يا أخت رؤيا جزاك الله خيرا على ردك
أنا أكيد ماراح أزعل ولا أتضايق من كلامك،، أصلا أنا ما طلبت الاستشارة والمساعدة إلا عشان أستفيد وأسمع آراء الناس المختلفين يمكن يكون عندهم وجهة نظر غير اللي عندي وهذا اللي يسبب أحيانا سوء الفهم وعدم التوافق بين الشخصيات المختلفة

فعلا،،، ألاحظ إن الرسمية الزايدة لها دور كبييير لكن هم طبعهم كذا ألاحظهم حتى مع أختهم الكبيرة المتزوجة إذا جات عندهم في البيت يتكلفون لها ويتعاملون معاها بطريقة غير ما أدري ،،، يعني أنا متعودة حتى مع بنات عمي وبنات خالي وجماعتنا عموماً ما عندنا رسميات وتكاليف لكن هم لا،، هم حتى ما أهل عمهم اللي هم جيرانهم فيه رسمية شديدة بينهم ،،،
حاولت إني ما أكون رسمية في بداية زواجي لكن هم اضطروني إني أعاملهم بالمثل
مع العلم إن البنات في مثل عمري تقريباً (في الكلية والثانوية والمتوسطة)


حبيبتي رؤيا معليش كثري هذرة معاي أنا ما أحب اللي تكون صامتة على طول :27:

أشكرك مرة ثانية على تفاعلك مع مشكلتي وإن شاء الله ألقى حل أو طريقة للتعامل معها

عزيزتي بقايا جراح ،، أشكرك على ردك

هو أكيد إني لما أعيش معاهم راح أتعود على الوضع ،، لكني جربت في الإجازة الصيفية فترة طويلة ما قدرت أتعود في الأخير تأزمت نفسيتي وصرت كل يوم أجلس أبكي من الطفش والملل ولأن زوجي بعد يكون مشغول مع إخوانه وأهله فما أشوفه إلا وقت النوم فقط، وحياتنا تكون فوضوية غير عن الحياة الي تعودنا عليها،،

أسأل الله أن ييسر لنا أمورنا ويشرح لنا صدورنا ويوفقنا لما فيه الخير والسداد