حبيبتي يمكن انتِ ماتقصرين معه...

بس غيري شوي في قعدتكم...في سوالفكم...في جوكم...

الجلسه مهما كانت حلوه..التغيير فيها احلى...

سولفي معه في اللي يحبه...حتى لو كان عمله..دربي هالراس وهزيه كنك تفهمين..

ترى يستمخوووون ويستاااانسون بالمره من هالسوالف..

وبرضوا خلي جوكم خيالي كله دلع وغنج وفله ووناسه...هذا اللي اقدر اقوله..

ولا تكشرين وتسألين عن اهاه..وين رحت..وش جبت...وش سويت...

تبسمي في وحهه وهلي واضحكي وانهبلي...واذا مالقى ملامة وعتب وزعل...

وش يبي ينحاش؟؟؟؟

بس اهم شي دعوتك لاتسينها>>>داخله مصلحه :p

الى الاخت العامره الله يعمر لك بيتك بالحياه وبالجنه قولي امين ردك مره يجنن ويووسع صدري
والى خت بغداد في قلوبنا اقولك والله حاولت ودعواتكم والله يغير من حال الى حال احسن ان شاء
والاخت بنانا يختي مشكلتي مهيب في السعاتين وبس في نواحي عديده ولاتنسين لو اقدر اجيب سواق جبت وافتكيييييييييييييييييت وانا توي تراي متزوجه ابي هو يحسسني بكياني يمكن اذا كبرنا شوي جبت سواق بس اقصد اياامي الاولى ابيه هو يوديني والمشكله مو في كذا وبس نواحي عديده وانا ماحصرت مشكلتي بذا الشئ والحمد لله على كل حال
الحمد لله
والاخت ونه خفوق الله لايحرمك من ابو عيالك والله يجعله مايقدر يستغني عنك يصير كنه مهبوووووووووووول لو استغنى عنك الله يجعله لك وبس ولكل الاخوات ولي ياااااااااااااااااااااااااااااارببببببببببببببببببببببببببببببببببببببببببببببببب

هلا بدر الجوري ...

وووالله ماعندك الا الدعاااااء ادعي له من كل قلبك ..

ادعي في الثلث الاخير من الليل صلي ونااااامي ...

حاولى تجذبي زوجك للبيت ...

اكيد بحركات الانثى اكيد تعرفيهاااا ...

الله يعين محد مرتاح ووووووسعي صدرك يا الغاليه ..

بنت الغامدي:26:

حبيبتي الله يعينك
ولا للياس انا اعرف حرمه كان زوجها موريها الويل والحين سبحان الله خاتم في اصبعها
انتي لسه متزوجه والرجال مو متعود على المسؤليه شوي شوي ومع العيال راح يتعود
وبصرحه هذي طباع اكثر رجالنا عدم المسؤليه واهم شي الدعاااااااااااااااااااااااااااااااااااااااااااء ثم الدعاااااء
والله يوفقك:27:

سمعي عزيزتي تراك كسرتي خاطري ..يعني شكلك حليوه وطيوبه وتطاوعينه واجد.......
ترى الرجال ساعات ما يجي الا بالعين الحمرا يعني خلك قويه ....
بما انك جربتي الطرق الرومانسيه وما نفعت استخدمي طرق ثانيه :
اول شي طبعا الحين بدأت تعرفين طبائعه وشنو يأثر فيه اكثر ولازم تتعلمين من اين تؤكل الكتف...
جربي ما يناسبك من هالطرق واذا ما نفعت جربيهم كلهم..ولا تيأسيين بسرعه وتغيريين الاسلوب ليما تتأكدين ان مافي فائده.
1-استخدمي اسلوب التحايل وكل العقل يعني انا اخاف اجلس في البيت لوحدي واسمع قصص واجد تخوف (وقصي له من اللي تسمعين) او اتصلي عليه (انا خايفه تعال ابيك)


2-طنشي وانشغلي بربعك وعزومات وخلي اهلك يجون عندك اذا مارضا لك تروحين عندهم ولاتعطينه وجه في شي ترى الرجال اكثر مايغثه انشغال مرته عنه واذا اشتكى تعرفين وش تردين عليه....(اذا قعدت في البيت فانا تحت امرك ومن يدك ذي ليدك ذي لكن دامك مشغول بدور شي يشغلني)


3- الاوامر المباشره: ترى الكثير من النساء مايعرفون هالطريقه ومايستخدمونها بحكم لطفهم وحنيتهم, بس تراها تنفع مع بعض الرجال ..لا والغريبه ان بعض الرجال يفضلونها(لاحظي بعض)ما ادري اذا زوجك منهم.....يعني قولي له بشكل مباشر:ماهنا طلعه اليوم... بتقعد في البيت واذا ماقعدت ياويلك لاتكلمني....واذا طلع ورجع فأنتي زعلانه قبله.
واستخدمي اسلوب المشي على الحبلين يعني اسلوب الشده واذ حسيتيه غضب وكشر عن انيابه اقلبيها فجأه وصري منكسرهوطيوبه وانا امل بدونك وما اقدر استغني...............الخ


4-في اسلوب غير يعني اذا ماتبين خناقه لاتتخانقين ولاتزعلين منه وماتكلمينه لكن طنقري(ما ادري اذا فهمتيها)يعني كلميه في الاشياء المهمه والضروريه فقط وبالمختصر يوم يومين لين يحس ان الجو صار خنقه بعدين بتشوفينه بجي يراضيك....اذا ما فاد من اول مره عيديها كل مره يطلع بس لاتطولينها, لين يعرف ان الدنيا مب على هواه حتى اذا زعل لاتعطينه وجه.....لكن حاذري اذا حسيتي ان السالفه بدت تكبر وتصير زعله صج تراجعي يعني خلي بينكم شعره معاويه.



انشاء الله تستفيدين من هالاساليب بس لاتنسين تدخلين الحركات الرومانسيه في الايام الرايقه, يعني مهما زعلتي ذكريه انك لازلتي على العهد....ولاتصيرين شينه وتسوين لك مشاكل وتقولين ام علي قالت,, تراك انت اعرف بطابع زوجك واللي يناسبه....


ولي عليك ان اذا استفدت من احد هالطرق انك تخبريني حتى لو بعد فتره ...ها مب تنسين