مشكلتي عويصه اه منك يازوجي

بنات انا من زمان معاكم بس ماكنت مسجله كنت ادخل وارد احيانا بمعرف اختي والان سجلت عشان احكي لكم مشكلتي الي بتقضي علي وعلى حياتي
انا متزوجه من فترة طويلة زواج عن حب بس للاسف زوجي ماقدر مشاعري ولا اهتم فيها
زوجي بكل صراحه اناني مايهمه الا نفسه وراحته فقط
انا من الزوجات غير المتطلبات مخليته على راحته
لااروح مجمعات لا اروح مطاعم وقتي اقضيه كله في بيتي
وزوجي يبي يلغي شخصيتي ووجودي في هذا البيت
دايم يقول لي انتي لك تاكلين وتشربين فقط غير كذا مالك شغل في اي حاجه
طبعا مالي حق اسأله وين رحت ولا وين جيت
مالي حق اسأله ليه تأخرت
مالي حق اكلمه وهو في العمل
مالي حق اسأله عن الراتب او وين خلص مع ان راتبه ماشاء الله فوق الستة الاف
طبعا هو يعطيني مصروفي ومن اول اسبوع ينتهي راتبه ويجي ياخذ مني
وهو مصروفي كله على بعضه 500 ريال لي وللاولادي الاربعه
تخيلوا
راتبه فوق الستة الاف ويعطيني بداية كل راتب 500 ريال لي وللعيال وفوق هذا ياخذ منهم
ولما يجي ياخذ مني اقول له وين راتبك يقول لي مالك حق تسأليني عن الراتب
طيب وش هو الزواج بس اكل ونوم وين الشراكه والموده والرحمه
لا وفوق هذا صار له اكثر من اسبوعين ماد البوز ومكشر ويناضرني بنضرات كأني مسويه جريمه
ولما سألته البارح ثار في وجهي انتي مالك دخل تسأليني وانا تعبان
طيب تعبان من ايش مافي انسان مرتاح مثلك
شغله مريح جدا جدا
وانا مااطالبه بمشاوير او اسواق
واذا مره مره تكرم علينا ودانا مطعم مره في الاسبوعين نص ساعه ورجعنا
ولما لمته على عصبيته قال انتي تدري ان علي ديون حق السياره وضايق صدري لاني مااقدر اطلعكم واوديكم للمطعم
طيب هذا مهو شي جديد انت دائما لاتودينا ولاتجيبنا
وكله كوم والمسؤوليه الي قاطها كلها فوق راسي مايدري عن عياله ناموا اكلوا شربوا مايدري عنهم
اربعتهم فوق راسي طيب انا لحالي وش اقدر اسوي
والي قهرني البارح زياده يقول لي انتي دائما كاتمه على انفاسي خليني اتنفس شوي
لاتلصقين فيني
مع اني والله يابنات لما يجي من بره ويشوفني جالسه على الكمبيوتر يعصب ويقول لي تعالي اجلسي معاي وانتي هاملتني
طيب وش الحل مع انسان عنده ازدواج بالشخصيه مثل هذا
وهل انا في تصرفي حاجه غلط
بصراحه ساعات اشك انه له علاقه مع بنت
لان تصرفاته كلها تدل على كذا
ارجوكم يابنات دبروني صحوني كفخوني
بس ماابي اموت قهر وايتم اعيالي :(