مشكلتي متعبتني

???????فيه اختراع اسمه حبوب منع الحمل

???????فيه اختراع اسمه حبوب منع الحمل

اختي لو حسيتي بالنعمه اللي ربي وهبها لك بتحرمي تدعي على عيالك
شوفي اللي حولك اللي ما حملت من عشرين سنه واللي تحمل وتسقط واللي تولد ويجون عيالها معاقين او مرضى وهي تحمد ربي كل ساعه انه رزقها وانها ارحم من اللي ماحست بعاطفة الامومه..
الام من طبعها الرحمه واطفالك مالهم احد يحتاجونه ف صغرهم قد امهم فكيف تقابلين احتياجاتهم وتصرفاتهم الطبيعيه بالاستياء والضرب والصراخ.. لو انتي كل ماطلبتي من زوجك شي او كلمتيه وهو مو رايق صارخ عليك وش بيكون شعورك وقتها؟
مافكرتي في براءة الاطفال اللي تقتلينها بالقسوه والعصبيه؟ مافكرتي انك إذا كبرتي بتضعف قوتك و بتحتاجينهم جنبك زي ما هم محتاجينك الان في ضعفهم.. ربي رزقك بيهم وخلاهم امانه في عنقك مو ملك تتصرفي فيه زي ما ودك.
مافي شي في الدنيا يجي بسهوله وهذي ضريبة الامومه لابد من التعب والمشقه في التربيه والسهر على راحة الاطفال والعطف عليهم وعشان كذا الام فضلت على الام بثلاث درجات في البر ..
ياترى ما تخيلتي وانتي رايقه وتطالعين عيالك ان اللي تسوينه فيهم يتخزن في ذاكرتهم وممكن يشيلون عليك في قلوبهم ويردون لك الصاع صاعين بالعقوق والقسوه في كبرك؟ او يدورون الحنان عند غيرك وتجلسين بحسرتك وتندبين حظك انك حملتي وولدتي وراح تعبك لغيرك؟
طيب مايجزنك الطفل لمن يصحى بردان او جيعان او تعبان ويبكي وانتي تعاقبيه على شي ماله ذنب فيه؟ يا اختي اطفالك بشر وانتي كنتي طفله زيهم تذكري نفسك وشوفي امك كيف كانت تعاملك, إذا كانت تقسى عليك لا تكرري الغلط مع اطفالك , وإذا كانت حنونه عليك عاملي اطفالك نفس المعامله وكوني لهم الام اللي تضحي براحتها عشان اطفالها ..
ممكن تتبعي طرق تساعدك في تنظيم حياتك مع اطفالك .. مثلا خليهم يصحون مع بعض في وقت واحد اكليهم سوى ولبسيهم ونظفيهم وخليهم يلعبون واشغليهم لحد وقت النوم ونوميهم سوى عشان مو كل شويه يصحى واحد ويصحيك..
وخلي زوجك يساعدك بشكل بسيط وقت شغلك او لو كان صاحي وفاضي وانتي بتنامين ممكن يجلس معاهم شوي لين تريحين وبكذا يتجدد نشاطك وترتاح نفسيتك.. واطلعوا واتمشوا وابسطوا العيال عشان يفرغون طاقتهم برا البيت ويرجعون تعبانين ومرتاحين بس يدورون الفراش..وأهم شي الدعاااااااااااااء في كل وقت خصوصا اوقات الاجابه قولي "ربنا هب لنا من ازواجنا وذرياتنا قرة اعين واجعلنا للمتقين إماما" وادعي بصلاح اطفالك وان ربي يعينك على تربيتهم التربيه اللي ترضيه عنك وعنهم ترى الدعاء لهم خير لك ولهم ودعائك عليهم شر لك ولهم وانتي اول من بيقطف الثمره ..
ونصيحه لوجه الله حاولي تمنعي الحمل لحد ما يكبرو عيالك شوي حرام عليك تولدي وانتي ماتبغي تربي.
وأخيرا لا تزعلي مني ممكن كلامي قاسي بس الاطفال احباب الله فيهم البراءه والضعف والعجز وشدة الجاجه للي يطعمهم ويكسيهم ويرعاهم لحد ما يعتمدوا على انفسهم.. وإذا شفتي قدرتك عليهم بحكم انك امهم فتذكري قدرة الله عليك وانه قادر سبحانه يسلط عليك شخص اكبر منك وزنا وسنا ينغص حياتك ولا يحن عليك..
الله يحفظ لك عيالك ويصلحهم يارب

استبدلي الدعاء عليهم بالدعاء لهم وبكذا تربحين ويربحون ..
ونظمي نومهم وقومتهم بتلاقينهم وقت نومك نايمين وتقومون مع بعض ..
وكلي الله لايهينك حبوب منع الحمل مدامك ما تحبين الازعاج مالهم ذنب البزران اذا منت قادره او ما تتحملين الازعاج نظمي الحمل .. اليين تشتاقين لطفل ويدخلون المدرسه احملي ثانيه ..
وزوجك اذا كما تغيرتي بيدور بيت يرتاح فيه اما بالمسيار والا بالعلن

اختي انا نفس وضعك ماتحمل الاطفال وكنت عصبيه عليهم واضربهم ضرب مبرح واذا جاء اخر الليل احزن واحاسب نفسي واحيانا ابكي واابوسهم بفرشهم بس الحمدلله طلبت من زوجي شغاله والحمدلله وفرها لي وبديت اعود نفسي شوي شوي اني اتمالك نفسي اذا عصبت عليهم صحيح لسى احيانا اعصب بس فرق عن اول يعني باختصار لازم تدربين نفسك انك تتمالكين اعصابك وشتتي افكارك عنهم ولاتركزين عليهم وتذكري اي موقف اضحك منهم قبل لاتعصبين ارحمي ضعفهم ولاتستعبدينهم لان لاحول ولاقوه لهم مايقدرون يدافعون عن انفسهم وترى الله يحاسبنا تجاه اطفالنا واتبعي اي نظام سلوكي يساعدك على كذا والله يصلحك ويهديك انتي وعائلتك للسلام والسعاده والصلاح