مشكلتي فريده من نوعها !

هلا بنات ايش اخباركم..,






.

بليز عطوني نصايح ..

انا على فكره متخرجه من الثانويه ولانقبلت في الكليه والحين جالسه في البيت 3 سنوات طقت كبدي بس وش اسوي
اولا بعطيكم نبذه عن العيله
عيلتنا ماتحب تخرج البنت عشان تاخذ دورات أو تروح بيت صديقاتها الا بالحنه والرنه قبل بأيام
حتى ماأطلع من البيت الا بعد اسبوع احس اني اتأقلمت وخلاص
ياإما ندرس أو دوم بالبيت ..
انا جالسه في البيت واخوي الكبير استغفر الله الى الحين مهو راضي يلقى وضيفه < على فكره السعوديه اكثر دوله منتجه للنفط :04:
المهم ماعلينا .. واهو جالس معي في البيت انا ماحب اسولف معه ولا اهو يعني كلن بحاله
المهم الحين اختي والله ابتلشنا فيها تخيلو تبي تطلع من المدرسه :(
الحين اهي بصف ثاني ثانوي والله امي وابوي تعبو معاها يوميا تقول ابي اطلع من المدرسه بجلس في البيت كنها بــــزره يوميا هالكلام تحن وتحن ...وماتسمح لي أتدخل تقص رقبتي لو تدخلت انا مع اني اختها الكبيره :(
والله كم مره اجلس معها وانصحها اقول لها والله جلسة البيت تجيب الامراض والوساويس والهم وكل انواع النكد
بس ولاكنها تسمع وتقول انتي مالك خص
اقول ياليتني مكانك انا ادرس وانتي تجلسين بالبيت

يعني لو تطلع بيصيرو في البيت 3 اشخاص عاطلين والله حاجه تفشل
تقول امي والله ذكرتوني بللي مضى يوم كنتو صغار كل يوم اجلس الصباح واجهز لكم الفطور وتروحون المدرسه الحين اجلس اشوف 3 عاطلين مايسون شي :(
مع انها تشوفني دايما طفشانه ماعندي شي اسويه دايما فراااغ حتى بعض الاوقات ابكي بدون سبب
وأمي يابعد عمري اتذكر ذيك السنه تعبت معاها طلعتها اسبوع بس بعد هالاسبوع امي أحسها طفشت من جلستها لانها دايما تبي تطلع نقول لها وين نروح ؟
بعدين تدخل اخوي الكبير وقال لاتفشلينا تجلسين بالبيت وبعض النصايح والوجه الاحمر بعدين رجعت للمدرسه والحين رجعت حليمه لعادتها القديمه رجعت للسالفه

أمي طفششششششششت مرررررررره خلاص واحسها هالاسبوع شكلها بتروح المدرسه بتسحب ملفها عشان تفتك من الشر والحنه

واحس الي مايخليها تطلع من المدرسه اخوي ياليته هنا كان وراها نجوم الظهر وأقنعها انها مانطلع
ودي اتصل عليه واقوله يقول لـ أمي ماتطلعها بس اختي لسانها طوييييييييييل وتسوي سالفه كبيره ليش اني تدخلت :(

يعني بذمتكم ذي حاله ؟؟
3 اشخاص جالسين باليت لاشغل ولامشغله
وابوي متقاعد وامي عندها ضغط ماتقدر على الحنه والمشاكل
وش اسوي يابنات والله تعبنا
على فكره انا واختي اهي مايجوز لها طبعي وانا مايجوز لي طبعها يعني مانتطاااابق ابدا دايما هواش
لو بتطلع وش راح يصير !
فكرو :(