مشكلتي عويصة مع اللولب والدورة

السلام عليكم بنات ياريت انكن تساعدني بشكلتي
وهي اني من سنة ونصف حطيت لولب مباشرة بعد ماخلفت ابني الله يخليه
وصارت الدورة من يوم حطيت اللولب وهي علي بس دم مش غزير يعني نقاط بنية
ووقت الدورة تقعد اسبوع وهي تنزل علي وسخ وبعد الاسبوع واكثر يصير ينزل دم لمدة اسبوع وبس تخلص الدورة
تضل تنزل وصخ لحتى ادخل بدورة جديدة

رحت على الدكتورة وحكيتلها عن مشكلتي لاني خفت انه يكون اللولب تحرك من مكانه بس طمنتني
الدكتورة وحكت انه اللولب مكانه واعطتني علاج مشان ينظم الدورة عندي بس مافي فايدة
لانه العلاج كان يمشي معاي كويس وبس يخلص العلاج ارجع لمشكلتي الاصلية

فانا مش عارف شو السبب بس يابنات انا لما كنت بكندا كنت اتعالج مشان الحمل فوجدوا عندي اكياس خفيفة
على المبايض وهي كالنت سبب المشكلة بتاخر الحمل بس ارجعت الاردن الحمدلله صار حمل بدون علاج

وحملت مرتين وبدون علاج برضة مابعرف هل ممكن تكون المشكلة بالاكياس ولا في غير هيك

ياريت تحكولي يابنات عن السبب واذا في وجدة مشكلتها مثلي لاني يابنات استغفر الله العظيم استغفر الله العظيم
استغفر الله العظيم يوم بصلي واسابيع مابصليش من ورا هاي المشكلة لاني مش عارف انظف بالمرة وعلى طول حاط منديل مشان مانزع الغيار حتى انها بتضايقني كثير شو اعمل يابنات بهاي الحالة وخاصة الصلاة والله اني متضايق قديش لاني بترك الصلاة اكثر الايام لاني مابعرف هل الي علي دورة ولا استحاضة وهي بفسد الوصو ولا لأ

بنات اتوسل اليكن تساعدني انا هاليومين بدي اروح على الدكتورة بس برضه حابة اشوف تجاربكم