انا تزوجت من سنه وعندي طفل رضيع زوجي اكبر مني في 14 سنه زوجي شخص كويس بس مفكر حالو عزابي احنا ساكنين في عماره مع اهلو دوامو طويل و لما يرجع من الدوام بجي على البيت باكل و بروح عند امو او عند دار اخوه زوجي كتير متعلق في امو و اخوه يعني انا بشوف زوجي ساعه او ساعه و نص باليوم كلو حتى بيوم عطلتو بضل مع امو و بطلع مشاوير مع اخوه و تاركني بالبيت لحالي بضل لحالي و اغلب وقتي لحالي و فوق كل هاد مش عاملي رأي بسمع كلام الكل بس مني ما بسمع انا ما إلي رأي في بيتي ابدا ... هو اختار عفش البيت و غرفة النوم و كل اشي لحالو و حتى صالة عرسنا و ما اخد رأيي .. ما عمره اخدني مشوار ولما احكيلو طلعني مكان ما باخدني .. زوجي عقلو قديم ..انا عاقله و طيبه يشهد ربي ما شاف مني غير كل خير و عاملت اهلو بكل خير بس ليش يحسسني انو ماخدني خدامه عشان امو تعبانه و مش قادره تطبخلو و تغسلو اواعيه انا بخدمو بعيوني بس بدي اهتمام بدي احس انو متزوجه انا هلأ عند اهلي لانو صارت بينا مشكله و انا بفكر بالانفصال لانو حكيت معو مره و مرتين و ما تغير بالعكس دائما لما احكيلو انت ليش ما بتقعد معي و ليش ما بتاخد رأيي بحط الحق عليي و بصير يصرخ فيني انا تعبت من المعاتبه و ما في فايده و ما رح يتغير شو بتنصحوني انا عنجد بفكر في الطلاق