل مره أروح الطبيب ينصدم و كيف تنتشر
كذا سويت زراعه للصديد و الدم و لأكثر من خراج و على
النتيجه يعطوني المضادات الحيويه و لكن بدون إي فائده
و ما زالت تطلع الأن فيني أثنين واحد بخدي و الثاني بالبطن
بوسط كرش الحمل لا أقدر أنام و لا أتحرك من شدة ألمها
و البعض منها يصير فيني زي الحمى حراره و تعب جسدي
و لازم مسكنات قويه و عنايه طبيه لأني حامل 😢
اللي مرت بحالتي أو تعرف أحد جاله مثلي تطمني و كيف
ممكن أعالجها لأني عجزت
مستشفيات ورحت لأكثر من طبيب و المضحك المبكي أنو
كلهم يتفقو أنو بحالتي هذي الخرجات تطلع لأن الجسم صحي
بزياده يعني الأكل و نمط الحياة صحي أكثر من اللزوم
و أنا مصدومه منهم كيف المفروض تطلع بجسم غير صحي
و مهمل و مصاب بعدة أمراض لكن قالو بحالتي العكس ؟!!
أخذت 5 أنواع مضادات و ما نفع
أستخدمت المره و مضادات عصار و معقمات و لا ألمسها
و لا أفتحها و لا حتى أقرب منها حتى ما تنتقل لمكان ثاني
البس قفازات و اشتغل بمقص طبي أعقم و أطبق المراهم فيه
و محافظ على نظافتي لدرجه لا يمكن وصفها حتى صرت
أنام بفراش لوحدي و أستخدم كل شيء لوحدي و أنظفه بكل
حرص و تعقيم حتى ما تنتشر العدوى فيني أو بأحد من عيلتي
و لا فيه إي نتيجه صحيح الحمد لله عيلتي ما جاهم إلا العافيه
لكن أنا كل شهر ثلاث أربع حبات تطلع لي
و الحل ؟
اللي عندها حل أو علاج لا تبخل علي