السلام عليكم
صبحكم/ مساكم ربي بالخير والرضى والسرور:26:
أنا يا خواتي وحبيبات قلبي صار لي الحين سنة من توظفت،، مكان حلو ومافيه اختلاط والتعامل رائع ورئيسة العمل عادلة وعاقلة الله يديمها وما يغيرها إلا للأفضل..
الحمد لله من اشتغلت وأنا غيابي مو كثير،، اجي بدري واطلع بالضبط وقت الانصراف،، مرات كثيرة اتأخر ساعتين زيادة علشان الشغل ما يتراكم علي اليوم الثاني،، وكل هذا رئيستي شايفته ومقدرته الحمد لله،،
ما اشتكي،، ما اتذمر،، إلا لأحد برا مجال العمل،، تعرفون ممكن ياخذون فكرة اني شكاية وما اتحمل ضغوط العمل<< قد صارت لها:09:
المشكلة هي في زميلات العمل،،
عددنا 6 في المكتب،، وفيه وحدة منهم أعتبرها أختي وأكثر من أختي وهي تنظر لي نفس النظرة،،
والبقية لاحظت عليهم في الفترة الأخيرة (من 3 أو 4 شهور) ان تعاملهم معي فيه جفاف،،
كيف؟؟ أنا اقولكم كيف،،
يعني لو الوحدة مثلاً تورطت في شي ومافيه احد ممكن يحل لها المشكلة غيري،، تجيني كأنها بتسجد لي ويا حبيبتي ويا عمري،،
وإذا قضيت لها شغلتها شكرن ويعطيك العافية ولا عاد اسمع منها كلمة طيبة لين تجيني في مصلحة ثانية،،
الشي اللي ابيكم تعرفونه في شخصيتي إني ما ارد احد وقد ما اقدر اتكلم برحابة صدر وما على لساني غير آمري وسمي وأبشري<<< مو مدح فيني بس الحمد لله لساني كذا
وإذا بغوا يتكلمون في شي يخصهم يستنوني لما اطلع او يتجمعون على مكتب وحده منهم ويعملن نفسهم كأنهم يتكلمون في الشغل وهم يتهامسون بأشياء ثانية،،
ومرات إذا صاروا يمزحون وينكتون مع بعض بصوت عالي وأجي ارمي تعليق، محد يضحك<< يعني انطمي
كل هذا ترا ما ضايقني،، والحمد لله دااايم أحسن الظن،،
لحد ما جا اليوم اللي كانوا فيه ثنتين يتكلمون جنبي في موضوع مالي فيه دخل ولا لي فيه يد ولا عندي له حل ولا ربط،، يعني سمعت ولا ما سمعت ما تفرق معي،،
قمت وبسرعة بروح للمكتبة اللي جنبهم الا هم يتلايطون كأنهم مقروصين،، انا انتبهت انهم سكتوا علشاني مريت لكن ما سمعت وش يقولون(عرفت وش عنوان الموضوع لكن ما سمعت التفاصيل)، وأنا راجعه لمكتبي اعتذرت منهم على المقاطعة، تدرون وش ردوا علي؟؟( أصلن لو ما نبيك تسمعين كان قلنا لك لو سمحتي اطلعي بس حنا خلصنا كلامنا)
سكت وما قلت شي لأنهم قالوها بأسلوب مزح،، وأنا عارفة انهم سكتوا علشان انا مريت،،
المهم شي ثاني اكتشفته وانا افتح سجل توقيع الحضور والانصراف،، لقيتهم موقعين على أوفر تايم وتذكرت يوم مرروا السجل على المكاتب كلها إلا علي، وكنت اسمعهم يتكلمون فيه بين بعض ولا سألت لأني كنت مشغوله شوي ولا ذكروني بهالتوقيع رغم اني كنت مشتغله معهم ومتأخرة معهم والرسول صلى الله عليه وسلم قال(لا يؤمن أحدكم حتى يحب لأخيه ما يحب لنفسه) صحيح كنت مشغولة بس مو الشغل اللي يخليهم يسفهوني مره وحدة ولا حتى يعطوني خبر أو تذكير اني ما وقعت،، المهم وقعت وسكت ولا قلت لهم ليش ما قلتوا لي ولا ليش ما علمتوني،،
تعاملهم معي هذا بديت احس به بعد ما رفعت رئيستي تقييمي إلى الإدارة العليا
وعرفت بعدها بكم يوم اني أعلى وحدة في التقييم <<
قولوا ماشاء الله
وحصل كم مرة احاول اغطي على شغل احد منهم(مو لأنهم غايبين أو عندهم شي يشغلهم) مرات مثلاً تجي وحدة تراجع إدارتنا في شغلة وما تكون شغلتي لكن لأن المسؤولة عنها مطنشة لأي سبب كان أقوم أنا أخدمها (صعبة نخلي الحرمة واقفة وحايرة بينا)
وأتوقع بعدها عرفت الرئيسة وعطتها ملاحظة
(من غير ما يكون لي اي تدخل)
طيب مو ذنبي إذا الرئيسة لاحظت تكاسلك
يعني هل مثلاً تكون غيرة؟؟ حسد؟؟؟
طيب هذا جزاي منكم إني اغطي عليكم ولا أتشكى
اللي حصل بعد كذا
إني غيرت تعاملي معهم
صرت اطنش مثل ما يطنشوني
صرت بس اسلم سلام السنة، وارد بسلام السنة، وإذا احد سأل (كيف أخبارك؟) أرد (الحمد لله)،،
ما عاد صرت اطلب منهم شي، أحاول اخلص اشغالي بنفسي، وإذا رئيستي جت المكتب استقبلها بابتسامة واسلم عليها عادي،، وإذا طلبت مني شي انفذه لها حالاً،، صرت ما آكل معهم واذا قالوا لي تعالي كلي أقول ( شوي وأجي) ما ابي اقول (لا) علشان ما يمسكون علي،،
الحبيبة اللي قلت لكم عنها اعتبرها مثل اختي ارسلت لي مسج على الجوال بعد يومين من تصرفاتي الجديدة، تسأل إذا أنا متضايقة أو تعبانة، رديت عليها أني ما ني متضايقة منها أبد،،
بعد يومين سألتني في الدوام بعد ما كلهم طلعوا ليش انا متغيره وصايرة رسمية، إذا أنتي عتبانة على احد تكلمي وصارحيه، قلت لها أوكي أنا متغيرة صحيح لكن أنتي مالك ذنب وأنا مافي قلبي على احد شي، مجرد إني ترفعت عن أشياء شفتها وتعرضت لها،،
(للعلم هذي الانسانة تعرف مستوى شغلي وإخلاصي ودايم تمدح فيني قدام الناس) طلبت منها أنها توقف مدح قدام الناس أياً كان هؤلاء الناس، سألتني أنتي تشكين أن أحد حاسدك وقاعد يترصد لك،، قلت لها أنا ما أشك أنا متأكدة وشفت الدليل،، سكتت وتغير وجهها،، طمنتها وقلت لها لا يضيق صدرك وأنا ان شاء الله ربي بيعطيني على نيتي،،
رجعت البيت وانا تعبانة وشايلة هممممممممممم ما تتخيلون،، اليوم رئيستي شايفة وعارفة ، أخاف بكره يلعب أحد براسها وتتغير نظرتها،،
صليت بالليل ودعيت دعاء الرسول صلى الله عليه وسلم لما خرج من الطائف،،
اللهم إليك أشكو ضعف قوتي ، وقلة حيلتي ، وهواني على الناس ، يا أرحم الراحمين ، أنت رب المستضعفين ، وأنت ربي ، إلى من تكلني ؟ إلى بعيد يتجهمني ؟ أم إلى عدو ملكته أمري ؟ إن لم يكن بك علي غضب فلا أبالي ، ولكن عافيتك هي أوسع لي ، أعوذ بنور وجهك الذي أشرقت له الظلمات ، وصلح عليه أمر الدنيا والآخرة من أن تنـزل بي غضبك ، أو يحل علي سخطك ، لك العتبى حتى ترضى ، ولا حول ولا قوة إلا بك
تدرون يا بنات إيش اللي صار بعدها بيومين؟؟؟:)
قررت رئيستي تحطني في مكتب لحالي!!!
طبعاً بعد ما عرضت الموضوع على الكل وما احد تطوع ( لأن قلوبهم على بعض الله اكبر) وما وافقت على طول علشان ما تشك ان بيني وبينهم شي:42:
على انه شي بسيط بس ما تتخيلون وقعها في نفسي وش كبرها
ربي لك الحمد،،
بعد يومين ثانية دخلت على رئيستي توقع ورقة
سألتني إذا انا متضايقة من شي أو عندي مشكلة،، وليش أنا على طول سرحانه،، مع اني ما بينت لها لأنا ما تشوفني إلا أنا شاقة الوجه ابتسامة وأسلم عليها كل يوم تقريباً،،
فعرفت ان فيه احد موصل لها،، وعرفت ان الغرض من نقل الخبرية ان رئيستي تواجهني وتحجر لي وأقوم أنا وأخور وأقول لها فلانة قالت فلانه حطت فلانة سوت،،
وبعدين لما تواجههم يتفقون كلهم ويقولون (متى؟؟ وين الدليل؟)
وبعدين اطلع انا ذات النية السيئة وأنا اللي أظن ظن السوء وأبي المشاكل،،
رديت عليها بكل هدوء أبداً ما فيني أي شي يمكن أكون قلقانه بسبب كذا وكذا ( جبت لها موضوع ماله علاقة بالعمل أبداً)
جلست تطمني وتهديني الله يجزاها خير وما شكت بشي ثاني اللهم لك الحمد،،
طيب الحين رئيستي مشت عليها أخاف بكرة ما تمشي عليها،،
تجيني وتقول البنات ملاحظين انك ما تحكي معهم وما تضحكي ووووووووو
كيف ارد عليها ساعتها؟؟؟؟؟؟؟؟؟
وكيف اتعامل معهم؟؟؟ هل استمر في تعاملي هذا؟؟
ولا ارجع مثل أول عادي وطبيعي؟؟
أنا واثقة ان ربي بينصرني ويظهر نواياهم؟؟
لكن شايلة هم أنهم يسوون شي ثاني أو يلفقون لي شي يظهرني أنا الشريرة؟؟؟
ما ابي اتحسب عليهم؟؟ الله يصلحهم ويهديهم، وان نووا لي على شرالله يظهر نواياهم من غير ما يضرهم
تكفون يا بنات أبي مشورتكم
:(:(:(:(:(
دعواتكم لي بالنصر والفرج القريب
So Girly
so girly @so_girly
عضوة فعالة
يلزم عليك تسجيل الدخول أولًا لكتابة تعليق.
اختي
عسى الله يوفقك دووم و ييسر كل امورك
انتي الحين في مجال عمل واقول لك اياها عن تجربه
اريح لك و لقلبك انك تكون علاقتك رسميه في وقت الدوام .. صح احيانا راح تحسين بملل لكن اريح لك والله
جربت الوظيفه كنت علاقتي مع الكل عاااادي مره
صح تعرفت على بنات مثل العسل حبوبات لكن فيه من تمنيت اني اكون رسميه معاهم وما اعطيهم وجه بصراحه !!
انتي لو تسوين الخير ..لا تخافين عند الله ما يضيع
و على فكره
المديره يهمها الشغل وبس ما اظن انها راح تسالك عن علاقتك في باقي الموظفات ...لانكم في مجال عمل ماهو تعارف!!
وسعي صدرك قمر
والحمد لله انها جات على كذااا ... الله لا يبلاك بمثل ما بلاني يوم كنت اشتغل مع مشرفه نذله الله لا يوفقها =سوت للبنات مشاكل وتنقل كلام للاداره = وطلعت كم بنت من الشغل بسببها
هذا غير حركاتها اللي تذل البنات حتى على الراتب اللي يستلمونه .. انتي متصورة الوضع !!
والله كل ما اتذكرها اقول حسبي الله ونعم الوكيل فيها
الحل بيدك .. خلك رسميه مع الكل و ريحي قلبك و اعصابك ..
وبكل صباح وقبل ما تدخلين الدوام قولي اللهم اكفني شرهم بما شئت و كيفما شئت
عسى الله يوفقك دووم و ييسر كل امورك
انتي الحين في مجال عمل واقول لك اياها عن تجربه
اريح لك و لقلبك انك تكون علاقتك رسميه في وقت الدوام .. صح احيانا راح تحسين بملل لكن اريح لك والله
جربت الوظيفه كنت علاقتي مع الكل عاااادي مره
صح تعرفت على بنات مثل العسل حبوبات لكن فيه من تمنيت اني اكون رسميه معاهم وما اعطيهم وجه بصراحه !!
انتي لو تسوين الخير ..لا تخافين عند الله ما يضيع
و على فكره
المديره يهمها الشغل وبس ما اظن انها راح تسالك عن علاقتك في باقي الموظفات ...لانكم في مجال عمل ماهو تعارف!!
وسعي صدرك قمر
والحمد لله انها جات على كذااا ... الله لا يبلاك بمثل ما بلاني يوم كنت اشتغل مع مشرفه نذله الله لا يوفقها =سوت للبنات مشاكل وتنقل كلام للاداره = وطلعت كم بنت من الشغل بسببها
هذا غير حركاتها اللي تذل البنات حتى على الراتب اللي يستلمونه .. انتي متصورة الوضع !!
والله كل ما اتذكرها اقول حسبي الله ونعم الوكيل فيها
الحل بيدك .. خلك رسميه مع الكل و ريحي قلبك و اعصابك ..
وبكل صباح وقبل ما تدخلين الدوام قولي اللهم اكفني شرهم بما شئت و كيفما شئت
so girly
•
لا يمكنك مشاهدة هذا التعليق لانتهاكه شروط الاستخدام.
الله يوفقنا وياك أختي
أنا الحمد لله مرضية ربي ةضميري وهذا اللي مريحني
أنا ما دققت من البداية مثل ما قلت أنا أحسن الظن
لكن سبحان الله ربي اظهر لي نواياهم يوم شفت سجل التوقيع
بعدها حسيت اني اتعرض للإستغلال
يعني تمصلحهم اذا بغوا مني شغله وكذا
أنا لو من البداية رسمية كان مو مشكلة
أول كنت اسولف واضحك وانكت،، والحين انقلبت 180 درجة،، هذا اللي خلاهم ينبشون وراي وييوصلون حكي للرئيسة اني سرحانة وما ارد عليهم أول ما ينادوني وكذا،،،
عموماً بحاول اعودهم على شخصيتي الجديدة،،
ادعي لي بالتوفيق
أنا الحمد لله مرضية ربي ةضميري وهذا اللي مريحني
أنا ما دققت من البداية مثل ما قلت أنا أحسن الظن
لكن سبحان الله ربي اظهر لي نواياهم يوم شفت سجل التوقيع
بعدها حسيت اني اتعرض للإستغلال
يعني تمصلحهم اذا بغوا مني شغله وكذا
أنا لو من البداية رسمية كان مو مشكلة
أول كنت اسولف واضحك وانكت،، والحين انقلبت 180 درجة،، هذا اللي خلاهم ينبشون وراي وييوصلون حكي للرئيسة اني سرحانة وما ارد عليهم أول ما ينادوني وكذا،،،
عموماً بحاول اعودهم على شخصيتي الجديدة،،
ادعي لي بالتوفيق
so girly
•
ماشاء الله عليكي يا اختي وعلى طيبه قلبك ... انت باين عليكي بنت حلال وذوق يا كل الذوق .. انا من رايي تستمري على تصرفك .. سلام لله وكيفكم و خليكي على الرسميه اللي انتي فيها ... وابتسمي لله فالله مو لحاجه تانيه لانه بجد بجد بجد علاقاات العمل بتظل علاقاات عمل وخديها مني ... لا تتضغطي على نفسك .. و مجاملات ماراح تفيدك و راح تتعب نفسيتك ... والله يوفقك ويسعدك ولاتشيلي هم والناس الطيبه ربي بيوفقهم و يسهلهم امورهم .. واحسن لك بعيد عنهم .. بعيد عن الغيبه والكلام الفاضي .. و خلي لسانك دائما وابدا يلهج بذكر الله من استغفار و تسبيح وتهليل .. ربي يوفقك حبيبي و تبشرينا عن قريب بترقيك يا عسل .. :)ماشاء الله عليكي يا اختي وعلى طيبه قلبك ... انت باين عليكي بنت حلال وذوق يا كل الذوق .. انا...
يا حبيبتي معتزة بذاتي
هذا من طيب أصلك وذوقك،،، أحرجتيني
أنا والله ما تحسفت عليهم ولا على صحبتهم، انا متحسفة على نوايااي الطيبة معهم وفي الأخير هذا جزاي
الواحد ما يبي من حسن الخلق إلا الجزاء من الله سبحانه وكف الشر من الناس
بس هذا اللي يقول اعمل خير تلاقي شر
الله يظهر النوايا
الله يسعدك دنيا وآخر أختي :26:
وابشرك ان شاء الله بالترقية
هذا من طيب أصلك وذوقك،،، أحرجتيني
أنا والله ما تحسفت عليهم ولا على صحبتهم، انا متحسفة على نوايااي الطيبة معهم وفي الأخير هذا جزاي
الواحد ما يبي من حسن الخلق إلا الجزاء من الله سبحانه وكف الشر من الناس
بس هذا اللي يقول اعمل خير تلاقي شر
الله يظهر النوايا
الله يسعدك دنيا وآخر أختي :26:
وابشرك ان شاء الله بالترقية
الصفحة الأخيرة
انت باين عليكي بنت حلال وذوق يا كل الذوق ..
انا من رايي تستمري على تصرفك .. سلام لله وكيفكم و خليكي على الرسميه اللي انتي فيها ... وابتسمي لله فالله مو لحاجه تانيه
لانه بجد بجد بجد علاقاات العمل بتظل علاقاات عمل وخديها مني ...
لا تتضغطي على نفسك .. و مجاملات ماراح تفيدك و راح تتعب نفسيتك ...
والله يوفقك ويسعدك ولاتشيلي هم والناس الطيبه ربي بيوفقهم و يسهلهم امورهم ..
واحسن لك بعيد عنهم .. بعيد عن الغيبه والكلام الفاضي .. و خلي لسانك دائما وابدا يلهج بذكر الله من استغفار و تسبيح وتهليل ..
ربي يوفقك حبيبي و تبشرينا عن قريب بترقيك يا عسل .. :)