مشكلتي ظهري اغمق من جسمي وشو الحل ساعدوني..

والله حتى انا نفسج واريد حل

يااارب البنات يساعدونا بتجاربهم..اشكرك على تواجدك..

مييييييييي تو
انا بعد الله يوفق الي تقدر تساعدنا كلنا
حتى لو خلطات مو مشكله بس حد يعطينا وجه
مهاني

انا بعد كانت عندي تفس المشكله واستخدمت خلطة شالسالفه اسبوع بس وصار ظهري يجنن بس مااستمريت قطعتها عشان البرد....ورجع ظهري اسمر شوي.......اتوقع لازم تستمرين عليها لو مره وحده اسبوعيا......يعني لاتقطعينها مره وحده......

وهذي هي الخلطه

خلطة لبياض الجسم

المقادير
صابونة غار مبشورة ناعمة جدا تنقعينها بكاس ماي ورد طول الليل
عشان تذوب

علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة


تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت

انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه




تدرون ليش الخلطة ماحطينا فيها عصير ليمون؟؟ لانه يخيس يعني اذا تبين تضيفين عصر ليمون للخلطة اللي قلتها ممكن بس لازم تستعملينها قبل لاتخيس
انا مااضيف عصير ليمون لكني استعمله بالسنفرة مع الملح عرفتوا؟؟


وانا على فكرة اسوي حمام مغربي كل اسبوع عشان ازيل الخلايا الميته واجدد البشرة وحتى اللي تسويلي الحمام المغربي سألتني شمسوية جسمج مختفية منه اثار الحبوب وصايرة بيضة تلقين بس ماقلتلها الطريقة لانه الصالونات مايعلمون هم شيحطون للزباين خخخخخخخ نحيسة


بس لاتسألوني عن الخطوط واثار الحمل لاني لامتزوجة ولافيني خطوط فما ادري اذا هالخلطة توخرهم ولا لأ
لكن اذا تبين بياض ونعومة جربي هالخلطة ممتازة خصوصا للعرايس واللي عندهم مناسبات

ولاتنسوني بالدعاء الصالح
مابي منكم الا الدعاء
ودمتم سالمين

انا عندي نفس المشكلة.. و قلت يمكن لو اشقر ظهري بيفتح لان الشعر يسمر المكان بس بعد ما صار لون ظهري نفس باقي جسمي! مدري ليش؟؟ تتوقعون وراثة؟؟؟