مشكلتي مع أخوي أبي حل

السلام عليكم كيفكم يابنات؟

الموضوع باين من عنوانه

انا صارت لي مشكله مع أخوي

بحكي لكم شويه عنه

هو قبل كان ماشاءالله عليه المكان اللي تبينه مايحتاج تاخذين رايه إذا فاضي يوديك او لا

كل اللي عليك تلبسين عباتك وتمرين عليه تقولين يالله قم وهو يوصلك

بس الحين تغير كثييييييييييييييييير

صار مايطلعنا إلا بعد طلعت الروح

وآحنا مانكثر عليه بالطلعات مشان نقول يمكن مل وطفش من كثر طلباتنا

وآمي تقول ماأبيه يتعود ع الحركه هذي بكره لو نموت مايطلعنا

وأخرها اليوم

ماما كانت تبي تروح لدكتورتها مشان البشره لانو أمي تهتم بنفسها كثيييييييييير وهي صغيره

قال هو لا فيني نوم قلنا ماعليه يمكن صدق فيه نوم

وبعد فتره شبه طويله دخلت أنا غرفته كنت أبي أخذ حاجه منها

حصلته صاحي ويقرى جريده قلت طيب بما أنو مافيك نوم طلع أمي خلها تمشى مايحتاج مستشفى

من زمان ماطلعت

قال لا أبي انام طنشته وعديتها له

بس بعد فتره طلع من غرفته وكان نشييييييييييييييط قلت له حرام عليك شف أمي طفشانه قوم طلعها

قال لا بعصبيه بدون سبب

وبعدها دخل غرفته وماأنتبهت إلا الأخ طالع منها ولابس ثيابه يعني بيطلع

انا هنا وصلت معي أقول له وصل أمي للمستشفى يقول فيني نوم وأقوله طلعها يقول فيني نوم ويطلع ؟

أبي معه حل ابيه يرجع مثل قبل

هو طبعآ اليوم كان جاي من دوامه رايق لما صحى المغرب طلع لأصحابه ومن يوم جاء وهو معصب

حيييييييييييل

طبعآ أنا وأمي قررنا مانكلمه ولانعطيه وجه أسبوع كامل نشوف إذا نفع معه وحس بالذنب والندم وإلا ماراح يدري عن شي

للمعلوميه ترى هو طيوب وحبوب وحنون علينا وخاصه امي

ويموت ع أمي حتى مخزن رقمها بجواله نظر عيني

يعني ماتقولون هذا الولد عاق بس موعارفه وش اللي قلبه علينا

إذا عندكم حل غير هذا قولو لي

وكمان أبي أرسل له رساله من جوال أمي تحسسه بالندم بس مو عارفه شو أكتب

أنصحوني وش اكتب له ؟

طبعآ المرسل أكيد ماما مو انا

وآسفه إذا طولت عليكم

وإذا كان كلامي مو واضح بس انا اكتب من القهر اللي فيني :icon33:

وياليت اللي ماعندها حل تدعي انو يرجع أخوي مثل قبل وترفع موضوعي

أنا بحاجتكم كثييييييييييييييييييييييييير