مشكلتي عدم الثقه بنفسي وكثرة الخوف ممكن تساعدوني ؟

الأسرة والمجتمع

السلام عليكم

اول حاجه انا سعيده بالمنتدى وبالبنات اللي فيه واللي دائما يوقفون بحد بعضهم وجزاكم الله خير يارب ... واتمنى اني افيد واستفيد ..

ثانيا بدخل بمشكلتي على طول

انا بصراحه انسانه ماعندي ثقه بنفسي وكثيرة الخوف والسبب في هذا ان اهلي هم اللي زرعو بنفسي قلة الثقه بالنفس والخوف يعني تخيلو اخواني لو يشوفوني لابسه شي ولامسويه شي جلسو يطنزون علي قدام حريمهم من ونا صغيره ودايم يقولون لي اكيد بيضحكون عليها الناس هالحين اذا شافوها بهاللبس والشكل ودايم يحسسوني اني بشعه موحلوه يعني مع العلم ان الناس القريبه مني واللي تحبني واللي مو ممكن تكذب علي بالعكس والله دايم يمدحون فيني ويقولون مشاء الله وجهك طفولي وخطوطك مره ناعمه وماتعطين ابدا عمرك وتخيلو عشت بهذا الوضع من ونا صغيره الى هاليوم حتى لما اجي اروح مكان مثلا مع حريمهم يقولون لا لاتروح هالحين تفشلنا ولا يمكن يقولون عنها شغاله خلوني من كلامهم اهمل في حالي كثير واصير دائما خايفه من مواجهة العالم وقبل ما اطلع ولا حتى اذا جيت اشتري شي اقول مدري بيعجب الناس اذا اشتريته بقولون عنه حلو صرت دائما افكر بالناس وبرأيهم فيني حتى والله العظيم لما صرت اطلع وتجي مثلا وحده تبي تجرحني بكلمه ولا بتصرف احس روحي مو قادره ارد عليها واما اجلس ابكي قدامهم من الخوف منهم او اني اكتم بقلبي وبالاخير اجي للبيت مشحونه من القهر واجلس ابكي ولا اخبر اي حد من اهلي اقول هالحين بيتشمتون فيني وتخيلو لما اقول لأمي تجلس تدعي عليهم لانهم قالولي كذا او لانهم جرحوني او احرجوني وبعد فتره من الوقت تاخذ هالكلام وتجلس تطنز فيه علي وتقول احسن يوم انهم سوو فيك كذا شوفي شكلك اول ولا يمكن بعد انتي اللي سويتي شي غلط وتجلس تطنز علي قدام خواني ومرات قدام حريمهم وتقهرني حتى تخيلو مره كنت مره مقهوره وقلت لها شوفي عيالك كيف معتمدين علينا في تربية اولادهم والله لولا وجودي انا بالبيت ولا ماكانو قدرو يجيبونهم عندنا مدري متى الله يرزقني بالرجال الصالح وافتك من هالبيت وقامت قالت ان شاء الله الله يوفقك بالوظيفه اول ثم الزوج وبعد فتره طويله انا مدري كيف كنت معصبه مره ومدري كيف جتني الجرئه وقلت قدام اخوي اللي مو متزوج ليت الله يوفقني برجال حتى لو انه كبير بالسن بس افتك من هالبيت ومن الجلسه تحت رحمة اخوانك فقالي اخوي الله يوفقك وهذا شي بيد الله وقالي خلاص لااشوفك متكلمه بهالموضوع مره ثانيه الا اقبلت امي وقالت اسكت من زمان قايلتلي عن هالشي ونا استحيت لااقولك ماتستحي عينها قويه قولولي وش غلطت فيه عشان اخواني ولا امي يعاملوني بهالمعامله انا اصلا عايشه وحيده بالبيت لاعندنا صله بأهلنا ولا بأي احد والسبب امي اللي مقاطعه العالم ولا تزورهم وبالتالي طبيعي هم مايزورونا مع اني جدا اجتماعيه واحب العالم كثير بس العالم مرات احس منهم انهم مش متقبليني ليه ما ادري مع العلم انه فيه بنات يقولون عني اني مغروره ونا والله مش كذا حاسه ان نفسيتي تعبانه مره والله مابي احس بالخوف وقلة الثقه بالنفس تخيلو من كثر ما اهلي محطميني خاصة من ناحية الشكل سلمت نفسي للسمنه وصرت سمينه بعد كذا صرت احس بعد مابديت اكبر ان سبب بعد الناس عشاني سمينه مع العلم ان عندي صديقه سمينه بس ماشاء الله عليها العالم كلهم يحبونها وبس يشوفونها يركضون لها الا انا دائما حاطه ببالي اني بشعه وزاد على كذا السمنه ولكن انا في السنتين اللي فاتو بديت اسوي حميه والحمدلله نحفت جزء من وزني وكل من شافني صار يقولي جسمك صار حلو مع كذا الا انهم يحاولون يحطموني ويقولون صحيح انك نحفتي بس ماتدرين يكن ترجعين زي ماكنتي يعني حتى الفرحه عشاني مو فرحانين بالعكس يتمنون لي الأسوأ مدري ليه صرت اشك بنفسي والله طيب انا بمعاملاتي مع الناس احس اني ثقيله او رزينه ماحب ارمي نفسي على العالم ودائما شامخه في وقفتي وكلامي وجدا محترمه بشهادة المحبين لي بس مايهزني الا التعليق على الشكل لو قالو لي هالشئ فيك مو كويس او موحلو ساعتها بس احس حرارة جسمي ترتفع واحس بيغمى علي والله لاني اكون فعلا حاسه ان القصد من هالكلام تحطيمي بس يعني تخيلو حتى لو حصل اني ورحت حفله للأهل مثلا وهذا نادر جدا وقررت مثلا اني ارقص تخيلو اني طول وقت ما انا على المسرح خايفه واناظر في كل الموجودين واقول بقلبي اكيد الان بيطنزون علي اما على لبسي او على شكلي اكيد بقولون موحلوه وساعتها احس بالخوف والارتباك واني خلاص مولاقيه كلام ارد فيه عليهم فاينخطف لوني والكل يحس بمدى احراجي فالقاصدين احراجي وتحطيمي يفرحون اما اللي يحبوني يقولولي بعيونهم او بالأشاره لي لايهمونك بس من داخل انا انقهر والله انقهر ياناس ابي اقوي شخصيتي وازيد من ثقتي بنفسي واشيل الخوف من قلبي واتمنى يكون عندي سرعة بديهه بالرد ولكن بكلام محرج لهم او على الاقل يحول الكلام عليهم وبدل مايكون يحرجني بالعكس يحرجهم هم نفسي تساعدوني ممكن ؟
10
12K

يلزم عليك تسجيل الدخول أولًا لكتابة تعليق.

تسجيل دخول

المحبه للوفاء
عزيزتى ... والله حالك لامس قلبي كان الله فى عونك والله يهدي اخوانك
انتى تقولين ماعندك سرعة بديهه للرد على تعليقات الحاقدين اهونها قوليلهم اللى مايطول العنب ... اختى لازم تطلعين على كتب علم النفس الخاصه بتنمية الثقه بالنفس والاهم حبي ذاتك انتى شامخه ورزينه وعاقله وطيبه هذه جواهر الاخلاق اذا اخوانك وامك الله يهديها سخروا منك قولى من القلب الله يهديكم وذكريهم بالايه ( ولا يسخر قوم من قوم عسى ان يكونوا خيرا منهم ) واذا حسيتى من اخوانك اصرار ادعيلهم بالهدايه واحمدي ربك انك المظلومه ولا الظالمه ... اما اقاربك ومعارفك اللى ذكرتى انهم مايحبونك ( لا تعطينهم وجه ) واذا حاولت تسخر وقفيها عند حدها انت مو اصغر عيالها علشان ماتحسبلك حساب قوليلها وقدام كل اللى حاولت تسخر منك قدامهم ( احترمى نفسك ولا شرفينى بسكوتك وعدم محادثى مره اخرى حتى تحترمين نفسك) صدقينى تحقيرك لها بيخليها تبلع كلامها وبتفكر الف مره اذا ارادت السخريه منك او من غيرك ... عزيزتى اما عن الزواج
فاتذكر مشاركه لاخت طرحتها من كم يوم وتتلخص فى الاتي (حبيباتي من كم يوم كنت اتصفح موقع اسلامي على النت و بالصدفة قريت موضوع عن العنوسة و تاخر الزواج و في شيخ كان بيرد على اسئلة الناس و قالهم الي تحب تتزوج تقرا هده الايات و ان شاء الله ياتيها الفرج و انا حبيت اقلكم و اتمنى من كل قلبي الفرج لكل بنت
قراة سورة المعارج يوميا صباحا
قراة سورة الواقعة ليلة الجمعة
قراة سورة الذريات يوميا مساءا
بادن الله كل البنات يتزوجو و امانة يا بنات ادعولي ربي يحقق الي في باااااااااالي)

وايضا عليك بسورة البقرة بنيه الزواج... والدعاء فى جوف الليل وقت الاسحار فرب العزه ينزل بذلك الوقت وينادى من يدعونى فاستجب له من يستغفرنى فاغفر له ...
عزيزتى اذا ماتعرفين اداب الدعاء المستجاب ارسليلي رساله تذكير ومايصير خاطرك الا طيب

موفقه والله يكتبلك السعاده .. وانا .. وجميع الاخوات
ماذا اعددنا ليوم القيامه
وهذه التدريبات تساعدك على التخلص من المخاوف :
التدريب الاول
اذا كنت تشعر بالخوف من حيوان اليف مثلا فعليك بالمبادرة بشرائه صغيرا وقم برعايته وستجده يكبر بينما يصغر الخوف في قلبك ..
كل المخاوف عليك ان تعاملها بهذه الطريقة وعرّض نفسك تدريجيا لها - ستحس بالرعب والخوف في البداية لاشك - لكن مع تكرار تعرضك للاشياء المخيفة من وجهة نظرك ستجد انك قد تأقلمت معها وانطفأ ذلك الخوف في قلبك وستحس انك قد حققت انتصارا عظيما يعزز ثقتك بنفسك وبشخصيتك
التدريب الثاني
اذا كنت تشعر بالخوف من شخص معين مع انك تعرف ان ليس له سلطان عليك لكنه استغل خوفك منه وفرض سيطرته عليك فالجأ الى استخدام اسلوب الصدمة المفاجئة لكي تحطم هذا الخوف الوهمي كما يلي:
- انتهز اول فرصة تتقابل فيها مع ذلك الشخص واختلق موقفا متوترا وقم بمهاجمته لا باللسباب او الشتائم ولكن قل له ماهو مكبوت بداخلك نحوه بأسلوب حازم وقوي ستجده قد فوجئ بهذا الاسلوب منك وستصبح سيد الموقف وسيعمل لك الف حساب بعد ذلك ولن يساورك الخوف منه
- لاتتردد في انتهاج هذا الاسلوب الخاطف لأنه الاسلوب الوحيد الذي يخلصك من مخاوفك في مثل هذه المواقف ويعيد ثقتك بنفسك






وهذه التدريبات تساعد على التمتع بالثقةبالنفس و بلياقة بدنية عالية:

1- الاستلقاء على الظهر ثم تحريك الرجلين والفخذين في الهواء ( كأنك تقود دراجة ) وتستمر حتى تحس بالتعب

2- الانبطاح على البطن ووضع الكفين في الازض ثم رفع الجسم وانزاله مع تثبيت مشطي القدم على الارض وتستمر في هذا التدريب حتى الاحساس بالتعب

3- الوقوف منتصب القامة دون ان يكون ظهرك مقوسا ثم ضع الذراعين في موازاة الجسم وابدأ في تحريكهما على هيئة مروحة الى الامام والى الخلف عدة مرات حتى تتعب



والقراءة في الكتب التي تتناول هذا الجانب جدا مفيدة



منقول بتصرف من منتدى الحصن النفسي وأنا أنصحك به فهو مفيد
التاجرة
التاجرة
هلا اختي عساك طيبة يارب
ماشا الله من طريقة كتابتك باين انك وحدة واثقة من نفسها يعني ما اشا الله كلامك مترابط ومو ركيك واكلامك وااااضح
بحكيكي تجربتي تقريبا تشبه لتجربتك
انا لما كنت صغيرة كانودايما اهلي واخواني يتريقون على جسمي ويدي لان يدي كانت كبيرة اكبر من عمري وكانو دايما يقارنون بيني وبين فلانة وعلانة
بالمقابل صاحباتي اللي في المرسة كانو يقولون العكس دايما يمدحوني واني حلوة وووو واحسهم صادقين فانا ااخذ بالكلام اللي يريحني واطنش كلام اللي ما يعجبني واحاول اني اثبت ذاتي في اشياء ثانية حلوة مثلا الطبخ الرسم النشيد التنكيت والمرح فتكون هذه ميزات من صالحي
تصدقين حتى لما تزوجت كانو ا يتريقون على لبسي واني ما افهم وما اعرف البس الين ما مرة سويت مشكلة لهم كلهم هذه المشكلة وقفت كل واحد عند حده صح نفسيتي تعبت لاني خاصمت اهلي ومنهم جدتي لانها اكثر وحدة تتريق علي لكن بعدها الكل صار يحترمني وبالعكس انا الان قدوة للجميع في الشطارة والفن والجمال والترتيب اهم شي انت انك سويلك صداقة تزيد ثقتك بنفسك وصاحبات وخليهم قريبن منك يعني حتى لو نصحوكي بنصيحة مثلا هذا يناسبك هذا لا خذي بكلامهم ولاتخلين احد من حريم اخوانك يمسك عليكي اي غلطة واللي تتريق عليكي قوليلها احترمي نفسك انا ما غلطت عليكي وما اخذت رايك(الا اذا حسيتي ان قلبها عليكي يعني نصيحة في محلها مو مجرد تريقةغرضها تضحك الناس عليكي) صدقيني راح تزعل منك شوي لكن مصيرها ومصيك تتصالحون وراح تكون دقة للجميع انك قوية
ماذا اعددنا ليوم القيامه
افتحي هذا الرابط وهو للأخت شام الله يجزيها كل كل خير ويجعله في ميزان حسناتها

http://forum.hawaaworld.com/showthread.php?t=38384
سائرةإلىالمعالي
أنا عندي رد يبرد قلبك

بس أنا مريضه شوي

فقلت اكتب لك كلمتين

ترفع الموضوع على ما

اشفى واكتب لك الكلام اللي يهون عليك ويحل مشكلتك