مشكلتي ماعرف اسولف مع زوجي

عجبني طرحك للموضوع واسم يوزرك جذبني والله يوفقك في زواجك
وحلو منك انك مهتمه في الاشياء اللي يحبها زوجك
لي رجعه لموضوعك الحين النوم بياكلني بالطقاق كتبت الحرفين هاذي 😭😴

عزيزتي

انتي حصرتي نفسك بنفسك !!؟؟

يعني لازم تسولفي عن صديقاتك وجاراتك واهلك ؟؟!!

واهو ايش دخله بهم

وليه اصلاً تقولي له سوالفهم !!!

المفروض كلامك مع زوجك في امور تخصك وتخصه
امور مشتركة بينكم مو بفلانه وعلانه ؟؟
تراه زوجك مو صديقتك
واغلب الرجال يكرهوا هالنوع من السوالف

بالعكس كلميه عن نفسك
كلميه عن احلامك
طموحك
خططك في المستقبل
عن مشاعرك وحبك له

سأليه عن هواياته ايش يحب وايش يكره
تعرفي عليه
وبتصير بينكم سوالف مشتركة
سأليه عن شغله عن طفولته عن حياته عن احلامه وعن طموحه


يعني خلقي لنفسك مع زوجك سوالف تخصكم انتوا
ما تخص اشخاص آخرين

لا تجيبي له لا سيرة لا جارة ولا صديقة ولا اهلك
هذه السوالف خلاص انسيها

اذا تبين زوجك ينجذب لك ويسمع لك غيري افكارك ووسعي نطاق حديثك

كلميه عن معلومة قرأتيها
او سأليه عن رأيه في موضوع

تناقشوا في برنامج شفتيه
في كتاب قرأتيه
عن احداث المجتمع

عن امور عامة وطرحي افكارك ووجهة نظرك ،،
حاولي ان يكون حديثكم ممتع
وفيه فكاهة


بداية الزواج هو بداية خلق الذكريات السعيدة اخلقي لنفسك مع زوجك ذكريات سعيدة باحاديث شيقة
بعيدة عن سوالفك المحدودة

الي اكيد زوجك مو مهتم يسمعها او حتى يعرفها !!

انا نصحتم وانتي حره اختي
عقلك براسك تعرفي خلاصك
موفقة

هههههههه

بس قريت العنوان قلت بس هذي اكيد توها عرووس

حبيبتي اغلبنا مرينا بذا الشيء انا من ناحيتي

اقرأ الأخبار واقول رأيي اجيب معلومه سبق قريتها اشوف ايش هو يهتم فيه اسأله عنه واجيب له سواليف هو يهتم فيها ..

وانتبهي تقولي فلانه سوت وفلانه حطت اخس شيء ذي الأنواع من السواليف ايش دخله بصديقتك بعدين انا لو مكان صديقتك ما راح ارضا انك تجيبي سيرتي قدام زوجك .. احسه عييييب .. حتى لو مدح .. ابدا مش حلوه عشان نفسك كمان

وبتتعلمي يا اختي اهم شيء كلامك وسواليفك ما يكون فيه غيبه لأناس او كذب ..

تكلمي عن ذكريات الطفوله وش الأطعمه الي كنتي تحبينها والله مواضيع وااجد حلوه تقدرين تفتحينها

مثل ماقالت اهات رحله ناقشي ونوعي كلامك
يعني انتي ماترتاحي الا لما تتكلمي عن الشي يلي تحبيه والناس يلي تعرفيها لا قللي جدا من كلامك دا وبعد فتره ماعاد حتحسي نفسك مقيده بالكلام معاه حتتعودي انه تتكلمي معاه سواليف تانيه غير عن الناس بدون ماتحسي بالقيود

اغلبنا لمن كنا بنات مانتعامل الامع حريم وبنات تعاملنا مع اخواننا والاب قليل مافي بيننا سواليف كثيره عشان كده متعودين عالكلام مع الحريم
بس زوجك غير انتبهي في شي ينقال وشي لا

حبيبتنا أهااااااات كلامها درررر خذي بنصيحتها والله يوفقك ويسعدك يارب