مشكلتي ماأعرف أدلّ الطريق!

مرحبا
أنا عندي مشكلة مسببة لي أزمة خصوصاً إني متزوجة وعندي أطفال والحمدلله أنا دائماً متفوقة دراسياً بس ودي أعرف وش سبب مشكلتي وكيف أقدر أحلها,,,

المشكلة إني ماأعرف أدلّ
أنا قبل أتزوج كنت مع أهلي في منطقة قريبة من الرياض شوراعها بسيطة ومرقمة ولافيها حوسة ولاتعقيد
بس متواجدين بشكل مستمر في الرياض للتسوق والزيارة وغيرها بس مع ذلك ماأدل حتى الطريق اللي مشيت فيه 5 سنوات من بيت أهلي للجامعة في وسط الرياض !

مشكلتي ماأعرف الطرق وينهي رايحة وويينهي جاية
متزوجة من 5 سنين وحاولت أتعرف من وين تبدأ هالطرق واستعنت بخرائط و نافقيشن بس ألاحظ كل ماحاولت أركز أنتكس أكثر!

هالموضوع محرجني مع زوجي وأقاربي ومع نفسي! حتى منطقتي اللي ساكنة فيها حالياً على صغرها ماأدل الطريق من بيتنا لبيت أهل زوجي!
وطبعاً هالمشكلة تنطبق عالسوق والمحلات يعني أجي المول أكثر من 50 مرة بس ماأعرف أحفظ أماكن المحلات والبوابات يعني أعرف هالمحل فوق أو تحت وأحوس لين ألقاه بس لو أحد يطلب وصفه ماأعرف

أحد مرت عليها هالمشكلة وقدرت تتغلب عليها؟
أتمنى مساعدتكم واللي تقرا موضوع تدعيلي ربي يفتحها علي والله يجزاكم خير
في انتظاركم..........