مشكلتي طاااااازة وعايشة حرتها الحين !!

السلام عليكم
:06: من بدايتها صياح لأني أكتب وتوه زوجي مسافر ، ومشكلتي إنه أول مايقول لي بسافر تجيني ضيقة :44:وما أقدر أسولف معه مثل أول ويصدع رأسي من التفكير والقهر ، لأنه مغرم بالسفر مع أخوياه وهو يكون حاس بحالتي ويروح وهو معصب ، وبعض الأحيان يجرحني بكلام قاسي إذا شافني متضايقة وما عطيته وجهه ، وأنا والله ودي أكون عادية جداً وأسوي نفسي مو مهتمة بس ما قدرت لأنه يبين علي لدرجة إن الضغط ينخفض علي وما أقدر أشيل نفسي !!
حاسة بكذا بعدم استقرار ووحدة وتكثر هواجيسي من جد تعبت ، مع العلم قبل سفريته هذي ما كنت أدري إنه بيسافر وأحاول أرضيه ويكون راضي ولله الحمد ، بس أتفأجأ إذا قال بسافر ينقلب حالي 180 درجة
اعتبر هذي أنانية فيه إنه يفكر بنفسه بس وأنا الله يعلم بحالي ، ريحوني الله يريحكم دنيا وآخرة من جد تعبانة من تصرفاته وعدم مبالاته لوضعي وحالي :44:
مع العلم إني جربت معه عدة وسائل من رسائل شوق وحب ومفاجأت إذا رجع وأستقبال رائع لكن مع ذلك تعبت من تصرفاته وسفرياته ، وأكثر ما يجنني إذا قال أنا أحبك واللي أشوفه عكس كذا أتمنى القى عندكم الحل لوضعي والمعذرة على الإطالة وعدم ترتيب الأفكار !!