نعم يحبون الكلام الحلو اذا جاء من غير زوجاتهم مثل قصة اختنا صاحبة المشكله .. اما اذا جاء الكلام الحلو من زوجته فيعتبره امرا عاديا و واجب عليها ..

اختي صاحبة المشكلة : هل انتم تسكنون في بيت واحد في الغربه ..؟؟ اقصد انتي وزجك واخو زوجك وزوجته ؟؟

يجب على اخو زوجك ان يتدخل لاسكات زوجته عن محادثة زوجك بكلام يسبب لك المشاكل وغير ضروري في الاصل .. واذا اردت زوجة اخو زوجك شيء ضروريا من زوجك عليها ان تكلمك شخصيا او تكلم زوجها حتى ينقل الكلام لزوجك ..

اتمنى منك ان تصبري قليلا ولا تطلبي او تستعجلي العودة لاهلك .. ولكن في المقابل على اهلك ان يعرفوا بالسالفه حتى يكونوا على علم بالموضوع فيما لو حصل مكروه وابدي لهم تضايقك من المشكلة فلربما يقنعوا زوجك بالمعروف واللين - خاصه اذا كان محبوب لديهم ويقدرهم ويقدرونه -

اما طلب العودة لاهلك فلا تفكري فيها اطلاقا ..

ادعي الله ان يفرج همك ويشرح صدرك ويحبب لك زوجك ..

كما اتمنى ان اعرف ماهو لب المشكلة التي طلب منك زوجك الاعتذار لزوجة اخيه ؟؟ ماهي بالتحديد والتفصيل حتى نعرف هل يجب عليك الاعتذار ام لا ؟؟

السلام
بس الله يشهد اني ما اقصر لزوجي بالكلام الحلو ........اقول له او ارسل له بطاقات او احفظ كلام حلو او اقول له
بس انة تعود على الكلام الحلو .....لما يسمع من الناس كلام حلو كانة اول مرة يسمع كلام حلو

ونا عايشة مع زوجي او زوجة اخية في البلد ....موب عايشة معانة

او زوجي الف قصة يبيني اعتذر منها لانة فاكر اني لما اعتذر منها راح اتقرب منها
ونا مابي اعتذر لانها
راح تذلني
ونا مابي اتقرب منها لانها تمدحني اذا انا معاها او لما تكون موب معي تقول للناس عيوبي ......او زوجي يعرف حقيقتها

دحين صار لي اكثر من اسبوعين ونا على هاالحال
كنت البس لة احلى الثياب او دحين مليت لاني لبست ولا ما لبست ما شفت تغير

موعارفة ايش اسوي
كيف اتعامل مع زوجي ..........علما انة قال لي انة ما يحبني بسبب المشكلة

وهو مرض بالفلونزا كنت له الممرضة اجلس من عز نومي اعطية الدواء امنعة من الاشياء الباردة او احرص اجيب لة الاشياء الساخنة ليشربها ............ بس مابين بعينة

او اخ زوجي لايعرف بشئ ..........ومابي يعرف حتى ماتكبر المشكلة


او تسلمون:44:

مشكلتي ليس لها حل!!! <<-------------- ماتلاحظين انك معقدة الامور اكثر من اللازم؟؟

اقتباس:
زوجي الف وبتكر قصة
----------------------------------
8
8
8
فيه جزء غامض في هالمقطع؟؟ كيف يعني ابتكر قصة

هل تقصدين ان السالفة ماحصلت ويريد منك تعتذرين

كذا يعني من الباب للطاقه!!!!

على العموم
شوفي عزيزتي

هونيها تهون

المسألة باذن الله بسيطة

ونصيحتي انك ماتدخلين اهلك في الموضوع

واستري على نفسك وعلى اسرار بيتك

وحافظي على طاعة زوجك

خاصة انك متغربة

يعني هو جنتك ونارك

هو الونيس الوحيد اللي لك

ميخالف

اضغطي على نفسك

وامسكي سماعة التلفون

وقولي لمرت اخو زوجك

اذا انا غلطت عليك في يوم فارجو ان مايجي في خاطرك علي

اذا استفسرت منك ليش سبب هالكلام؟

قولي ابدن بس احيانا الشخص مايلاحظ نفسه

ويمكن تصدر منه زله منا ولامنا ولايكون يقصد فيها شئ

وبهالاسلوب ماراح تكونين اهنتي كرامتك

وفي نفس الوقت بتكسبين زوجك

يعني عصفورين بحجر

والغي الحواجز هذي اللي مسببتها في بيتك واللي مالها داعي ابد

ومشي امورك تمام

والله يوفقك :27:

السلام عليكم ورحمة الله وبركاته ،،،
أختي نور البنفسج المحترمة ،،،
تحياتي واحترامي وتقديري لكي

أنا مشكلتي مع أخت زوجي ، يوم سافر زوجي إستغلت أخته غيابه وقامت تتكلم بكلام بذئ عني وعن أخلاقي وتتهمني بأني أكلم أصدقاء زوجي وأخرج معاهم ، إلى جانب إنها بعد تتكلم عن أهلي وعن أمي بالذات بكلام نهائيا مش كويس ، والمشكلة إنها كانت تتكلم عن أخوها إللي هو زوجي بكلام سيئ بعد .
مشكلة أهل زوجي إن كل واحد في حاله وكلما جيت أشتكي لحد قالوا لي هذي مشكلتكم وانتوا حلوها ، أنا كلمت زوجي أكثر من مرة في الموضوع يوم كان مسافر ووعدني إنه لما يرجع راح يتفاهم معاها .
وأنا أصلا عارفة إنها تود إن زوجي يطلقني ما أعرف ليش كل هالحقد والكره في قلبها ؟
أنا سمعت كلام مب زين عنها من خواتها إللي هم في الأساس عانوا منها ومن تدخلاتها في حياتهم الكثير ، يعني هذا مب شي جديد عليهم .
وكلما حاولوا يواجهونها تنكر واتحطني أنا في موقف حرج ، والمشكلة إنها تتصل في خواتي وتتكلم عني كلام مب زين وإني أنا ما أحب خواتي ودايما أتكلم عنهم بالسوء ، المهم إني أنا كلمت خواتي وشرحت لهم الأمر وقلت لهم بأن أخت زوجي فيها حالة نفسية حتى إنها تبلع مشابك الشعر علشان يودونها المستشفى إلى جانب إنها تزوجت ثلاث مرات وكانت إتسوي بلاوي ( الله يستر علينا وعليها ) والمهم إنها ما تشوف عيوبها بس إتشوف عيوب غيرها
ودايما إتمثل إنها على خلق وإنها إتحب بيت الله وتفتخر بأنها راحت العمرة أكثر من سبع أو ثمان مرات ، بس شو الفايدة وهي دايما تتكلم عن أعراض الناس بصورة سيئة كثير .
أنا سويت إللي علي ورحت بعثت لها مسج في العيد وقلت لها إني مب زعلانة منها وحصل خير ونحن مثل الخوات ، وحتى إني سلمت عليها في العيد وكل حد شافنا وقالوا أكيد هم تصالحوا
لكني تفاجأت في اليوم الثاني إنها حتى ما سلمت علي بعد ما سلمت على الكل ، ففهمت إن الأخت مب ناوية تتصالح معاي ، وقلت في خاطري أنا سويت إللي علي وبريت ذمتي أمام ربي والحمدلله إن نيتي صافية أمام ربي .
أنا أنصحج إنج تتصلين فيها وتتسامحين منها وإذا هي إللي رفضت خلاص إنتي سويتي إللي عليج والمسامح كريم ، وإذا هي تمادت خلاص خليها في حالها ، ومثل ما يقولون الصلح خير وجربي بعد إنج تبعثين لها ورد أو أي هدية صغيرة علشان ترضينها وشوفي النتيجة ، وإذا ما نفعت الهدية خلاص طنشي الموضوع من أساسه واتركيها في حالها وقولي حق زوجك إنك عملتي هذا الشي علشان يعرف إنج طيبة و مافي خاطرج أي شي .
مع تحياتي
دلوعة الإمارات .

تسلموا خواتي
انا باسوي الي اقدر علية والله المعين