السلام عليكم خواتي عساكم بخير وعافيه .............
مثل ماقريتوا بالعنوان مشكلتي مع أمي أقرواها
تقول كلام يقهر وتررد بالماضي والحاضر وتزود عليه .....
المهم ابلشتني بالعرس وتبي تزوجني وانا بالمتوسط مع العلم ان بعيالتنا غلط ان البنت تتزوج وهي صغيره وكأني عانس وأذا الموضوع قبل ماتحكمون علي و ربي يهديها تعبت معها كل العيلة تعبت معهم اخواني وخواتي طبعا البنات متضررة اكثر من العيال ..بحكم انهم قاعدين على طول معها.....
طبعا من عرفت نفسي وانا صغيره دايم تتهاوش مع ابوي المسكين الله يرحمه ودايم تدعي عليه وهو متحملها ولايغلط عليها مغير تهوش أحدتزوج من قريبنا ولاشي يعني العيال صارت سالفه وحطت اني شيفه ومحد يبني واتهمتني بأخلاقي عشان كذا
ماخطبوني المهم اني كنت عايشه بخير ابوي يعني وش ماضايقتها فيه مدري
المهم خلاص صار تفكيري بالعرس هو الهروب الوحيد من مشكلها المهم ربي
رزقني وتزوجت وخطبت وانا بالثانوي وتزوجت بعد ماخلصت منها
ربي رحمني المهم ماخلتني بحالي لو تشوفين مقاضي عرسي ولبسي اني اكسر الخاطر كنها ملابس خدامه المهم ماهمني الشي هذا طنشت ماخلتني بحالي يوم تزوجت كنت بسنه اولى جامعه كان عندنا بالجامعه اجازه بالجامعه اسبوعين قبل
الاختبارات من ثالث يوم وانا رايحه اتمشى بشهر العسل نكدت علي دقيت عليها بسلم ورد ابوي علي الله يرحمه وكانت امي جنبه وكلمته وسلمت وقلت وين وانا اسمع قل مهيب فيه بعيده وانا اسمعها واقعد ابكي من القهر ويدخل علي زوجي ويقول وش فيك المهم انقهرت قهر....
وترسلي وحده من خواتي وتقول ارجعي عندك اختبارات وانا عارفه ماعندنا شي
وتدق علي امي وتقول ارجعي وانا مالي الى ثلاث ايام تراه بيضحك تقصد زوجي عليك تراه مدري وين جايبه هالتفكير يعني نكدت علي بشهر العسل ..
وأخذ اسبوع وارجع من كثر التنكيد علي واروح للجامعه عشان اسكتها كني امعه
ولافيه شي وخلوه على ربكم تقرر زواجي بمزاجها وتسوي الي تبي مشينها ..
هذي السالفه قديمه لها عشر سنين ...المهم حبيباتي هذي القصه مأثره فيني نفسيا يعني ماتهنيت بزواجي من البدايه..
ابقولك اهم شي صار لي من تصرفات امي الله يهديها طبعا هي دايم هواش مع البنات والعيال ودايم تسبهم وتلعنهم وتتفل عليهم وتدعي عليهم بسبب وبدون سبب بدعاء شين يعني مافيه دعاء زين ودي اسمع منها بالغلط دعوه حلوه ولامره
جاء يوم الاربعاء الي طاف وقرروا هم وخواتي انهم يسيرون علي وفرحت فيهم وانبسطت المهم جوني العصر وتقهوينا وتعشينا ماطلعوا من عندي الى الساعه2بالليل المهم يوم دق اخوي وقال ابجي اخذكم يعني مالزمت وقلت اقعدوا زود مو معنا اني مابيهم بس احسهم اهلي ومبينا رسميات وزوجي برا مارايح يرجع الا لما أدق عليه ألا أذا راحوا.....
وكنا متواعدين نطلع من بكره لخوالي قمت وقررت أني أطلع وأجيب لها جلابيه
حلوه تكشخ فيها برضى خاطر مني ودي أشتري لها كم وحده بس شريت وحده لأني مستعجله ....وقمت ونزلت بنتي عند الباب ودخلت عليهم وعطتها أيها
وأنا عارفه أنها مهيب لابستها لأني كل ماجبت لها شي قامت وجدعته ولاعطته أحد...مع العلم أني ماني موظفه وراتب زوجي يدوب يكفينا واذا عطاني اتقضى لي
ولعيالي يالله يكفي واحيانا مايكفي الي يعطيني اياه ولاتحسبوني اشري من الماركات الغاليه مشري الا وقت التخفيض وسيتي ماكس.......والحمدلله..
المهم رحنا لخوالي ومالبست الي جبته لها ....وسألت خواتي قالوا زي كل مره تجيبين لها ماتبيه ....لأني كم مره جبت لها جلابيات وتقول اساسا انتي ماجبتيها لي
اكيد انك مابغيتها وقمت وعطيتيني اياها وانا اروح خصيصا اجيب لها واحلف لها انها مهيب لي ولاشي...
واقوم واشتري لها اقمشه وافصلها ثياب الحريم الكبار ثلاث ثياب ويوم جبتها لها
قامت وخذتهن وعطتهن الجمعيه الخيريه عيني عينك وش تقول اساسا الاقمشه الي عطيتيني ايايها جايتك هدايا يعني انتي ماشريتها لي وتقعد تقول من راسها كلام
أول حاجه الي بيهديني مايهديني قطع خرق ....وهي تعرف من يهديني لو احد
عطاني شي رحت وقلت لها يعني تعرف كل شي....ومره قبل سنتين قررت أشتري لها جوال وبعت ذهب لي وشريت لها وقامت باعته وسمعتني كلام يقهر الي ماينقهر..
المهم رحت لهم امس الله لايعود الشر صارت متهاوشه مع خواتي واخواني على سالفه بالليل المهم من يوم دخلت وهي تبي الهواش المهم عرفت السالفه من خواتي وقامت تتناقش وتدور الهواش وأنا أحاول أني أحترمها وماأقل أحترامي عليها لأنها أمي غصبن علي أحترمها وفتحت مواضيع بايخه عشان تتهاوش معي ومع خواتي وقامت وجابت الجلابيه وجدعتها بوجهي قالت انا ماأخذ صدقه ...مع العلم أن الله مغنيها من فضله راتب تقاعدي لها ولخواتي حوالي 8000 الاف وهي عندها حلال ورث وأخواني يصرفون على البيت من الأكل والفواتير يعني بس اللبس فقط ..والمصيبه أنها ماتقضت لخواتي ملابس الشتاء من دخل مغير يلبسون ملابس الصيف تخيلوا كاأنهم فقراء ارحمهم يكسرون خاطري على حالهم وماتقضوا ملابس طلعات الى قبل اربع شهور وحاجات بسيطه كلها بلايز بسيطه ...يعني خواتي متضايقين تجمع رواتبهم وهم لهم احق فيها يعني ماتهنوا فيها لالبس ولاغيره روحات ولاشي.....المهم انا عارفه انها غلطانه ولاعمري فاتحت الموضوع معها قلت هي مهيب جاهله تعرف الصح من الغلط ولاأبغى اجرحها لأني لو قلت لها بتقول مشتكين لك البنات ولاشي ...المهم بعدماهوشتني قلت طلعي فلوس البنات بعد ماقعدت تدعي علي وتدعي عليهن طلعت الي بخاطري وقامت علي بتتفل بوجهي قلت تراك محاسبه من ربك وأسألي أي شيخ لأنهن كبار موصغار وهذا الكلام بعد ماهوشت دخلت بغرفه انا وعيالي وسكرت علينا الباب عشان مغلط عليها يوم دخلت قلت كذا وقعدت تدعي علي وعلى عيالي وتدعي على الي ببطني لأني حامل وتقول جعله يصير معاق وتشوفين رحمك بين رجلينك والله لوأكبرعدو لي مايدعي علي بوجهي ....بالله هذاتصرف ام عاقله يعني ماخلت لأحد محبه ..وتحاول تفرقنا يعني يعني تفتن بينا ...وبقولكم بسالفة الهوشه قالت من قال انك تبغيني يوم سيرت عليك يوم جيت بطلع مالزمتي علي اطول وش اقول والساعه ثنتين..المهم مارديت عليها ...عشان خواتي معاد يحبون يجوني ....وغلطت علي غلطه محد يرضاها قعدت تتهمني أني أواعد رياجيل في بيتي وتقول لبنتي أسمعي تر أمك تواعد رياجيل عشان كذا تقفل على نفسها الباب
معليش سامحوني خواتي على الأطاله وبسالفتي ماخفي أعظم ...
هل أنا غلطانه بحقها على اني احاسب نفسي مية مره عشان مغلط بحقها وبحق غيرها
عضوه بأمل @aadoh_baml
عضوة نشيطة
يلزم عليك تسجيل الدخول أولًا لكتابة تعليق.
سانغ مي
•
شوفي تصدقي عنها و ادعوا ربي يسخرها لكم
انا و الله تقريبا نفس حالتك و احيانا اذا انقهرت هاوشت لكن تبت لله و احاول امسك نفسي
ماعليش تحملي امكن امك مرت بشي قبل و مأثر عليها
حالتك نفس حالتي اختلاف بسيط امكن نفس حالتي ب 95 %
ادعيلي الله يسعدك
انا و الله تقريبا نفس حالتك و احيانا اذا انقهرت هاوشت لكن تبت لله و احاول امسك نفسي
ماعليش تحملي امكن امك مرت بشي قبل و مأثر عليها
حالتك نفس حالتي اختلاف بسيط امكن نفس حالتي ب 95 %
ادعيلي الله يسعدك
ياربي الله يصبرك الشكوی علی الله المومن مبتلا اصبري واحتسبي الأجر ولا تروحين لهم دايم قللي روحتك لهم مررره اريح لك ولهم
امى جنتى
•
الله يكون بعونك اعرف وحده قالت لى بقصتها كان امها مثل امك واخس تقول صرت ادعى لها ومانسيت دعاءي وقت الطلق مرت ايام تقول اقسم بالله انها صارت احسن من اول ربي فرج همي بسبب دعاءي لها ادعي لها بالسر الله اعلم بحالك 💕موفقه ياعسل
الصفحة الأخيرة
اللـــــــــــــــــــــــــــــهم صـــــــــــل وسلــــم على نبينا محمد
اللـــــــــــــــــــــــــــــهم صـــــــــــل وسلــــم على نبينا محمد