مشكلتي معا والدتي الحبيبه

السلام عليكم ورحمة الله وبركاته .

انا راح اقول لك مشكلتي وهي مو من اليوم لا هي من ايام المراهقه .
انا اكبر اخواني .
والظاهر امي تجرب فيني وبعد ذلك تتلاشى هالشي في التعامل معا خواتي الباقيات .
في طفولتي كنت دلوعة امي وابووي ... بعد ماكبرت اشوي ، يمكن تحول الدلال الا خوووف زااايد بس شلون . بشك بعصبيه . والله حتى اني صرت اكره اني اقول لها اي شي يصير لي بس عشان اتىشى الكلام . والمشكله اني مثل ماذكرت انا اكبر اخواني يعني ماعندي احد قريب مني اشكيله والله اني كنت ضايعه .. امي الله يهداها ازرعت فيني عدم الثقه في اي مخلقوووق .
تصدقون اني الحين كبرت وتزوجت وعندي طفلين ولله الحمد الله عوضني خير ورزقفني بالزوج الصالح الطيب المتفهم . لكن والله ماعندي صديقه وحده .
و ايام ماكنت في المراهقه كانت دوم تفتش شنطي و ملابسي ماتخليني اطلع حتى حق قريباتي واذا رحت بتقعد على راسي وبتصرفها حتى ربعي ماصارو يحبون يقعدون معاي.
والحين بعد ماتزوجت . في بداية زواجي وين رايحه ومعا من وشعندكم ..... لي ماقلت لها بطريق غير مباشر خلاص عاد انا صرت على ذمة ريال مسؤل عني .. زعلت ماصارت تسال لكن هي فتره وعادت لما هي عليه .
انا الحين الحمد الله مستقره في بيتي ومعا عيالي ولما يسافر زوجي تلزم اجي عندهم ..
لكن هالمره رفضت . وكان عشان مالعب في ذيلي طرشت لي اخوي ينام عندي .
واخر موقف الي خلاص والله كرهت الروحه لبيت هلي او اني اقول لهم اي شي .
هو اني اخذت موعد بالمستشفى وقلت راح اخلي اعيالي عندها واروح معا الشغاله .
ماوصلت انزل الصغال الا هي الي بعباتي وجايه معاي . عند الدكتور . كاني طفل ام سنتين ماتخليني حتى اقول كلمه وهو يفحصني هي فوق راسه ..
انا خلاص تعبت من تصرفاتها معاي ومو عارفه كيف اتصرف .
والمشكله خواتي الصغار عادي يطلعون معا الخدامه توديهم وتجيبهم معا انهم في حاجه لها اكثر .