لا مايسير تقولي كده انا حاسه فيك انك مقهورة من تدخلهم وانا اشوف هادا الشئ عادي جدا لانو حتى انا واخواني نتريق عادي يتريقو على ابني بس بالمزح وصحيح اتضايق لما ينتقدو بس مايدعو اني اتحامل عليهم وما تخيل حياتي من دون اهلي ابدا ومن شاف بلوة غيره هانت عليه بلوته في وحدة قريبتي مسكينه منفصله عن زوجها ومتزوج عليها وابوها واقف مع زوجها يقولها خليك صح معلقه احسن مع انها مظلومه ويبغ ياخد ابنها ويعطيه لزوجها تخيلي انواع القهر من الاب ومن الزوج وانا لانتقدك ابدا بس حبيت اني ابديلك ري واوضحلك انك في نعمه وطنشي اي شئ مادامك مش في بيت اهلك عايشه.

ههههههه ياحليلك .. ابوي اذا جا الليل واحنا لسا مجتمعين انا واخواتي ومارحنا لبيوتنا قام وطردنا
يقول كل واحد يروح لبيته وبجديه ترا مو مزح ...واحنا عاادي نضف عفشنا وعيالنا ونروح بروح رياضيه
واليوم الثاني واحنا بوجهه ماكو فكه وهلم جرا
خليك عاديه وماعليك اسمعي من هنا وطلعي من هنا

أنا بصراحة ضد البنات اللي يقولون لج ان التصرفات السلبية هذي طبيعية
لا خواتي اسمحولي لازم تعرفون الخطا من الصواب

الشي الزين طبقوه والشي اللي مب زين حاولوا تصححونه ولكن لا تغيرون من مفاهيم الناس بس لأنكم شفتوا هالتصرفات شائعة في مجتمعكم !!!

والتجريح شي لازم نحد منه مب نتساهل وياه ولا بعض البنات قالن اضحكي معاهم بعد!!

في مشاكل بينك وبين زوجك؟

انا شفت الرأيي الراي اللي وقف وياج والراي اللي وقف ضدج ..

انا تصير لي هالمواقف وااايد في بيتنا .. ابوي الله يهديه متعود على المعاير والالقاب يعني ابو راس جذي ااو ابو وجه جذي وطبعا الاسلام نهانا عن التنابز بالالقاب ..
طبعا انا ما اضحك وياه ولا اعلق اسكت ولا احط بقلبي ولا شئ بس اقوله يبا لا تعيب عليه ما يصير واقولها ليه مو بشدة .. لا بمرونه عشان لا يحسب اني زعلانه ..
لكن مو لدرجه اني اكرههم او اقطع صلتي رحمي بهم عشان هما غلطو على عيالي .. ان شاء الله ارميهم بالبحر كل شئ و لاامي ابوي .. هم جنتي وناري فديتهم والله ..

باجر عيالي يتزوجون وينسوني ما بيتم لي في هالدنيا غير امي وابوي وزوجي بعد مو مضمون خخخخ الله لا يقوله ..

بس هذاني قلت لج يمكن في تصرفات يسوونها اهلنا غلط .. مثلا يناحسون الطفل ويعلمونه على الضرب والعصبية .. او الالفاظ الوسخه .. بس انتي استهدي بالله واحتسبي الاجر من عند رب العالمين وطبعا فهميهم بطريقة لائقة وبطريقة تكون فيها شخصيتك قوية انك ما تحبي هالاشياء اللي مو زينة واللي ما يرضاها رب العالمين ..

واعتقد ان لك حق تخافي على عيالك لان ساعات يتأثرون نفسياتهم بالاهانة او بالضرب او بالشتم او بالمزح الجارح ..

لكن كل هذا يعتمد عليك انك تحددي لهم خطوط حمراء ما يتجاوزوها طبعا اتكلم عن اخوانك لان امك وابوك ما لك حق عليهم الا بكلمة عتاب خفيفة لانهم مهما كان والدينك ..

ومثل ما قالو البنات غيري العنوان احسن لاني اشوف ان قاطع صلة رحمه الله يقصر في عمره وفي رزقه .. وكل شئ ولا صلة الرحم .. الله والرسول وصانا بها حتى لو كانت تجي من وراها ضرر ومشقة .. بالعكس يكتب لك فيها اجرين .. الصبر و صلة الرحم ..

عسى الله ان يهديك ويهدينا اجمعين ..