حبيبتي ما عليك منها هذة شكلها تغيرمنك اتركيها
انتبهي لزوجك وبيبتك ولا تكدرين خاطرك الدنيا ما تسوى وهي مصيرها يوم من الايام تعرف قدرك
وترجع صداقتكم مثل اول واحسن إن شاء الله المهم زوجك واهله وإذا كنت معزمه على الصلح كلميها على إنفراد
وخذى واعطي معاها با الكلام حتى تعرفين هي ليه زعلانه

الحل الافضل ..انك تروحين لها وتصارحيها ..وتقولين لها كل الي في قلبك وتحبيها ..والله المشاكل مو زينه ..اخاف زوجك يتغير لاسمح الله ..يعني اذا الحين مايكلمها لان توك عروس ..يمكن عقب فتره يرجع لها ويكلمها وتقوم تشوشه عليك ..وتسوي لكم مشاكل ..لاتسوين لك عداواه مع خواته

صالحيها وقولي لها انا احبك ومااقدر اشوفك زعلانه ولا ارضى زوجي يزعل عليك ..
قوليلها ابي نرجع نفس الاول واحسن ..ولا تخلين في بالك الكلام الي قالته لاخوك يمكن كانت معصبه ..

لاتنسين هي الي بغتك زوجه لاخوها وهي الي كانت الواسطه ..معناها كانت تحبك وايد ...يمكن صار شي بدون ماتتقصدين فيه ..زعلها منك ..

طيب وش الغريب .... انا اعرف وحدة زوجت اخوها لصديقتها لأنها تحبها ... بس بعد الزواج صارت الد الاعداء
الغيرة بدت تشتغل
عاد اذا الوحدة تعز صديقتها .... تخليها على جنب في مسألة الزواج ... يعني لا تتزوج اخ صديقتها ولا تزوج صديقتها لاخوها هي

صار الواحد هالايام يخاف وما يدري متى ينفجر بركان الغيرة عند كثير من النساء
والله لا يبلانا

وما دام الفاس وقعت في الراس .... عامليها برسمية شديدة وبري ذمتك بانك ما تغلطين عليه .... وخليها تطق براسها الجدار ...
ومادام زوجك راضي عنك وسعيد معك .... حطي xعليها وكأنها مو على وجه الارض لين ينطحن الحب اللي براسها

ونة ألم
الحمدلله عزيزتي ان زوجك واقف معك وهالشيء يعززك بشكل كبيرر عند اهل زوجك
ووقفة زوجك ردت اعتبارك وأدبتها وخلتها تحس بقيمتك وبعد كذا ماراح تتجرأ تغلط عليك او على أهلك
انصحك ماتتدخلين بينها وبين اخوها تجاهلي الموضوع وهم اخوان مصيرهم بيتصافون
واخته عامليها باحترام ولاتغلطين عليها وحاولي تهدينلها في المناسبات عشان تكسبينها ولاتتعمقين معها كثير او تعاتبينها خلك سطحية معها

الله يوفقك ويسعدك