مشكلتي مع أبو زوجي

مرحبا بنات - - - - دائماً الزوجة تشتكي من أم الزوج هذا الشىء اللي تعودنا نسمعه لكن زوجة تشتكي من أبوه هذي جديدة
المهم ما طول عليكم مشكلتي إن ابو زوجي يكرهني ويدور على الشيء اللي يضايقني
مثلاً مانع حريمه الثنتين وبناته من زيارتي وأنا الأن لي ثلاث سنوات متزوجة وساكنة عندهم
ويوم ولدت وجبت بنت واتفقنا أنا وزوجي على اسمها حلف يمين غير نغيره ونسميها زي مايبغى والاسم اللي اختارة ونشره بين الناس ان اسمها كذا غصب وعناد فيني جدا سىء
حاول زوجي يغير كلامه مارضي لإنه يكره ولده مرة وعلشان يضغط عليه أكثر يوم رجعت من السفر لإني كنت والدة عند أهلي حلف على زوجته اللي تصير عمتي بالطلاق لو شافت البنت
وهي بهذا الإسم هي او اي أحد من بناتها وبالصدفة وانا طالعة شافوها اخواته وصل الخبر لعمي وطلب منه إما أن يغير الأسم أو تطلع بره البيت إنت وأمك
وغير كذا دائما ينقدني عند الناس حتى الأغراب ويحاول يسبني اويحقرني
ومة من المرات كنت نايمة في الصبا ح ومارحت المدرسة تخيلوا ايش سوا دخل البيت طبعا مايدري إني موجوده ومعاه صاحب زوجي وأخذ يفرجوا على البيت غرفة غرفة حتى غرفة نومي وانا نايمه فيها طبعا كنت متغطيه وشكله مانتبه لي
ومرة وأنا حامل وتعبانة وتوي عروس واتوحم طلب من زوجي إني أنظف له بيت الشعر
مع إنه بناته ماشاء الله 8 وعند زوجته الثانيه شغالة
كل هذا وأكثر وأنا كافيه خيري شري واستحي وخجولة لو أحد يكلمني ماطالع فيه من كثر خجلي وما أمدح نفسي بس كل شيْ حلو فيني إيش المشكلة مادري بس اللي متأكدة منه إنه
يكره زوجي كثيرا ويدور على اللي ينكد عليناوالمشكلة زوجي ماوده يبعد عن أهله علشان أمه وأخواتهمع إنه مقتنع بالبعد لكن يخاف من إنتقادات أبوه اللي دائما يطعن في رجولته ويصغره أمام أولاد عمه وخواله وأصحابه حتى أمام أبوي وأخواني