مشكلتي غير كل المشاكل ألي قريتوهااا

السلام عليكم ياأخواتي أتمنى من كل قلبي

انكم تردون علي لأني بصراحه في حيره ونكد ما يعلمها

ألا الله تعودنا في هذا القسم نقرا المشاكل الي تتكلم عن

الشغالات أوالزوج او الصديقه المهم الله يفرج كل ذي هم

ماأطول عليكم مشكلتي يااخوتي في ولدي تخيلو وولدي البكر كمان

الي كان ودي يكون عون لي بعد الله في هذه الدنيا يصبح هو سبب

نكدي وعدم رآحتي :( هو ثالث ثنوي ومن يوم هو في المتوسط تخيلو وانا

من مشله لمشكله معاه بتقولون كل العيال كذا انا معاكم انه سن مراهقه وسن صعب

هذا الكلام الي كنت اصبر فيه نفس وأقول بكره يكبر بكره يعقل بس للأ سف من سيء

لأسؤ مشاكل في المدرسه ومع المدرسين ومضاربات مع الصحابه والمصيبه الكبيره

انه انمسك قبل اسبوع ومعاه سيجارة حشيش وأبوه طلعه بكفاله طبعا بعد توسلااااااات ودموع مني ابوه عنده مره وعيال كباااار يعني انا الحرمه الثانيه

وابوه انسان كبير ومريض باالسكر وعنده القلب وكل ما قله انتبه للولد يقلي عساه

في حريقه انا ماني ناقصه بصراحه هو الولد عاصي ابوه ماهو منقص عليه ولا شي

كل ما يطلبه شي يجيبه يقول يمكن هذا يخليه يحس على نفسه وما يحتاج لأصدقاء

السؤ بس ما في فايده وأنا كل ما كلمه ينافخ علي كني شغالته ويجلس ما يكلمني بالأسبوع بتقولولي صلي وأدعيله والله يابنات معليش في ذي الكلمه قديش دعيت وصليت صلاة الليل وأتصدق وكل ماأتصدق على احد اطلب منه يدعيلي ما عندي احد بعد الله اشكيله غيركم هو الكبير في أولادي ولا عندي لا أخوان ولا اعمام ولا أخوال

علشان احد يكلمه منهم حتى اخوانه من ابوه يكرهونا ويتمنون لي والأ ولا دي كل شر

والبركه في امهم وديته عند شيخ يقرا عليه يمكن يكون فيه شي بس قلي مافيه

وحده من صديقاتي قالتلي روحي اكشفي عند حرمه تشوف يمكن مرت ابوه سوتله

شي علشان تتعبك لأن طبينتي اندنوسيه تخيلو :icon33: بس انا خفت من الله وقلت ابصبر

وبا خذ رأيكم وأمآ نه عليكم لا طنشوني لأني مالي أحد بعد الله غيركم والله لو تعرفون

قديش انا متضايقه والله ما يهمني اي يشي في ذي الدنيا غير اني اشوف اولادي

في احسن حال والله صارت عندي حاله نفسيه كل ما يدق التلفون احس انه احد بقلي مصيبه عليه

امآنه عليكم يابنات ما تخلوني وتدعوله ان الله يهديه عاجل غير آجل