zOOna :

أولا مثل ما قالوا البنات حمدي ربك انه ما يبي يتكلم عن الناس... ومفروض انتي بعد تتجنبين الكلام عن الناس سواء معاه أو مع غيره (أنا أدري انتي لما قلتي الكلام عن الناس مو قصدك غيبه ونميمه.. قصدك تسولفين عن أخبارهم وسوالفهم... بس واضح ان زوجك شخصيته أعمق من جذي) ثانيا ومثل ما قالوا البنات ان المواضيع تكون على حسب شخصية زوجك وميوله ثالثا،، عندك وايد أمور تقدرين تسولفين معاه فيها،، لكن خلّي كل موضوع ينفتح بروحه.. يعني ما يصير تقولين اليوم لما يرجع من الدوام بتكلم معاه عن السياسه،، وبعدين لما يقوم من النوم المغرب بنتكلم عن مستقبل أولادنا!! اللهم الا اذا مثلا قريتي موضوع غريب على الانترنت أو في الجريده، أو سمعتي عن شي جديد مثلا قانون جديد أو فتوى جديده... في هالحاله ممكن انك تخططين عن شنو بتتكلمين معاه.. يعني عندك موضوع معين في بالك في نفس الاثناء أنتي ثقفي نفسك بقراءة الكتب المختلفه وحطي ألف خط تحت كلمة المختلفه عشان تنوعين من ثقافتك وما تحصرينها في مجال واحد داومي على الكتب والبرامج الثقافيه الخفيفه والانترنت والجرائد... وصدقيني بيصير عندك ألف موضوع تتكلمين فيه ومثل ما قالت الطيبه أم الخمائل،، عندك عالم حواء فيه ملايين المواضيع اللي تقدرين تسولفين له عنها بدون ما تذكرين البنات وبدون ما تكشفين أوراق البنات وأسرارهم (أقصد بالأسرار الليالي الرومانسيه وطرق معاملة الزوج) وأخيرا،، سمعي لزوجك وركزي على كلامه.. أي موضوع يفتحه،، حاولي تعلقين عليه وتبدين رأيك فيه.. أو انتي سأليه أسئله وناقشيه في مواضيع مختلفه الله يوفقك ان شاءالله واسفه على الاطاله

أولا مثل ما قالوا البنات حمدي ربك انه ما يبي يتكلم عن الناس... ومفروض انتي بعد تتجنبين الكلام عن...