السلام عليكم ورحمة الله
انا عندي مشكله متعبتني نفسيا مررررره من يوم جبت بنتي ..يعني من سنه و8 شهور
السالفه اني انا وحيدة امي وابوي وتزوجت قبل ثلاث سنين وزوجي يصير ولد خالتي والحمد لله حالتي مرتاحه مررره معاه
بس امي الله يهديها من يوم جبت بنتي صارت تشغلني ببنتي كثير تخاف عليها كثير
(انا لما كنت صغيرة لاني وحيدتها كانت تخاف علي ماتخليني العب مع الاطفال ويوم كبرت ماتخليني اصادق احد من البنات في المدرسه
ومن يوم انا صغيرة تأكلني ماشاء الله بشكل مو طبيعي الين انتفخت وصارت عندي سمنه مو طبيعيه وانا الان اعاني من السمنه ودايم اسوي ريجيم(امي حاطه في بالها ان الواحد لما يأكل عشان يأكل مو عشان يسد جوعه) حتى اللبس ماكانت تخليني اختار ملابسي الين صرت في الثانويه كنت لما اروح السوق اتهاوش معها الين اشتري اللي ابغاه وفهمتها اني انا اللي ابلبس مو هي لازم اختار على كيفي..
المهم ولما تزوجت ارتحت شوي من المراقبه والحكره فالبيت وتحكمها فيني والحمدلله
ويوم جبت بنتي صارت دايم تأكلها بشكل مو طبيعي ماتمر ساعه بالضبط الا وتسوي لها شي تاكله طبعا الطفل الصغير مايعرف يقول انا شبعت وهي فرحانه انها تاكل وتاكل
بنتي قصيرة شوي والحين طلع لها كرررشه بسم الله عليها كله من الاكل
وتعبت وانا افهم امي اقول لها لاتكثرين لها ماتفهم تقول لي ( انتي حاسده بنتك ماتبغينها تاكل انتي بتعقدين بنتك و و و)
والحين بنتي صارت ماتخاف مني ومن ابوها وصارت تضربنا وترمينا ب
أي شي في يدها بكاسة بعلبه او بجزمتها او بمنديل اي شي ترميه ولما نجي نهاوشها تزعل امي واحيان اضرب بنتي او اقرصها في يدها وامي تزعل واخرتها اليوم ( بنتي تاخذ العابها وترميها على وجه ابوي الشايب قمت قرصتها قالت امي عسى تقرصك الحيه..تدعي علي وتضحك لبنتي)
انا زعلت مرررره وقعدت ابكي وقالت لي انتي خساره فيك الذريه ..عشان اضرب بنتي واقرصها
الحين بنتي دايم تحرجني مع الناس بس تضرب وترمي الاشياء وماتخاف مني وماني عارفه كيف اتصرف معها؟؟
واذا خرجنا ورحنا لحريم او حتى رحنا لأهل زوجي وامي معاي تشغلني مررررررره ..انتبهي لبنتك .البنت راحت البنت لااحد يضربها من الصغار ..امسكيها واحيان تقطع هرجة الحريم اللي يتكلمون وتكلمني..انا قمممة الاحراج
واحيان اطنشها اسوي نفسي اني مااسمعها تقوم هي من وسط الجلسه وتروح تشوفها وين راحت تخيلو شكلي وقتها :icon33:
الين صرت اكره الخروج معها في اي مكان
وحتى زوجي صار يطفش لما نروح عندهم تزعجنا تقعد تلعب معها واذا سوينا شي للبنت حتى لو نمزح معها تقوم تهاوش
حتى زوجي قال لي اسمحي لي انا احب اهلك وامك خالتي واحترمهم بس ماعاد اقدر اروح لهم كثير عشان رجة امك خلينا نروح كل اسبوعين او اني اوديك عندهم واخرج مااجلس
((أنا ماابغى بنتي تصير زيي معقدة من جسمها وسمنتها ..ومعقدة ومحرومه من اللعب مع الاطفال والخروج )) انا انحرمت من الناس ومااعرف العاب الاطفال لاني ماعشت طفولتي زي الناس بسبب امي))
المشكله الكبيرة _(( ان امي مااااتفهم الكلام دايم ازعلها واتكلم معها وافهمها تزعل بوقتها واليوم الثاني ترجع زي اول واخس يعني تنسى الموضوع))
وش اسوي مع امي كيف افهمها قبل ماينخرب بيتي لاني تعبت مرررررررررره من امي مااقدر اهاوشها ولا اقدر اقاطعها وش اسوي والكلام ماتفهمه وزوجي بدا يتضايق مررررررره والناس احرجتني معهم مرررررره
و أهم شي كيف اتصرف مع بنتي كيف اربيها لما تجي تضربني انا وابوها وترمي علينا الاغراض؟؟
بليز دلوووني واعطوني حل وريحوا بالي
لاني في هم مايعلمه الا الله
((ترى انا الحمد لله مطيعه وباره في اهلي و زوجي دايم يوصيني بأهلي وكنت مترددة في كتابة الموضوع بس قلت مالي الا الله ثم انتم يابنات حواء اعتبرتكم خواتي وتساعدوني))
وجزاكم الله الجنة
(دلوعة الفهد) @dloaa_alfhd
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
من جد موضوعك حساس ان شاء الله البنات يفيدونك ..