كيلو ورد

كيلو ورد @kylo_ord

عضوة فعالة

مشكلتي ما استوعب الشي الا بعد مرور وقت

الأسرة والمجتمع

السلام عليكم ورحمة الله وبركاته

اخواتي انا عندي مشكله ما ادري هي اجتماعيه والا نفسيه والا وين احط هالمشكله << يا كثر مشاكلك انتي

المهم يا بنات انا مشكلتي اني ما استوعب الشي في لحظته ولا افهم الكلام في ساعتها لازم يبغالي وقت يعني زي ما تقولون البرمجه بطيئه عندي وبعد مشكلتي اني اصدق اي شي يقوله زوجي او اي احد ثاني
هل هذا اللي يسمونه ( غباء ) ؟؟

يعني يروح يسافر مع اصدقائه ويقول لي والله لزم علي صديقي اروح وقال ابدفع كل تكاليفك ويوم جتني سفره ببلاش قلت حرام افرط فيها ... وانا اصدق يا حبنيلي بس الحين بعد تقريبا 4 سنوات اتذكر الموضوع استوعبت انه كان يلعب علي لانه مستحيل احد يدفع تكاليف احد خصوصا اذا كان كحيان مثله ههههههههه

لا وجايب له جوال ثاني يقول كذا اوفر للقاتوره .. واختكم تصدق
وافتحه مره ادور رقم جوال خالتي والقى فيه بلوتوثات حب وغرام وقلوب واسهم ويوم قلت له وش هذا ؟؟ قال هذا واحد زميلي في العمل مرسلها لي يقول عشان اذا بغيت ترسلها لزوجتك ... واختكم تصدق وهي ما عمرها شافت منهم ولا وحده ... الحين بعد هالسنين استوعبت انه اكبر نصااااااب وش اللي زميله يرسل له قلوب عشان زوجته وش ذالجنان اللي انا فيه :09:

ومره لقيت رساله غراميه على جواله ويقول والله ما ادري وش هي ومكتوب فيها اسمه ويقول يعني مافي العالم ( فلان ) الا انا يمكن وحده غلطانه .... واختكم وش حليلها تصدق


ما ادري فيه احد زيي ؟؟

يعني زوجي كانت عليه تصرفات واضحه وانا ما ادري وش الغباء اللي كان فيني وقتها
وما استوعب الوضع اللي انا فيه كان يكذب علي كذب واضح وانا اصدقه يقول لي اشياء سواها ما تخش المخ وانا ما اقدر ارد عليه ساعتها
الحين اذا تذكرتها اقول يا هو انا غبيه !!!!!!! كيف صدقت ذاك الكلام وكيف سمحت له يسوي كذا ويلعب علي

مو بس مع زوجي اول ما تزوجت جيت ازور حمولتي وكانت ام زوجي لسانها سليط وقالت لي كنا بنخطب لفلان وحده مررررره حلوه ما قد شفت زينها بس طلعت مخطوبه قلنا ما يخالف ننزل روسنا وخطبناك
:eek:
انا ذاك الوقت انفصلت اسلاك مخي وابتسمت لها ( اشوى اني ما غطرفت بعد :icon28: )
طبعا اخذ مني الزمن يمكن اسبوع عشان افهم ان الكلمه اللي قالتها قووووويه وما تنقال لعروس ولا غير عروس بعد

يا ناس هذا المرض وش اسمه ؟؟ ( ثواره ) والا ايش ؟؟:42:
73
19K

يلزم عليك تسجيل الدخول أولًا لكتابة تعليق.

تسجيل دخول

ftoooo
ftoooo
الظاهر هذا من صفاء نيتك
ولانك على فطرتك تصدقين الناس وما تظنين الظن الشين
البرنسيسة2
البرنسيسة2
والله من طيبت قلبك
(ام حسن)
(ام حسن)
الله يعطيك علي نيتك ويصلحلك زوجي ويحببه فيك ويبعد بنات الحرااام عنه يااااااااااااارب
*ضحية صمت*
*ضحية صمت*
شكلك تزوجتي صغيرة .. ومجتمعك طيب وبسيط .. بس حلو انك فهمتي وانتبهتي ..

وعلى قولة الشاعر :

من لي بعيش الأغبياء فإنه ......... لاعيش إلا عيش من لم يعلمٍِ ..
الفردوس رجائي
والله انا مثلك بالظبط يعني انتي طيبه وعندك حسن الظن بالناس وهذا احسن لك عشان تعيشين مرتاحه وماتزعلين روحك يعني لو رديتي على ام زوجك مو حلوه وخلك اكبر منهم وكل انسان بياخذ عقابه في النهايه وزوجك لو ماصدقيتيه بيصير مشاكل بينكم ويسافر غصب عنك