مشكلتي كبرت معاي أرجوكم أدخلوا وعطوني آرائكم ونصايحكم وراح أدعي لكم من كل قلبي !!!!

صبااااااااح للخير للجميع .....

والله ياأخواتي أنا أعاني من مشكلة وأبغى نصايح من الجميع وآرائكم ... أنا إنسانه أعاني من إما مشكلة الخوف أو الحياء أو الاثنين معاََََ انتم أحكمـــــــــوا !!!

أنا من طلعت على الحياة كانت عندي مربيه لأن الوالده الله يطول بعمرها موظفه وأنا أول طفل لها .... وظلت المربيه معانا لحد ماوصلت لعمر 13 سنه وكانت تسوي كل شي لنا تلبسني تروشني كل شيء كل شيء ولما دخلت المدرسة كنت مع الوالده بنفس مدرستها .. وبصراحه ماأخفيكم كنت إعتمادية جدا عليهم ولما صار عمري 13 سنه خلصت المرحله الابتدائية طبعا كنت جدا متفوقه وانتقلت للمتوسطه (الاعداديه) في الوقت هذا وبالضبط بالاجازه الصيفيه رحلت المربيه من غير عوده :icon33:
ومرضت فتره وصرت ما آكل وحالتي حاله وبعد فتره بديت أتأقلم تدريجيا بس انتكست حالتي مع بداية السنه الدراسية لأني انفصلت عن الوالده بعد بصراحه حالتي كانت جدا صعبه رفضت أدخل للمدرسة وجلست عند بوابتها أصبت برعب من شكل البنات لأن جسمي صغير وكنت نحيفه ومادخلت الا بالقوة من قبل المديرة .. تعرفت على وحده معاي بالصف فصرت اسبوع كامل اوقف عند باب المدرسة لحد ماتجي البنت وأدخل معاها مع ان أخواتي من ابوي في نفس المدرسة ومعاي بنفس السيارة بس ارفض أدخل معاهم !!!
والحاله مستمرة معااي للوقت الحالي يعني كنت في الزواجات ماأدخل للعشاء الا إذا كان أحد بيدور على البوفيه وبيحط لي أكل ويجيب لي اياه وكانت دائما الوالده تسويها لي بس من سنتين حسيت ان وضعي ضايقها فصارت ترفض تقول انتي حطي لك الأكل أو كيفيك عمرك ماتعشيتي .....
حتى الأسواق يابنات كنت مستحيل أحاكي الكاشير أو أحاسبهأختار ملابسي وأنادي الوالده وأعطيها المبلغ وتحاسبه ...بس من فتره صارت ترفض تحاسبه هي وتقول انتي لك لسان حاسبيه أو عمرك مااشتريتي وفعلا اللحين انا واختي اللي اصغر مني نتسوق لوحدنا وأحاسب ....
بس المشكله أني لين اللحين وأنا لما أقابل ناس من فتره ماشفتهم حتى لو كانت الفترة 6شهور أو 5 شهور احس بحياء مو طبيعي وما أدهل معاهم بالجو الا بعد فترة طويلة حتى لو كانوا أقاربي بس من بعيد ....
خطيبي متعرفه عليه بالتليفون وكنت جريئة معاه أضحك وأسولف بس لما تقدم للوالد وطلب يشوفني وجاء هذاك اليوم ماتتخيلون الرعب والرهبة اللي فيني دخلت وانا ارتجف من الخوف لدرجة انه رحمني لما سمع صوتي وأنا خايفة وأشر بعينه لأخوي انه يخليني أطلع وأنا ماكملت دقيقة من دخلت عليه لدرجة ان أهلي كانوا مستغربين اني على طول طلعت من عنده ....
واللحين فاجأني وقال أبغى أهلي يزورونكم ويشوفونك بصراااااحه ماودي وخايفة من الموقف وخايفه من ردة فعلهم وكيف أتصرف معاهم وأخاف ماأعجبهم ويأثرون عليه وأنا بصراااااااااااحه "أحبــــــــــــــــــــــــــــــــــــــــــــــــــــــــــــــــــــــــــــــــــــــــه"
وهو نفس الشيء ....هو بصراحه طرح فكرة زيارة أهله يبغى يعرف رأيي فيه وأنا ماعطيته رد واضح للحين ....خصوصا ان مسألة الزواج مؤجله لمدة سنة ونص الى سنتين .....

وش رايكم بالموضوع وبمشكلتي .... ؟؟!!
وبإيش تنصحوني بسالفه أهله ...؟؟!!
وأرجووووووووووكم إدعوا لنا أن الله يجمع بيني وبينه ويخره لي ويرزقنا بالذريه الصالحه !!!!