مشكلتي مشكله وابي لها حل ادخلوا

السلام عليكم
عندي مشكله وابي لها حل وابي الحل اللي ينهي المشكله على خير وابي اعرف هل انا على حق او لا وراح اتقبل رايكم بصدر رحب من دون زعل واوعدكم اني احاول اسويه عاد اذا ماكان يضغط على اعصابي ياالله يا اصحاب التجارب والخبره والحكمه طولتها معليش من الحره اللي بقلبي

السالفه وما فيها اني متزوجه من 9سنوات والمشكله في اخت زوجي منغصه حياتي بشكل ماتتصورونه والله وربي بيحاسبني اني ماابالغ غيور لابعد حد ويبان احيانا بعينها صرت اعرفها تغارمني بكل شي بلبسي وعلاقتي بزوجي لو يحصل لها استغفر الله مايحترمني ولايقدرني وتحب احس احيانا تسوي مشكله وعليها جحاده مب طبيعيه ولو تقولين لها شربتي ماء قدامي قالت لا تبي تعرف كل شي وانا ولا شي حتى احيانا تجيب طاري بنات عند زوجي وتذكر محاسنهن بس ولله الحمد والله يتمم واثقه من نفسي اني ماليه عينه بس ماله داعي الحركات النذله هذي وتنقهر ماتشوف اخوها يهتم ولاتبيني احسن منها في شي ولاتبيني اكون علاقات من محيط اهل زوجي وقد تكلمت عني بشي مب زين من وراي بس ماتدري اني داريه الى الان ومن تربيتي ما قلت شي وقلت الله يجزاها خيرولو غيري شرشحتها خاصه ان الكلام عند خالاته بس ولله الحمد الطيب يبان عليه والمتربي وكل حمولتي يحبوني والله مابالغ اشوف نظراتهم لي خالتي وبناته احس ماتبي احد يطيربي كذا والله غريبه ماتبين مرت ولدك تحترم وتحب !وقد قالت انا اغار مع انها ما شاء الله حالها ممتاز جدا مو ناقصها شي وزوجها خاتم باصبعها ولا عندها ابو زوج او ام حتى اخوان زوجها من ابو مافيه ارتباط قوي وبس اخت ومعطيتها اشكل مسكينه ولها تقدرها ولا توصلها الا بين وين وين شهور (ماتشوف نفسه)يعني متفضيه لي وصار موقف يدلكم على هالشي مره كانت جايه معنا بنوديها لبيتها وكنت حامل وفي آخره ومره تعبانه وقال زوجي بوديك المستوصف وهو على طريقنا مافيه مجال انتظروبالليل يعني ماراح اتاخر قالت لا ودوني لبيتي وروحوا زوجي طنشها قال هاذا المستوصف ليش نبعد وخاصه ان بيتها قريب لبيتي مره رحت ودخلت على الدكتوره كل المساله ماخذت نص ساعه وقلنا انزلي اذاتحبين قالت لابنتظر مادرينا الا هي نازله واناجايه اركب فتح لي زوجي الباب طارت عيونها وقالت بكل بجاحه وتفتح لها الباب تخيلوا مافيه رحمه اتالم وتقول كذا برايها نقصت من رجولتك!بدل ماتعضد لي

والله اني اعاملها بكل احترام وتقدير هذا حقهم علي بس هي تعاملني بمزاجها احيانا زينه واحيانا كلام جارح وتجيبه بطريقة مزح وهي معروفه بصراحتها القويه مافيه مجاملات ابد ابدا وان كنت اشوفها مع ناس معينيين مثل صديقاتها ومرت اخوها يووووه شي الله يسخرها لي والله ماقصرت بالكلام الحلو والمجاملات على حساب نفسي وبيتي وزوجي احيانا اقول لزوجي سو كذا عشان اهلك ابي نتقرب لعل وعسى نحصل اهتمام زي غيرنا ومايبي وكنهم كفوا عاد والهدايا لما اسافر وغيرها ومن احسنها تعودت احب اقدم شي زيين مثل مااناحب يجييني زين وهي بالعكس ماتعطيني شي زين ولا اقدر البسه لاو من كذا سنه وخير شر مانشوف شي منها وغيري يجيهم حقران الله يكفينا شره المشكله تشوف ولله الحمد نعرف الزين حتى امي دائما هداياها ولماتزوجت اخته اهدتها امي طقم ذهب ماتوقعوا كذا روووعه ومرت ولدهم نفس الشي تبي يابعد عمري يهتمون بي مو محتاجه ولله الحمد بس تقدرني زي مااقدرهاعندي كل شي وهذا قاهرها دائما لبسي جديد انا وعيالي وكل المناسبات مابالغ اطلع روعه من شعري لرجولي ويالله انواع النفس الخايسه في المناسبه والتطنيش حتى قليل تكلمني بس تسال من وين وبكم والعيون علي الله يكفيني شرها وتقول خالتي وفروا طيب قولي الكلام لبناتك غريبه اعرف ان الخالات يبون حريم عيالهم كشخه وماعليناقصور ولله الحمد وهذا حقي وزوجي يبني كذا انا وعيالي وين احنا في اي زمن كل الناس كذا ولا اشوف مقصرين على انفسهم يضربون بالمليان !

والا عندكم عيالها تمادوا على عيالي وحتى على شنطتي ولا يتجراون على شنطتها وتضايقت مره واقول ياحبيبي عيب ولاحياة لمن تنادي واقول لها شوفي ولدك وانواع التطنيش ماتنهاهم بالعكس مبسوطه وقلت خلاص لازم زوجي يتدخل لانه فيه امور كثيره تصير وقامت القيامه وقالوا انا ابي افرقهم واخلي زوجي يشيل بقلبه عليهم!والله بالبدايه مايدري عن شي بس تازمت الامور ليه اتحمل وهي تستانس بالتنكيد علي والله اثر علي بشكل فضيع وعلى بيتي وزوجي صرت انكتم وجاني قولون عصبي تخيلوا باخر حملي صرت اخذ ابر مهدئه وابكي وعلى طول اعصب وانا اللي كنت يقال عني بارده الاعصاب والمرحه والله يضيق صدري لما اعصب على عيالي ما فيني صبر والاعظم تزوج اخوه اللي ذكرتها انها تحترمها مزلبتهم انواع التزليب ولا مع ام زوجي بالبيت انا مستقله وهذا قاهرهم رغبتي انا وزوجي من الخطوبه ما كانها عندهم قليل جدا يشوفونها يضربون لها الف حساب لها سنتين ولا مره شفتهم يسوون لها شي مب حسد لاو الله الله يتمم عليها وهي حبيبه معي ومحترمه وانا اعاملها بكل تقدير واحترام

واللي مضايقني اكثر له اخت كانت علاقتي مره كويسه معها وتغيرت 180درجه وصارت احسها مثل اختها تتكلم انا عمه ولي احترامي وطلع لسانها وهي المعروفه بالهدوء والرزانه وسوي كذا ولاتسوين وهي اصغر مني ب3سنوات وانا وين حقي منك من الاحترام وش جاك مني عشان تقولين كذا وتغيرها حصل بعد زواجها من سنه وانا اللي ماقصرت معها في تجهيزها من الالف الى الياء ولايعرفون شي علمتهم اللبس والشياكه والمحلات ولا يذكروني بشي عند احد هم اللي يعرفون كل شي وانا ولله الحمد طيبه بشهادة الناس وحتى اهلياتهم يبون خواتي من التربيه الزينه وانسى اللي يصير بعد فتره بس فيه مواقف كثيره وقويه ماثره فيني وماقدرت انساها وللمعلوميه خالتي طيبه وان كانت تغيرت كثير من كم سنه طبعا غسلت بنته مخها ولا تشوف ولاتسمع ببناتها هم دائما على حق وترى ان ما احد يخاف عليها ويحبها قدهم وانا والله احبها كثير وبصراحه تغيرت مشاعري تجاهها ما كرهتها لا والله الله لايجيبب هذا اليوم بس يحز بخاطري انه مايبان بعيونهم ما قصرت معهم في كل المناسبات ما اقولها منه لا بالعكس ابي الاجر وابي التقدير والاحترام ويبان بعيونهم اللي اسويه وابي بعدين مرت ولدي تسوي بي كذا تخيلوا بين فتره وفتره اخذ لهم قهوتي والشاهي وانواع الحلويات والمعجنات واحيانا لوصنف للعشاء والاكل اللي يحبونه ما ارحم نفسي ولا ولدت اخته نعشيها واقهويها عاده عندنا ولا تستاهل كلمة كثر خيرك ما اسمعها ومرت اخوها لاسوت شي بسيط طاروا فيه وصار سالفتنا انا اعرف تاخرت ومانتبهت لنفسي الابعد فوات الاوان عرفت انهم مايصلح اعاملهم كذا يصلح اسوي زي مرت ولدهم اطنش وارد عليهم ولا اجامل ولا اهتم مره فيهم عشان يحسبون لي حساب بس انا اسوي اللي اهلي كلهم يسووونه ولله الحمد وامي معهم ولا اقدر اقول لامي كل شي مره تنغث معي بس يبان علي والكل لاحظ عصبيتي وصرت جديه مره عكس اول اخذ الامور ببساطه ووسعت صدر واللحين مااضيقه اللحين هم متغيرين علي مرررره واخر جلسه كنت عندهم ولي فتر ه طويله ماشفتهم لاني مسافره ماكلمتني هي الا كلمه وحده تخيلوا وسلامها بارد كانها شايفتني امس والثانيه شوي كلمتني كانها مغصوبه ومجرده من الابتسامه حتى خالتي مب هذا اسلوبها وكانها مغصوبه وشفت الوضع كذا ما طولت طلعت اديت الواجب مب مغصوبه اجلس حتى عيالي مالهم نصيب من الحب ويقولون العكس طبعاعند زوجي انواع الحركات يبون يثبتون العكس وهو طيييييب معهم محترم ولايقصر بخدمتهم ومسالم لابعد حد وبعد مابان بعيونهم مسكين صاير على الطرف الحب لاخوانه ولايحس بكذا ولاابي انبهه مهما كان هذولا اهله وفيه مواقف كثيره جدا جدا ادري طولت بس ابي اوصل لكم حالنا واحكموا والله انتظر ردكم بفارغ الصبر ولا تتركوني ولو بدعاء ان الله يسخرهم لي ويعمي عيونها عني والله يشغله بشي غيري عمري ما فكرت اني اكتب مشكلتي بس خلاص ماعاد بي صبر خاصه ان الامور مررررره متازمه والمشكله انهم مب اي احد اقول اقطع بهم وارتاح هذولا اهل زوجي وعيالي وبالعكس الحمدلله انا اجتماعيه واحب اوصل بالناس ومالي غيركم بعد الله وفيه امور طبقتها ماابالغ في التقديرولااروح زي اول مره اومرتين في الاسبوع اخليها كل اسبوعين اوثلاثه الاتصال نادر ولللاهميه والهدايا للمناسبات وارد عليهم اذا لزم الامر بادب وايدني زوجي يقول احسن بينكم ولاادخل بالموضوع