مشكلتي مع أهلي ... ليتني بعيدة عنهم

لا حراااام عليك احس انك ماخذه الموقف بحساسية زيادة...يعني كلام اخوك وابوك مافيه شي يزعل...احس انه مزح بريء يعني انا توقعت يوم قريت المقدمة انك بتقولين اهلي يضربون اولادي ويعاملونهم معاملة سيئة او يطردونهم ومايلاعبونهم...
تعوذي من الشيطان وخففي من الحساسية الزايدة مواقف عادية تصير بكل مكان.... اي واحدة الا ويعلق احد من اهلها على اطفالها حتى لوكانوا حلوين...الله يهدي بالك ويمكن ذاك اليوم كنتي انتي متضايقة واخذتيها بحساسية زايدة..

انت مو حساسه بس الي دلوووعه بعد

ياختي ليش مضيقه صدرك المفروض تتقبلي كل شي بمزح وانت تضحكي معهم
كل الاهل يسوون كذا اخواني اشوفهم على عيال اخواتي يتطنز بكل صغيره وكبيره بس عادي
اساسا لو ما يبونهم كان ما طرووهم نهااائيا
والله لو يجي زوجك دوره بس كم شهر ان تتقطعين عليهم هذولا اهلك مو ناس اغراب
وطبيعي انهم ما يتقبلون اي شي وخصوصا ان كان البيت مافيه اطفال يعني بعد ما رفعت الزباله مثلا بيقولو ليش رفعتيها عاااااااادي كل الناس يسوون كذا
انت لو جاك احد في بيتك ومعه اطفال وغير اي شي في ترتيب البيت بتقولي يووووه ليش
هذا وعندك اطفال فما بالك بالي متعوديين على هدوووووء دائم
انا اشوف امي داايم تقولي فلانه بتجي وخرو هذا لا يخربونه والله يعين على صجتهم وو
بس لو ما جو اشوفها يضيق صدرها ودها بهم
يعني ردة فعل طبيعيه لهم تبينهم ما ينفسون ولا يتحركون وطول الوقت يقولون ياحلو عيالك!!
عادي لازم انت تتكيفين وخري عنك الحساسيه الزايده
اذا ما تحملتي امك وابوك من تتحملين؟؟؟!!!!!!! (( ولا تقل لهما اف ولا تنهرهما وقل لهما قول كريما))
وينك عن هذي الايه
تداركي نفسك قبل لايجي اليوم الي تندمي على كل صغيره وكبيره سويتيها
وتقولين ليتني ماقلت
وبعدين لو انك متنرفزه مره ليش تروحي لهم نص الاسبوع << شفت هذا من شوقك لهم
وخلي روحتك لهم مع جمعة اخواتك اذا عندك عشان ما تضيقي صدرك
واخوك كلامه عاااااااادي بس انت مزودتها وش قال عندكم دش<< طيب هو عنده يعني جالس يمزح بس
لو كان ماعنده كان قلنا اوكي بس عنده
يعني طبيعي الي جالسين يسوونه بس انتي شكل نفسيتك تعبانه ولا تتقبلي شي نهاائي
ولا تنسي انها ربت وخلصت تبينها بعد تتكفل بعيالكم يكفيها الي جاها
وابوك وش عرفه ان الطفل ما ياكل غير سيريلاك عياله وكبرو تبينه يراقب بعد اكل الاطفال
اكرر لك لايجي اليوم الي تفقديهم فيه وتندمي على ما فااات وفي وقتها ما ينفع الندمممم

عيوني 00

تتوقعين كلامهم وتصرفاتهم دليل على كرههم لك ولبناتك

اكيد لأ00 لكن هذا اسلوبهم وتفكيرهم لازم نتقبل هالشي

انتي بكل بساطه تحبينهم لكن تكرهين تصرفاتهم واسلوبهم

ابوك صدقيني ااااااااااااجد اللي زيه يعني رجال كبير وتفكيره على زمان

اول وش تتوقعين ردة فعله لما يشوفك تاكلين بنتك سيريلاك وتاركه الانعام

الوالده خلاص ربتكم وتعبت والانسان اذا كبر ترى مافيه حيل على شقاوة

الاطفال يتعب وينرفز حاولي انك تعوديت اطفالك انهم يقللون لعب باغراض البيت

يعني خلي معاك العاب تعطينهم اياها لما تكونين عند اهلك عشان يلهون فيها

بالنسبه لاخوك قولي له يعدل اسلوبه ويخاف ربه وان كلامه يجرح يعني تفاهمي

معاه بس بهدووووووء الله يرضى عليك

الله يخلي لك اهلك وعيالك ان شاء الله

اخواتي لا تتحاملون علي الاخت اللي تقول حساسة واللي تقول مدلعة

انا حالي مع اهلي نفس حالها وزيادة حبتين يكرهون عيالي كره مو طبيعي ويطلعون فيهم عيوب الدنيا وفي نظرهم البنت اذا تزوجت خلا ص مالنا شغل فيها ولو حلال كان نسبوها بعد لزوجها
المهم انا صرت اقلل الزيارات ومااروح غير مرة في الاسبوع او الاسبوعين

ومااقول الا الحمد لله اللي رزقني زوج صالح ويحبني ولا صارت علوم

بصراحة مافي شيء يخليك تزعلين من اهلك والكلمة الي كتبتها اكرة اهلي قوية حرام عليك خافي من الله ودنياء دوارة مهما سواء اهلك حتى لو اضربو اعيالك مو معنا يكرهون اعيالك هذول اهلك يعنى سندك في حياتك وزوجك مهما كان في حياتك اهلك اهم منه والله امرنا ببرالوالدين لاتزعلين من كلامي انت مثل اختي وحبيت انصحك وكمان اقولك صديقتي امها وماتحب الاطفال كاتبة على باب بيتها ممنوع اصطحاب الاطفال ما زعلت بنتها ابد من امها