مااقدر اقول شي ان شالله ربي يهداه لك ويسخره لك والبنات ماقصروا

الله يصلحك بس وزوجك ايش ذنبه

يعني عادي تلعنك الملائكة حتى تصبحي عادي عندك ؟؟!!

هذي أمه وطبيعي الغيره

لكن انت حاولي تتقربي منها أكثر وتكسبيها في صفك مو عشان زوجك بس لأنها ست كبيره

ومصيرك تصيري زيها وزوجة ولك راح تعاملك بالحسنى مثل ما تعاملي حماتك الحين .

لا أبدا البنت مش مكبرة الموضوع.. اسمحولي,, صح الواحد لو يهونها بتهون. بس أبدا تدخلها ماله معنى.. شو يعني انا عديتها بكيفي.. صح ولدها على عيني وراسي بس ليش زوجته يوم هي تبغيه حقها بروحها؟؟ ليش ما تبغي سعادته... اختي انا بقولج انا شو صار ويايه وانتي احكمي.. يا إما تسكتين وتستوي نفسي يا إما الحين تاخذين موقف.. مش تمرد والله بس ع لأقل يفهمون ان في حدود.. انا في كل شي كانت تتدخل.. كلي هذا , لا تنامين العصر.. شو دخلتي اتسوين في حجرتج.. وكنت اسكت واسكت واسكت.. ويوم يبت بيبي استوى الموضوع أكبر,, رضعيه,, نوميه,, لا تأكلينه الحين,, شربيه ماي.. سبحيه.. لأ لا تسبحينه.. تدخل على الحمام يمكن أحرقه بالماي الحار (حشا خدامه مش أم) انا اتقبل النصيحه لأن أول بيبي بس مش بهالطريقه.. أحس انها تخاف على ولدي مني..حتى لما تروح معايه بيت أهلي يضايجون من أسلوبها ويايه,, ودايما امي تحاول تلطف الموضوع وتفهما ان محد بيخاف ع الولد وبيحبه مثل أمه.. ماشي فايده,, والحمدلله بناتها واقفين ويايه ودايما يكلمونها.. ماشي فايده.. ونتيجة سكوتي.. استويت عصبيه ومتوترة. ودايما احاول أبررلها الولد ليش يصيح وادافع عن عمري في شي مالي ذنب فيه. مثلا( تقوم القيامه فالبيت اذا الولد مرض. ومعناته أنا مرضته.. انتي سبحتيه.. انتي وديتيه لأهلج وفيهم حد مريض.. انا قلتلكم لا اطلعونه برع... ويوم اوديه المستشفى,, مثلا وديته المغرب وعطيته الدوا.. الصبح ألقاها شاله البيت ع راسها.. شو هذا الدوا اللي ماينفع.. الولد بعده مريض واحاول افهم وافهم ماشي فايده.. لين بديت أتهرب منها وايلس فغرفتي,, وقامت تتشكى لبناتها,, ( على فكره انا وهي وزوجي بس فالبيت) اني ما ايلس وياها.. والحمدلله بردو قلبي وقالولها انتي تنفرين الحرمه,, وتعيفينها حتى ولدهاواحنا نشوفج ونكلمج والصراحه لو طلبت بيت بروحها محد بيلومها..

اختي..... فالنهايه انتي بتتعبين وبيأثر هالشي على علاقتج بزوجج.. حاولي من الحين تحطين النقط ع الحروف.. انا الحين بعد سنتين أحس ان خلاص مافيني حيل,, حتى ما استحمل كلمه من زوجي.. (أقول فخاطري كفايه أمك) وكنت دايما اسكت ولا اقوله اي شي عنها لين مره قالته اني اخلي الولد يصيح وما اسكته -يعني بالله طفل يلعب وطاحت اللعبه وصاح- انا شو ذنبي؟؟ اضربه يعني عشان يسكت؟؟ المهم انفجرت ولاخليت شي وتميت اصح لين انتفخت عيوني.. هو فالبدايه كان يصارخ بس عقب سكت وفهمني.. بس عقب شو.. عقب ما نفسيتي تعبت...

مااقدر اقول شي ان شالله ربي يهداه لك ويسخره لك