مشكلتي عدم الثقه بنفسي وكثرة الخوف ممكن تساعدوني ؟

السلام عليكم

اول حاجه انا سعيده بالمنتدى وبالبنات اللي فيه واللي دائما يوقفون بحد بعضهم وجزاكم الله خير يارب ... واتمنى اني افيد واستفيد ..

ثانيا بدخل بمشكلتي على طول

انا بصراحه انسانه ماعندي ثقه بنفسي وكثيرة الخوف والسبب في هذا ان اهلي هم اللي زرعو بنفسي قلة الثقه بالنفس والخوف يعني تخيلو اخواني لو يشوفوني لابسه شي ولامسويه شي جلسو يطنزون علي قدام حريمهم من ونا صغيره ودايم يقولون لي اكيد بيضحكون عليها الناس هالحين اذا شافوها بهاللبس والشكل ودايم يحسسوني اني بشعه موحلوه يعني مع العلم ان الناس القريبه مني واللي تحبني واللي مو ممكن تكذب علي بالعكس والله دايم يمدحون فيني ويقولون مشاء الله وجهك طفولي وخطوطك مره ناعمه وماتعطين ابدا عمرك وتخيلو عشت بهذا الوضع من ونا صغيره الى هاليوم حتى لما اجي اروح مكان مثلا مع حريمهم يقولون لا لاتروح هالحين تفشلنا ولا يمكن يقولون عنها شغاله خلوني من كلامهم اهمل في حالي كثير واصير دائما خايفه من مواجهة العالم وقبل ما اطلع ولا حتى اذا جيت اشتري شي اقول مدري بيعجب الناس اذا اشتريته بقولون عنه حلو صرت دائما افكر بالناس وبرأيهم فيني حتى والله العظيم لما صرت اطلع وتجي مثلا وحده تبي تجرحني بكلمه ولا بتصرف احس روحي مو قادره ارد عليها واما اجلس ابكي قدامهم من الخوف منهم او اني اكتم بقلبي وبالاخير اجي للبيت مشحونه من القهر واجلس ابكي ولا اخبر اي حد من اهلي اقول هالحين بيتشمتون فيني وتخيلو لما اقول لأمي تجلس تدعي عليهم لانهم قالولي كذا او لانهم جرحوني او احرجوني وبعد فتره من الوقت تاخذ هالكلام وتجلس تطنز فيه علي وتقول احسن يوم انهم سوو فيك كذا شوفي شكلك اول ولا يمكن بعد انتي اللي سويتي شي غلط وتجلس تطنز علي قدام خواني ومرات قدام حريمهم وتقهرني حتى تخيلو مره كنت مره مقهوره وقلت لها شوفي عيالك كيف معتمدين علينا في تربية اولادهم والله لولا وجودي انا بالبيت ولا ماكانو قدرو يجيبونهم عندنا مدري متى الله يرزقني بالرجال الصالح وافتك من هالبيت وقامت قالت ان شاء الله الله يوفقك بالوظيفه اول ثم الزوج وبعد فتره طويله انا مدري كيف كنت معصبه مره ومدري كيف جتني الجرئه وقلت قدام اخوي اللي مو متزوج ليت الله يوفقني برجال حتى لو انه كبير بالسن بس افتك من هالبيت ومن الجلسه تحت رحمة اخوانك فقالي اخوي الله يوفقك وهذا شي بيد الله وقالي خلاص لااشوفك متكلمه بهالموضوع مره ثانيه الا اقبلت امي وقالت اسكت من زمان قايلتلي عن هالشي ونا استحيت لااقولك ماتستحي عينها قويه قولولي وش غلطت فيه عشان اخواني ولا امي يعاملوني بهالمعامله انا اصلا عايشه وحيده بالبيت لاعندنا صله بأهلنا ولا بأي احد والسبب امي اللي مقاطعه العالم ولا تزورهم وبالتالي طبيعي هم مايزورونا مع اني جدا اجتماعيه واحب العالم كثير بس العالم مرات احس منهم انهم مش متقبليني ليه ما ادري مع العلم انه فيه بنات يقولون عني اني مغروره ونا والله مش كذا حاسه ان نفسيتي تعبانه مره والله مابي احس بالخوف وقلة الثقه بالنفس تخيلو من كثر ما اهلي محطميني خاصة من ناحية الشكل سلمت نفسي للسمنه وصرت سمينه بعد كذا صرت احس بعد مابديت اكبر ان سبب بعد الناس عشاني سمينه مع العلم ان عندي صديقه سمينه بس ماشاء الله عليها العالم كلهم يحبونها وبس يشوفونها يركضون لها الا انا دائما حاطه ببالي اني بشعه وزاد على كذا السمنه ولكن انا في السنتين اللي فاتو بديت اسوي حميه والحمدلله نحفت جزء من وزني وكل من شافني صار يقولي جسمك صار حلو مع كذا الا انهم يحاولون يحطموني ويقولون صحيح انك نحفتي بس ماتدرين يكن ترجعين زي ماكنتي يعني حتى الفرحه عشاني مو فرحانين بالعكس يتمنون لي الأسوأ مدري ليه صرت اشك بنفسي والله طيب انا بمعاملاتي مع الناس احس اني ثقيله او رزينه ماحب ارمي نفسي على العالم ودائما شامخه في وقفتي وكلامي وجدا محترمه بشهادة المحبين لي بس مايهزني الا التعليق على الشكل لو قالو لي هالشئ فيك مو كويس او موحلو ساعتها بس احس حرارة جسمي ترتفع واحس بيغمى علي والله لاني اكون فعلا حاسه ان القصد من هالكلام تحطيمي بس يعني تخيلو حتى لو حصل اني ورحت حفله للأهل مثلا وهذا نادر جدا وقررت مثلا اني ارقص تخيلو اني طول وقت ما انا على المسرح خايفه واناظر في كل الموجودين واقول بقلبي اكيد الان بيطنزون علي اما على لبسي او على شكلي اكيد بقولون موحلوه وساعتها احس بالخوف والارتباك واني خلاص مولاقيه كلام ارد فيه عليهم فاينخطف لوني والكل يحس بمدى احراجي فالقاصدين احراجي وتحطيمي يفرحون اما اللي يحبوني يقولولي بعيونهم او بالأشاره لي لايهمونك بس من داخل انا انقهر والله انقهر ياناس ابي اقوي شخصيتي وازيد من ثقتي بنفسي واشيل الخوف من قلبي واتمنى يكون عندي سرعة بديهه بالرد ولكن بكلام محرج لهم او على الاقل يحول الكلام عليهم وبدل مايكون يحرجني بالعكس يحرجهم هم نفسي تساعدوني ممكن ؟