مشكلتي مشكله مع ختان ولدي؟؟؟الحقوني ياعضوات ودكتورات؟؟

اولا .. السلام عليكم ..

حبيباتي سالفتي هي ...
في شهر مايو الماضي انجبت طفلي الاول فهوووووودي قرة عيني...واتفقت مع ابوه انه يتختن على طول وجاء اليوم المووووعود واخذ فهودتي لغرفه العمليات وشوي الا الدكتور يطلب ابوووه وعلى طول راح لم الدكتور وبعدها الا فهد وابو فهد عندي بالغرفه وش السالفه قالي ان الدكتور رفض يختنه الا بعد شهر قلنا خير ولو انه ضاق صدري عليه بس قلت خيره ...وبعد شهر شلت ولدي وطرت على المستشفى وعينكم ماتشوف الا دمووووعي راحمه ولدي وخاااايفه وادخل معه على الدكتور ويهديني اول ثم كشف على الولد ثم قالي لسى مو الحين بعد شهرين كمااان بصرااااحه استغربت قلته ليش ولو سمحت اشرحلي وش سالفة ولدي قالي ان الجزء الي بيقطعه حجمه مايسمح بإتمام الختان وألا بيأثر لما يكبر ويصير رجال يريد ان يمارس العلاقه الزوجيه قلت اوكي اذا السالفه كذا عنه ماتختن الا وعمره سبعين بس ما يدعي علي ولدي اذا كبر المهم شلت ولدي ورجعت للبيت وتميت اربعيني ورجعت لبيتي في جده وبعد مرور شهرين شلت ولدي وطرت فيه على الريااااض وكشف عليه الدكتور ورفض مرررررررررررره ثالثه وقالي لما يكمل سته شهور وقتها لازم يتخدر تخدير كامل لانه يحس وماراح تمحي من باله قلت خيره وارجع انا وولدي لجده
والحين ولدي عمره ثمانيه شهور ونص وقررت هالمره اني اسويها بجده بعيد عن امي الي كنت ابي اسويها بالرياض عندها لاني خوافه وكل مارحت للرياض اخرتها
بس المشكله اني ما اعرف دكتور كويس بها الشغلات هنا يعني مجرب وابي مستشفى كويس بالتخدير لان صاحبت اختي ولدها نفس حكاية ولدي ودخل بغيبوبه ليومكم له شهر من جرعة التخدير الزايده في مستشفى المملكه بالرياض...
فبلييييييييز ساعدوني الله يخليلكم اولادكم ويحفظهم لكم ...


ام فهوووووووودي