مشكلتي .. مالي غيركم بعد الله

السلام عليكم ورحمة الله وبركاته

مدري وش اقول وكيف أبدا ..
انا عمري 17 سنة .. اعاني من وحده قاسيه وفراااغ كبير .. ما اطلع ما اروح ما احد يجي عندنا .. حتى صديقات ماعندي احد قريب كلهم زميلات .. عندي وحده لكن تعرفت على صديقة ثانيه وصارت تتجاهلني .. اذا جيت افتح موضوع معها وابغى اسولف تقول بعدين بعدين وتسوي اي شي عشان ماتجلس معي .. والله اني احيانا ابكي من شدة الفراغ تصدقون اني ما احب العطله والسبب الملل الي اعيشه .. اخواني وخواتي المتزوجين يسافرون اغلب العطله ماشاء الله .. وانا آخر العنقود وابوي وامي كبار بالسن .. امي والله ماتقصر لو اقول لها خلينا نطلع .، بس مسكينه مريضة مرره .. وحتى اذا طلعنا ما ارتاح احس انها طالعه بس عشاني واخاف تتعب زياده .. واصلا اطفش معها .. هي اساسا كبيره وجايبتني على كبر .. يعني تفكيرنا غير وكل شيء غير .. فـليش اطلع واحس اني كلّفت عليها وانا ما استانس اصلا .. ماعندي بنات خالات .. عندي بنت عم لكن فيه شوي مشاكل بين ابوها وابوي ومايرضى ابوي اروح لبيتهم ..

والله مدري وش اسوي محتاجه احد اسولف معه افضفض له ,, محتاجه اغير جو واستانس بس كل شي ضدي .. احس الموضوع مكركب على بعض ماعرفت اعبّر اعذروني