مشكلتي مع أطفال قريباتي .. مالحل ؟

الله يعينك يا قلبي

كنت اتاذى من اطفال الضيوف

والحين الله يعيني على عيالي


ما راح اقولك قوليلهم ممنوع اصطحاب الاطفال

لان بعض الاطفال منا وفينا مامنهم فكه الله يصلحهم

بس اذا عندك غرفه فاضيه سويها غرفة العاب

وفيها ينزلون كل طاقتهم

وكوني صريحه لما يوصلون قولي لهم وامهاتهم يسمعون انا سويتلكم نادي العبو فيه

لان الحلوين ما يجلسون مع الحريم

شوي شوي يتعودون

تكلمي قولي لا عيب وخلي امه تسمع امكن تحس على دمها شوي وبيني انك تضايقتي من هالتصرف طبعا اذا متعمدين وامهاتهم عادي عندهم واذا زعلو مع السلامه محد خسران في العفش غيرك انتي وزوجك

طيب انا اعرف وحد مشاء الله بيتها كله كزاز وتهاوش البزران وتهاوش امهاتهم
بــــــــــــــس في بيت الناس ماتداني احد يهاوش عيالها تقول هذولا بزران وش عرفهم مع ان الاعمار متقاربه
وياويلك لو بحلقتي في احد من عيالها او قلتيله عيب



انا من ناحيتي جالسه اعدل في بيتي وابن امه الي يكسر شي

انا مثلك بعض زوارنا مو كلهم احيانا يجيبون عيالهم الصغار وصغار مرة والله يحييهم
بس احيانا يرفع ضغطي اذا اعطت الام طفلها حلى والا شي من الاكل بيده ويقعد يمشي ويلطخ بيده الجدران والاثاث والا شي يتفتت على الارضيات
ميخالف ابرك ساعه انها تعطيه وياكل فيه اجر وثواب بس ليتها بنفسها تأكله ليش تتركه على كيفه
وحلاً للمشكله اللي زي كذا حطيت غرفه بالدور الثالث مقابل غرفة الشغالة وحطيت فيها العاب وعرايس وخيمة العاب صغيرة وسبورة وتلفزيون وبليستيشن والوان واقلام تلاوين واول ما يجيني زوار اخلي بناتي يطلعون الاطفال فوق للدور الثالث يلعبون ويحوسون براحتهم حتى الاكل اطلعه فوق بس لا يتعدون الغرفه
لقيتها اريح

جهزي لهم مكان يلعبون فيه والي يدخل ويحوس حمري عليه العين

والي بيزعل بالطقاااااااااق.. لاتقولين يهموني.. وانتي ماتهمينهم؟؟