الله يفرج همك
إنتم الآن حياتكم بفترة ركود عاطفي
و نفسيتك متأثرة لأنك عاطفية
لذلك لا تزيديها على نفسك و تفكري بطلاق و تسحبي كل الهموم زيادة عليك و تفكرين بوضع أهلك الصعب و و و .....
الآن الحل إنت بادري قد ما تقدري ،. اشبعي عاطفتك منه
عبري عن اشتياقك له ، مو تلومينه و تذكرينه بالتقصير !
و العلاقة مهمة بينكم ،، ممكن سبب بعده عنك هو خوفه من طلبك لها مع وجود الضعف عنده ،، لأن تفكيره عملي (زوجتي تتودد و تقترب = ترغب بالعلاقة ) لذلك يهرب ،،
يبدو شخصيته يحب يهرب من المشاكل ما يواجهها ..
و إنت الآن بلحظة ضعف و تفكرين تهربين بفكرة الطلاق !
ما ينفع الهروب ؛ المشاكل بإذن الله لها حل ، فقط فكري :
كيف أحسّن علاقتنا بالشيء اللي أقدر عليه ؟ و بادري ....
إذا عنده ضعف الحمد لله له علاج ؛ و هو حق لك ، و يشبعك من الحرمان العاطفي نوعا ما خاصة بوضع زوجك ما يبادر بالكلام العاطفي ..
لذلك اللمسات الجسدية تفيد حتى لو احتضان أو طبطبة ، لذلك ممكن يفيدك إنك تدخلي بينكم 'عادة ' للتقارب الجسدي عند اللقاء أو قبل النوم ، مثلًا حضن سريع قبل النوم أو تقبيل ..
حركة خفيفة لثواني معدودة لكن ممكن تضيف لك طاقة ساعات ..
و عدم جلوسه بالبيت صار عادة لذلك الأسهل الآن تطلبي منه تجلسوا مع بعض (جلسة قهوة / جلسة عائلية ) نص ساعة يوميًا ، كحل أفضل من إنك تتضايقي و تطلبيه يجلس بالبيت (طبعًا هو يفهم إنه يجلس وقت طوويل ) فيرفض و تزيد المشكلة بدل ما تنحل أو ع الأقل يخف الوضع و يتحسّن ..
جربي اللي ذكرت لك و ربي يفرجها لك

انتي يبي لك إعادة تأهيل ونفض بقوة من الاعماق وتصحيح مفاهيم وافكار مغلوطه بداخلك
اصحي من الاوهام والخيالات اللي رسمها الاعلام في عقلك عن الحب الحقيقي والزواج
والمشكله انك عشتي سنوات على دكة الاحتياط بإنتظار هالحب المزعوم يمطر عليك ويروي عطشك وما يأستي ولا استوعبتي ولا فهمتي ان اللي تبحثين عنه سراب
ولا حتى فكرتي انك تتقبلين الواقع وتصدقينه بل على العكـس تماماً عايشه في صراع ورفض عنيف له الى ان احبطتي
الزواج مو مثل الافلام بل هو مثل حياة امك وابوك وخالك وزوجته وعمك وزوجته و ... الخ
الزواج والحياة بشكل عام عباره عن مسؤليات وإلتزامات
ان كان فيها حب وهيام في مرحله معينه من اعمارنا لما نكبر يخف هذا الوهج والاندفاع
والشي اللي مو طبيعي انك تبقين طول عمرك متلهفه وعطشانه وواقفه بنفس المكان وبالمقابل زوجك ارتوى وتطور وتقدم للامام
حاولي تتوازنين في مشاعرك وعاطفتك لانها مجرد جزء من الحياة وليست كل الحياة
ابحثي عن مقاطع او حسابات بعض المدربين والاخصائيين اللي يتكلمون عن التعلق والحب وحب الذات ومثل هذي المواضيع اللي تساعدك تطورين من نفسك وتصححين افكارك وتكونين متوازنه من الداخل
وخذيها من اخرها اللي تجعل مصدر راحتها وسعادتها واشباعها شخص راح تبقى طول عمرها ضميانه وجوعانه
وارشح لك دكتور احمد عماره اسمعي مقاطعه باليوتيوب
وكذلك ايمان بنت سعود venusast التيلجرام حقها مليان فوائد كذلك تويتر ابحثي عنها واستفيدي
والدكتوره منيره الحرابي باليوتيوب كذلك عندها مقاطع مفيده
تثقفي وتعلمي وطوري من نفسك وشخصيتك وانفضي افكارك ومعتقداتك القديمه عن العلاقات والحب والزواج
الحياه فيها عشرات ومئات النعم ومصادر للسعاده والاهتمام غير انك تحصرينها في زوج ضعيف لا يملك الضر ولا النفع

منجد الحال من بعضه
لكن صابرين عشان الاطفال .. .
وكلام الاخوات حلو ماقصرو

الله يحنن قلبه عليكي ويسخره لكي ويحببه فيك اكثر واكثر يارب