مشكلتي مشكلة

السلام عليكم أخواتي

بدش على موضوعي وشورو علي

انا سالفتي طويله وبحاول اختصر فيها

من بعد سنين من الحن والزن على زوجي انه يطلعني ببيت مستقل ( وافق )

انا ساكنه مع اهل زوجي من سنين وحده البيت كبير وفيه اربع عوائل وانواع الازعاج لانه ماشاء الله البيت كله اطفال

المهم ام زوجي كانت تقول لنا من زمان لوتبون تطلعون الله وياكم ويوم زوجي وافق وخلاص عزمنا

قالت لاطلعتم ترا مالكم نصيب في اي شي تقصد نصيب زوجي عقب عين ابوه الله يطول بعمره

ولا انا ولا ابوك بنطب بيتكم ولاتعرفوني ولا اعرفكم فهمتها ليش واشلون وهي من حقي وشرحت لها الاسباب تقول لا وترا عيالج لاكبروا بيسوون فيج جذيه زين انا شنو سويت هذا جزاتي عقب ماخدمتهم هي وعمي وبنتها المريضه تقول جذيه زين اقترحنا اقتراح نقسم البيت كل واحد ياخذ طابق لانه البيت بيتين داشين في بعض مارضوا قالوا لا تحلمون ومايصير

زين انا تعبت وابي ارتاح وهم مايبونا نطلع ويقولون ادورون الايجار وعندكم بيت ببلاش زين حنا نشتري راحتنا لان البيت على كبره بس لا القلوب اللي فيه متحابه ولا احد يطييق الثاني وكله مشاكل ومافي عدل اعتقد انتم تعرفون المشاكل اللي تصير بين الاخوان لاكانوا ببيت واحد


شوروا علي اخطي هالخطوه واتوكل على الله ..؟